USD 334.31 EUR 355.17 RUB 5.31
استانا:

استانادا جىل باسىنان بەرى 14 903 پاتەر پايدالانۋعا بەرىلدى

استانا قالاسى ستاتيستيكا دەپارتامەنتىنىڭ رەسمي مالىمەتىنە سايكەس، ەلوردادا تۇرعىن ٴۇي قۇرىلىسىنىڭ قارقىنى ارتىپ، قۇرىلىس نىساندارىنىڭ سانى ۇلعايدى، دەپ حابارلايدى astana.gov.kz.

2016 جىلعى قاڭتار-قىركۇيەكتە تۇرعىن ٴۇي قۇرىلىسىنا تارتىلعان ينۆەستيسيالار كولەمى 99 081،4 ملن تەڭگەنى قۇرادى، بۇل 2015 جىلدىڭ سايكەس كەزەڭىندەگى كورسەتكىشتىڭ 101،1%-ىن قۇرايدى. نەگىزگى كاپيتالعا سالىنعان ينۆەستيسيالاردىڭ جالپى كولەمىندە تۇرعىن ٴۇي قۇرىلىسىندا يگەرىلگەن قاراجاتتار ۇلەسى - 18،3%.

بارلىق قارجىلاندىرۋ كوزدەرى ەسەبىنەن 14 903 پاتەرگە ارنالعان تۇرعىن ۇيلەر پايدالانۋعا بەرىلدى، تاپسىرىلعان تۇرعىن ۇيلەردىڭ جالپى اۋدانى 1 644 497 شارشى مەتردى قۇرادى، بۇل 2015 جىلعى قاڭتار-قىركۇيەكتەگى كورسەتكىشتەن 29%-عا كوپ.

جەكە سالۋشىلار جالپى اۋدانى 124 791 شارشى مەتر تۇرعىن ٴۇي سالعان. بۇل 2015 جىلعى قاڭتار-قىركۇيەكتەگى كورسەتكىشتەن 3،8 ەسە كوپ. تۇرعىن ۇيلەردى پايدالانۋعا بەرۋدىڭ جالپى كولەمىندە جەكە تۇرعىن ٴۇي قۇرىلىسىنىڭ ۇلەسى 7،6%-دى قۇرادى، 2015 جىلعى قاڭتار-قىركۇيەكتە 2،6% بولعان.

ەلوردادا 2016 جىلعى قاڭتار-قىركۇيەكتە تۇرعىن ۇيلەردىڭ جالپى اۋدانىنىڭ 1 شارشى مەترىن سالۋدىڭ ورتاشا ناقتى شىعىنى 128،9 مىڭ تەڭگەنى، ونىڭ ىشىندە جەكە سالۋشىلاردىڭ تۇرعىزىلعانى 105،2 مىڭ تەڭگەنى قۇرادى.

سونداي-اق، نىسانداردىڭ قۇرىلىسىندا دا ٴوسىم بايقالىپ وتىر.

ۆەدومستۆونىڭ مالىمەتىنشە، 2016 جىلعى قاڭتار-قىركۇيەكتە استانا قالاسىنىڭ كاسىپورىندارى مەن ۇيىمدارى 399 775،5 ملن تەڭگە سوماسىنا قۇرىلىس جۇمىستارىن ورىندادى. ورىندالعان قۇرىلىس جۇمىستارى كولەمىنىڭ ەڭ جوعارى ۇلەستىك سالماعى 54،6%-ى جەكە مەنشىك مەردىگەرلىك ۇيىمدارعا، 45،3%-ى شەتەلدىك مەردىگەرلىك ۇيىمدارعا تيەسىلى، مەملەكەتتىك مەردىگەرلەر جالپى كولەمنىڭ 0،1%-ىن ورىندادى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي