BAQ.kz - Қазақстан жаңалықтары USD 356.54 BAQ.kz - Қазақстан жаңалықтары EUR 419.43 BAQ.kz - Қазақстан жаңалықтары RUB 5.42
استانا:

استانالىقتار قوقىس وتكىزىپ اقشا تابا الادى

استانا تۇرعىندارى قايتالاما شيكىزات قابىلدايتىن ەكو-پۋنكتتەرگە قوقىس وتكىزىپ، اقشا تابا الادى. بۇگىندە ەلوردامىزدا astana clean time كومپانياسىنىڭ 9 قوقىس قابىلدايتىن پۋنكتى بار. جىل سوڭىنا دەيىن 31-گە جەتكىزۋ جوسپارلانىپ وتىر. قوقىستىڭ ٴبىر كەلىسى 20 تەڭگەمەن 70 تەڭگە اراسىندا باعالانادى، دەپ حابارلايدى baq.kz ٴتىلشىسى.

astana clean time كومپانياسىنىڭ باس ديرەكتورى تيمۋر يسماگۋلوۆتىڭ ايتۋىنشا، قوقىستى قابىلدايتىن پۋنكتتەردى سالماستان بۇرىن «جاس وتان» جاستار قاناتىمەن بىرلەسە جۇرگىزىلگەن الەۋمەتتىك ساۋالناما ناتيجەسىندە استانالىقتاردىڭ 70%ٴ-ى جوباعا قولداۋ بىلدىرگەن.

«يدەيا وسى جىلدىڭ باسىندا پايدا بولدى. ٴبىز قانشاما ۋاقىت وزگە ەلدەردىڭ تاجىريبەسىن زەرتتەدىك. سونىڭ ىشىندە جاپونيانىڭ قوقىستى جيناۋ جۇيەسىن قابىلدادىق. جوبانى «جاسىل تاڭداۋ» دەپ اتادىق. ەڭ ٴبىرىنشى ەكوجايدى «سولتۇستىك شۇعىلاسى» تۇرعىن ٴۇي كەشەنىنە قويدىق. ٴارى قاراي «دوستار-1»، «دوستار-2»، «ارمان قالا»، «ەديم پالاس» تۇرعىن ٴۇي كەشەندەرىنە جانە شاپاعات بازارىنا ورنالاستىردىق»، - دەدى ديرەكتور.

قازىرگى تاڭدا ەكوجايلاردا قايتالاما شيكىزاتتىڭ 11 ٴتۇرى، سونىڭ ىشىندە ماكۋلاتۋرا، اق قاعاز، قاڭىلتىر قۇتى، پوليەتيلەن، سترەيچ قاپتاما، پلاستيك بوتەلكەلەر، اليۋمينيي قۇتى قالدىقتارىن قابىلدايدى. باعا ٴبىر كەلىمەن ەسەپتەلەدى. كومپانيا الداعى ۋاقىتتا نومەنكلاتۋرا سانىن ارتتىرىپ، جىل سوڭىنا دەيىن استانادا تاعى 22 ەكوجاي اشۋدى كوزدەپ وتىر.

«باعا ازىرگە 20-دان 70 تەڭگەگە دەيىن، ال ونى كوتەرۋ نارىقتىڭ قالاي جاۋاپ بەرەتىنىنە بايلانىستى بولماق. جوبانى باستاماستان بۇرىن، نارىققا تالداۋ جاسادىق، نازاربايەۆ ۋنيۆەرسيتەتىنىڭ عىلىمي توبىمەن بىرگە جۇمىس ىستەدىك. اي سايىن استانادا 6000 توننا كارتون پوليگونعا شىعارىلادى. ال ٴبىزدىڭ ماقساتىمىز بيزنەس رەتىندە اقشا تابۋ بولسا، ەكىنشىدەن ەكولوگيالىق ماڭىزىن ويلاپ وتىرمىز. پوليگونعا شىعارىلاتىن قوقىس كولەمىن ازايتۋدى كوزدەيمىز»، - دەدى يسماگۋلوۆ.

ٴار قابىلداۋ پۋنكتى كۇنىنە قايتالاما شيكىزاتتىڭ 500 كەلىسىن قابىلداي الادى. پيلوتتىق جوبا ەندى قولعا الىنعان كەزدە تۇرعىندار كۇنىنە 20-30 كەلى عانا وتكىزگەن.

پۋنكتتەردە قوقىستى كىمدەر قابىلداپ الادى دەسەڭىز مۇنىمەن الەۋمەتتىك از قامتىلعان ادامدار اينالىسادى، ياعني ەكوجايلاردا زەينەتكەرلەر، مۇگەدەكتەر جۇمىس ىستەيدى.

«جينالعان قوقىستى بازامىزعا تاسيتىن ارنايى 5 ەكوموبيل ساتىپ الدىق. تاعى دا 3 كولىك الماقشىمىز. شانحاي بازارىنداعى بازامىزدا قوقىستى وڭدەيمىز. ال كارتون، ماكۋلاتۋرا، پلاستيكتى پەتروپاۆل مەن الماتىداعى كومپانياعا جونەلتەمىز. شيكىزات شەتەلگە شىعارىلمايدى»، - دەدى ول.

ازاماتتار جيناۋعا وڭاي ماتەريال كارتوندى ٴجيى وتكىزەدى. جۇمىس كۇندەرى 15-20 ادام قوقىس وتكىزسە، دەمالىستا ولاردىڭ سانى ارتا تۇسەدى. كومپانيا قىزمەتكەرلەرى بالالاردان قوقىس قابىلدامايدى. تەك ولار اتا-اناسىمەن، ۇلكەن تۋىستارىمەن كەلگەندە عانا كومپانيا قىزمەتكرەلەرى قوقىستى ولشەپ، اقشا بەرەدى.

astana clean time ديرەكتورىنىڭ ورىنباسارى كلارا يساقىزى مەملەكەت تاراپىنان وسىنداي كومپانيالارعا قولداۋ بولسا بۇل ىسپەن جاقسى تابىس تابۋعا بولاتىنىن ايتادى. سەبەبى ەۋروپا، امەريكا مۇنى تابىس كوزى رەتىندە، ەنەرگيا وندىرۋگە، تابيعي رەسۋرستاردى ۇنەمدەۋ ماقساتىندا قولدايدى.

«حالىقتان، شەتەلدەن كەلگەن قوناقتار مەن شەتەلدە وقىپ كەلگەن جاستاردان وسىنداي سۇرانىستار ٴجيى ٴتۇستى. ادامدار قوقىستى ۇيىنەن سۇرىپتاپ وتكىزبەيدى. سول سەبەپتى ٴبىز ۇيلەرگە، اۋلالار اراسىنا وسىنداي ەكوجاي ورنالاستىرۋدى ۇيعاردىق. ٴقازىر استانادا ون شاقتى ەكوجاي بار، ونىڭ سەگىزى تولىققاندى جۇمىس ىستەپ تۇر. ماكۋلاتۋرانى كوپ جيناي المايسىڭ، كەز كەلگەن جەرگە قويا دا المايسىڭ. جەكەمەنشىك يەلىگى بار ادامداردان رۇقسات سۇراپ نەمەسە پاتەر يەلەرىنىڭ كووپەراتيۆىنىڭ كەلىسىمى بويىنشا جەردى جالعا الىپ، ٴوز قاراجاتىمىزبەن ەكوجايلاردى سالدىق»، - دەدى ول.

ونىڭ ايتۋىنشا، ٴبىر اۋلادا تۇراتىن ادامداردىڭ 80%ٴ-ى كومپانيانىڭ جۇمىسىن قولدايدى. ال قالعاندارى «قوقىس ٴۇيىندىسى بولىپ كەتپەي مە، جاعىمسىز ٴيىس پايدا بولماي ما؟» دەپ مازاسىزدانىپ، اقپاراتتىڭ دۇرىس جەتپەۋىنەن بۇل جوبانى قابىلداماي وتىر.

ەكوجايدا قوقىس قابىلدايتىن قىزمەتكەرلەر ايىنا 50-90 مىڭ اراسىندا جالاقى الادى. زەينەتكە تاياعان ادامداردى كوپ جەردە جۇمىسقا المايتىن بولعاندىقتان، كومپانيا وسىنداي تۇرعىندار مەن مۇگەدەكتەردى جۇمىسپەن قامتىپ وتىر.

«باسقا قالالاردا سۇرانىس بولسا ول جاقتا دا ەكوجايلار سالۋعا دايىنبىز. ٴاربىر ٴۇي، ٴاربىر دۇكەن قاعازدارىن لاقتىرماي بىزگە اكەلىپ وتكىزسە دەپ ماقسات قويدىق. سول سەبەپتى استانادا تاعى 30-40 ەكوجاي اشۋدى جوسپارلاپ وتىرمىز. استانادا قوقىستى قابىلداپ، قايتادان ساتاتىن بىرنەشە كومپانيا بار. ال «جاسىل تاڭداۋ» ەكوجوباسى قازاقستاندا ەش قالادا جوق. ٴبىرىنشى بوپ باستاعان سوڭ ازىرگە باسەكە جوق. وسىدان 4 جىل بۇرىن وسى كومپانياعا كەلگەندە مەن ماكۋلاتۋرانىڭ نە ەكەنىن بىلمەدىم. كەيىن جۇمىس بارىسىندا قوقىستى سۇرىپتاۋدىڭ قانشالىقتى ماڭىزدى ەكەنىن ٴتۇسىندىم. ەكولوگيالىق اپاتتار مەن ماسەلەلەر جايلى قانشاما ماعلۇمات الدىم. ٴقازىر ٴوز وتباسىم مەن تۇرعىن ۇيدەگى كورشى-قولاڭ ٴبارى قوقىستى سۇرىپتاپ اكەلىپ وتكىزەدى»، - دەدى ديرەكتوردىڭ ورىنباسارى.

فوتو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي