BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

استانادا جۋرناليستەر سوت رەپورتەرىنىڭ شەبەرلىگىن مەڭگەردى

استانا، baq.kz. قازاقستان رەسپۋبليكاسىنىڭ جوعارعى سوتى سۋديالار گيلدياسى جانە ف. ەبەرت قورىنىڭ قولداۋىمەن «سوت پەن باق اراسىنداعى ٴوزارا ٴىس-قيمىل جانە ىنتىماقتاستىق» تاقىرىبىندا ەكى كۇندىك سەمينار وتكىزدى. بۇل تۋرالى ەلوردالىق اكىمدىكتىڭ رەسمي سايتى قر جوعارعى سوتىنىڭ ٴباسپاسوز قىزمەتىنە سىلتەمە جاساپ حابارلادى.

ٴىس-شارا قۇقىقتىق جانە سوت ماسەلەلەرىنە مامانداندىرىلعان جۋرناليستەرگە ارنالعان. قازاقستان رەسپۋبليكاسى جوعارعى سوتىنىڭ ٴباسپاسوز قىزمەتىنىڭ جەتەكشىسى بولات كاليانبەكوۆ جوعارى سوت ورگانى جۇرگىزىپ وتىرعان بەلسەندى اقپاراتتىق ساياسات تۋرالى اڭگىمەلەدى. بۇل جۇمىستىڭ ماقساتى - قوعامنىڭ ادىلەتتىلىككە دەگەن سەنىمىن ارتتىرۋ.

«مەملەكەت باسشىسىنىڭ 2018 جىلعى 5 قازانداعى جولداۋىندا دا وسى مىندەت العا قويىلعان"، - دەپ اتاپ ٴوتتى سپيكەر.

قازاقستان رەسپۋبليكاسى جوعارعى سوتىنىڭ ٴباسپاسوز قىزمەتى الەۋمەتتىك جەلىلەردەگى جۇمىسقا ۇلكەن كوڭىل بولەدى. بارلىق ماڭىزدى وقيعالار ونلاين رەجيمىندە كورسەتىلەدى، سوتتاردىڭ سۋديالارى مەن قىزمەتكەرلەرى facebook الەۋمەتتىك جەلىسىندە بەلسەندى.

سەمينار اياسىندا قر جوعارعى سوتىنىڭ سۋديالارى ەلەنا ماكسيۋتا، دەنيس شيپپ جانە گۇلنار مەرگەنوۆا ٴسوز سويلەدى. ولار سوت قۇرىلىسى، سوت ٴوندىرىسى، سوتتىق اقپاراتتى الۋ ادىستەرى مەن زاڭ شەڭبەرىندە كەيبىر سوت پروسەستەرىن جاريالاماۋ تۋرالى ايتتى. سونداي-اق سەميناردا سوت جۇمىسىن جاريالاۋ مەن تاپسىرىستاردى راسىمدەۋدە كەزدەسەتىن قاتەلىكتەر ورتاعا سالىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي