BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

استانادا جەراستى قوقىس كونتەينەرلەرىن ورناتاتىن ورىندار انىقتالدى

فوتو: astana.gov.kz

استانا اكىمدىگى جاڭا جەراستى قوقىس كونتەينەرلەرىن ورنالاستىرۋ ٴۇشىن كونتەينەر الاڭىن انىقتادى. قاتتى تۇرمىستىق قالدىقتاردى جيناۋعا ارنالعان سىيىمدىلىعى تەرەڭدەتىلگەن جاشىكتەردى «بايقوڭىر»، «سارىارقا»، «الماتى» اۋداندارىنا ورناتپاق، دەپ حابارلايدى baq.kz اقپارات اگەنتتىگى استانا اكىمدىگىنىڭ رەسمي سايتىنا سىلتەمە جاساپ.

استانا قالالىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ مالىمەتىنشە، ٴۇش اۋداندا نەبارى جاڭا تيپتەگى 26 كونتەينەر پايدا بولادى: «بايقوڭىر» – 14 كونتەينەر، «سارىارقا» – 10، «الماتى» اۋدانىندا – 12 كونتەينەر ورناتىلماق.

«تۇرعىن ٴۇي قۇرىلىسىنىڭ تىعىزدىعى مەن جۇرەتىن جولداردىڭ تارلىعى، ٴىرى گاباريتتى ارنايى تەحنيكانىڭ قوقىستى شىعارار كەزدەگى قيىندىعىنا بايلانىستى قالانىڭ ٴۇش اۋدانىندا تەرەڭدەتىلگەن كونتەينەرلەردى ورناتاتىن 12 ورىن انىقتالدى. العاشقى بەس كونتەينەردىڭ مونتاج جۇمىستارى ابىلايحان 25 داڭعىلى مەن پۋشكين 15 كوشەسىندە اياقتالدى، ٴقازىر سول ۋچاسكەنى اباتتاندىرۋ جۇرگىزىلىپ جاتىر»، - دەلىنگەن رەسمي حابارلامادا.

ايتا كەتەيىك، جەراستى قوقىس كونتەينەرىنىڭ كولەمى 3، 5 تەكشە مەتر، قاتتى تۇرمىستىق قالدىقتاردى ساقتايتىن جانە جەراستى جيناۋ تەحنولوگياسىن جاساعان فينليانديانىڭ ٴوندىرىسى. ٴبىر كونتەينەردىڭ سىيىمدىلىعى 3 تەكشە مەتر، بۇل كادىمگى 3 قوقىس جاشىگىن الماستىرادى. ال قوقىستىڭ تەڭ جارتىسى جەر استىندا جاتادى. بۇل اۋلاداعى الاڭنىڭ كولەمىن كەڭەيتۋگە مۇمكىندىك بەرەدى. ونىڭ ۇستىنە مۇنداي كونتەينەرلەر باكتەريانىڭ تارالۋى مەن كۇن ىسىعان كەزدە جاعىمسىز ٴيىستىڭ شىعۋىن ازايتادى. سەبەبى، كونتەينەردىڭ تەڭ جارتىسى جەر استىندا ورنالاسقان.

جەراستى كونتەينەرلەرىندەگى قاتتى تۇرمىستىق قالدىقتاردى قوقىس تاسىمالدايتىن «clean city» كومپانياسى جۇزەگە اسىرادى. قاتتى تۇرمىستىق قالدىقتاردى (قتق) تەرەڭنەن جيناۋ ٴۇشىن كومپانيا ارنايى مانيپۋلياتور ساتىپ العان، ول كۇن سايىن جاڭا كونتەينەرلەردەگى قوقىستاردى شىعارادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي