BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

استانادا سۋ تاسقىنىنا قارسى شارالار جۇرگىزىلۋدە

فوتو: NewTimes.kz

تاسقىن سۋدى وتكىزۋمەن بايلانىستى توتەنشە جاعدايلاردىڭ ٴقاۋپىن تومەندەتۋ ماقساتىندا جىل سايىن استانا قالاسى اكىمدىگىندە ەلوردا اۋماعىندا تاسقىن سۋدى وتكىزۋگە قاتىستى شارالار كەشەنى قابىلدانادى، دەپ حابارلايدى baq.kz اقپارات اگەنتتىگى استانا اكىمدىگىنىڭ رەسمي سايتىنا سىلتەمە جاساپ.

كەشەندى جوسپار سۋ تاسقىنىنىڭ الدىن الاتىن ينجەنەرلىك-تەحنيكالىق شارالاردى قاراستىرادى.

استانا قالاسى توتەنشە جاعدايلار دەپارتامەنتى توتەنشە جاعدايلاردىڭ الدىن الۋ ٴبولىمىنىڭ باسشىسى ەركىن وتارعالىم ۇلىنىڭ ايتۋىنشا، كوكتەمگى سۋ تاسقىنىنا قارسى شارالار جوسپارىن ىسكە اسىرۋ بارىسىندا بيىل 3 باعىتقا باسىمدىق بەرىلمەك.

«ٴبىرىنشى كەزەكتە، قالا ارقىلى اعاتىن تاسقىن سۋدىڭ ٴوتۋى قاۋىپسىزدىگىن قامتاماسىز ەتۋ جۇمىستارىنا ەرەكشە ٴمان بەرىلەدى. ناۋرىز ايىنىڭ سوڭىنا دەيىن استاناداعى سۋ قويماسىندا سىيىمدىلىعى 130 ملن تەكشە مەتردى قۇرايتىن بوس ورىندى قۇرۋدى جوسپارلاپ وتىرمىز. بۇل ورىن قار جىلدام ەرىگەن كەزدە قالا جاعىنا اعاتىن كولەمدى سۋ ٴتۇسىمىنىڭ الدىن الۋعا سەپتىگىن تيگىزەدى»، – دەدى ەركىن وتارعالىم ۇلى.

توتەنشە جاعدايلاردىڭ الدىن الۋ ٴبولىمىنىڭ باسشىسى، سونداي-اق استانا قالاسى اكىمدىگىنىڭ قازىرگى تاڭدا ەسىل وزەنىنىڭ ارناسىن كۇردەلى جوندەۋدەن وتكىزۋ جوباسىن ىسكە اسىرىپ جاتقانىن العا تارتتى.

«جاقىن ارادا ارنانىڭ جاعالاۋلارى كەڭەيتىلىپ، وزەننىڭ ٴتۇبى تەرەڭدەتىلەتىن بولادى. مۇنداي جۇمىستار دا تاسقىن سۋدى ٴقاۋىپسىز وتكىزۋگە مۇمكىندىك بەرەدى»، - دەيدى ول.

كەشەندى جوسپاردىڭ تاعى دا ٴبىر نەگىزگى باعىتى – جەرگىلىكتى جەرلەردە سۋ دەڭگەيىنىڭ كوتەرىلۋىن بولدىرماۋ. وسى رەتتە توتەنشە جاعدايلار دەپارتامەنتىنىڭ قىزمەتكەرلەرى قاردى قالا سىرتىنا شىعارۋ جۇمىستارىن كۇشەيتىپ وتىر.

«2017 جىلدىڭ قازانىنان بۇگىنگە دەيىن قالا اۋماعىنان قاردىڭ 2،8 ملن تەكشە مەترى شىعارىلدى. سۋ باسۋ ٴقاۋپى ٴتونىپ تۇرعان اۋماقتار انىقتالعان. 11 ناۋرىزدا قاردى شىعارۋ جۇمىستارىنا ارنايى تەحنيكانىڭ 405 بىرلىگى جۇمىلدىرىلدى. قالانى قاردان تازالاۋ جۇمىستارىنا 232 ادام تارتىلعان»، – دەپ مالىمدەدى ەركىن وتارعالىم ۇلى.

استانا قالاسى توتەنشە جاعدايلار دەپارتامەنتىنىڭ قىزمەتكەرلەرى اپاتتى جاعدايدى بولدىرماۋ ماقساتىندا ەلوردا تۇرعىندارىن ٴوز ۇيلەرىنىڭ اۋلاسىن قاردان ۋاقىتىندا تازارتۋعا شاقىرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي