BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

استانادا سىرا ٴىشىپ تۇرعان كىشكەنتاي قىزدار كامەراعا ٴتۇسىپ قالدى

فوتو: видеодан скрин

استانا، baq.kz ٴتىلشىسى. ەلوردا اۋلالارىنىڭ بىرىندە گاراجداردىڭ اراسىندا سىرا ٴىشىپ تۇرعان ٴبىر توپ كىشكەنتاي قىز كامەراعا ٴتۇسىپ قالدى. بۇل تۋرالى قالا اكىمدىگىنىڭ ٴباسپاسوز حاتشىسى ەلۆيرا جۇرگەنبايەۆا حابارلادى.

اكىمدىكتىڭ ٴباسپاسوز حاتشىسى فەيسبۋك جەلىسىنە ۆيدەو جۇكتەدى. وندا قالانىڭ ىشىندەگى گاراجداردىڭ اراسىندا كامەلەت جاسقا تولماعان قىزداردىڭ سىرا بوتەلكەسىن الما-كەزەك ٴىشىپ تۇرعانىن كورۋگە بولادى. ولار قالاداعى ikomek ورتالىعىنىڭ كامەرالارىنا ٴتۇسىپ، پوليسيا جەدەل جەتىپ باردى.

"مىنانى قاراڭىزدار! بۇل قالالىق ikomek مونيتورينگ جانە جەدەل ارەكەت ەتۋ ورتالىعى بەينەباقىلاۋ كامەرالارىنىڭ كومەگىمەن تۇسىرىلگەن بەينەتاسپا"، - دەپ جازدى ۆيدەو استىنا ەلۆيرا جۇرگەنبايەۆا.

بالالار قر اكىمشىلىك قۇقىقبۇزۋشىلىق كودەكسىنىڭ ٴ2-بولىمى 440-بابى بويىنشا زاڭ بۇزىپ تۇر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي