BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

استانانىڭ قۇتقارۋشىلارى سۋ قويمالارىنداعى رەيدتىك شارالاردى كۇشەيتتى

فوتو: Arnapress.kz

شومىلۋ ماۋسىمىنىڭ باسىنان ەلوردادا 8 ادام سۋعا باتىپ كەتتى. قايعىلى وقيعا ازاماتتاردىڭ سۋدا ٴوزىن-وزى ۇستاۋ ەرەجەلەرىن ساقتاماۋىنان بولادى. وسىعان وراي، قالالىق ازاماتتىق قورعانىس ورگاندارى كۇن سايىن ٴاقپاراتتىق-تۇسىندىرۋ جۇمىستارىن جۇرگىزىپ جاتىر، دەپ حابارلايدى baq.kz اقپارات اگەنتتىگى استانا اكىمدىگىنىڭ رەسمي سايتىنا سىلتەمە جاساپ.

شومىلۋ ماۋسىمى باستالماس بۇرىن، توتەنشە جاعدايلار دەپارتامەنتىنىڭ قۇتقارۋشىلار قىزمەتى كۇشەيتىلگەن رەجيمگە كوشەدى. ماماندار كۇن سايىن وزەن ارنالارىن ارالاپ، ازاماتتارعا سۋدا ٴوزىن-وزى ۇستاۋ ەرەجەلەرى، العاشقى مەديسينالىق كومەك كورسەتۋ ەرەجەلەرى بار جادىنامالاردى تاراتادى. استانا قالاسى توتەنشە جاعدايلار دەپارتامەنتىنىڭ ٴبولىم باسشىسى، پودپولكوۆنيك ەلدور رايىمبەكوۆتىڭ ايتۋىنا قاراعاندا، قايعىلى وقيعالار نەگىزىنەن اتا-انالاردىڭ نەمقۇرايلىعىنان، بەلگىلەنبەگەن جەردە سۋعا تۇسۋىنەن، ازاماتتاردىڭ الكوگولدى ىشىمدىك ىشۋىنەن بولادى.

«استانا قالاسىندا شومىلۋعا رۇقسات ەتىلگەن جاعاجايلاردا ابىروي بولعاندا قايعىلى وقيعا تىركەلگەن جوق. ازاماتتار بەلگىلەنبەگەن جەردە شومىلۋ كەزىندە سۋعا باتىپ كەتكەن. بۇگىنگە دەيىن 17 ازاماتتى سۋدا ٴوزىن-وزى ۇستاۋ ەرەجەلەرىن ساقتاماعانى ٴۇشىن اكىمشىلىك جاۋاپكەرشىلىككە تارتتىق. ولاردىڭ كوبىسى تىيىم سالىنعان سۋ قويماسىندا شومىلىپ، الكوگولدى ىشىمدىك ىشكەن، بالالارىن قاراۋسىز قالدىرعان»، – دەپ مالىمدەدى ەلدور رايىمبەكوۆ.

وسىنداي وقيعالاردى بولدىرماۋ، ولاردىڭ سانىن ازايتۋ ماقساتىندا استانا قالاسى تجد ماماندارى ەلوردا تۇرعىندارى مەن قوناقتارىن تىيىم سالىنعان جەرلەردە شومىلماۋعا شاقىرادى.

«شومىلۋعا رۇقسات بەرىلمەگەن جەرلەردەگى سۋدىڭ ٴتۇبى قانداي ەكەنى بەلگىسىز. ٴبىر جىلدىڭ وزىندە سۋ رەلەفى وزگەرۋى مۇمكىن. بىلەتىن ادامنىڭ ٴوزى جۇرەك اۋرۋىنا شالدىققان بولسا، بۇلشىق ەتتەردىڭ تارتىلىپ قالۋىنان سۋعا باتىپ كەتەدى. ٴبىز رۇقسات بەرىلگەن جەرلەردە شومىلۋعا كەڭەس بەرەمىز. سەبەبى، ونداي سۋ قويمالارى قاجەتتىنىڭ بارىمەن جابدىقتالىپ، قۇتقارۋشى مامانداردىڭ قىزمەتىمەن قامتاماسىز ەتىلگەن. بارلىق ەرەجەلەردى ساقتاۋ كەرەكتىگىن ەلوردالىقتاردىڭ ەسىنە تاعى دا ٴبىر مارتە سالعىم كەلەدى، ەسكەرتىلگەن تالاپتاردى ورىنداعان ٴجون»، – دەدى تجد دەپارتامەنتىنىڭ ٴبولىم باسشىسى.

ايتا كەتەيىك، شومىلۋ ماۋسىمى ەلىمىزدە 1 قىركۇيەكتە اياقتالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي