BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

استانادا جەر ٴۇستى مەتروسىنىڭ جول اقىسى بەلگىلى بولدى

استانا، baq.kz. استانادا قۇرىلىسى ٴجۇرىپ جاتقان جەر ٴۇستى مەتروسىمەن قاتىناۋدىڭ باعاسى شامامەن 200 تەڭگە بولادى.

بۇل تۋرالى «استانا لرت» كومپانياسى باسقارماسى ٴتوراعاسىنىڭ ورىنباسارى ايتقازى ارىقبايەۆ ايتتى، دەپ جازادى «حابار 24».

ونىڭ ايتۋىنشا 2020 جىلى قۇرىلىسى تولىق اياقتالىپ پايدالانۋعا بەرىلەتىن زاماناۋي قوعامدىق كولىكتىڭ باستاپقى جولاقىسى قارجىلىق-ەكونوميكالىق نەگىزدەمەگە ساي ەسەپتەلگەن. ٴبىراق الداعى ۋاقىتتا الدە دە جان-جاقتى سارالاناتىن بولادى.

«جالپى قۇرىلىس بويىنشا ەسەپتەسەك، فۋندامەنتتەرى، سۆاي، روتسۆەرگ، قادامالار سولاردىڭ ٴبارى جالپى ەسەپتەگەن كەزدە 70 پروسەنتى بۇگىنگى تاڭدا دايار. ونىڭ جولاۋشىلار تاسىمالدايتىن كولىككە كەلەتىن بولساق، ونىڭ سىيىمدىلىعى 600 جولاۋشىعا دەيىن تاسيدى. جانە دە ورتاشا جىلدامدىعى 40-80 شاقىرىمنىڭ اراسىندا. مىسالى، اەروپورتتان جاڭا تەمىرجول ۆوزكالىنا دەيىن 30 مينۋتتىڭ ىشىندە وتەدى»، - دەيدى «استانا lrt» جشس باسقارما ٴتوراعاسىنىڭ ورىنباسارى ايتقازى ارىقبايەۆ.

جوبا 2019 جىلدىڭ جەلتوقسانىندا اياقتالادى دەپ جوسپارلانۋدا. جەڭىل رەلسپەن جولاۋشىلار تاسىمالداۋ جۇيەسىنىڭ جالپى ۇزىندىعى 22 شاقىرىم. 18 ايالداما مەن 19 جىلجىمالى قۇرام بولادى. تاۋلىگىنە 146 مىڭ ادامدى تاسىمالدايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي