BAQ.kz - Қазақстан жаңалықтары USD 336.39 BAQ.kz - Қазақстан жаңалықтары EUR 390.28 BAQ.kz - Қазақстан жаңалықтары RUB 5.36
استانا:

استانادا سەرگەك كامەراسى ارقىلى 1500-دەن استام اكىمشىلىك قۇقىق بۇزۋشىلىق انىقتالدى

فوتو: kolesa.kz

اپتا سايىن وتەتىن اپپارات جيىنىندا استانانىڭ ىشكى ىستەر دەپارتامەنتىنىڭ باسشىسى مارات قوجايەۆ قالاداعى قىلمىس احۋالى تۋرالى اسەت يسەكەشەۆتىڭ الدىندا بايانداما جاسادى، دەپ حابارلايدى baq.kz اقپارات اگەنتتىگى الماتى قالاسى اكىمدىگىنىڭ ٴباسپاسوز قىزمەتىنە سىلتەمە جاساپ.

ٴىىد مالىمەتىنشە، بەينەباقىلاۋ كامەراسىنىڭ كومەگىمەن 1 656 اكىمشىلىك قۇقىق بۇزۋشىلىق انىقتالىپ، 11 قىلمىس جاسالعان. جالپى وتكەن اپتادا قالادا 561 قىلمىس تىركەلدى.

«وقيعانىڭ ٴىزىن سۋىتپاي 79 قىلمىس اشىلدى. سونداي-اق، بۇرىن جاسالعان 80، وتكەن جىلى جاسالعان 15 قىلمىس وقيعاسى اشىلدى. سوت پەن تەرگەۋدەن قاشىپ جۇرگەن 7 قىلمىسكەر ۇستالدى، ٴىز-تۇزسىز جوعالعان 4 ادام تابىلدى»، – دەدى قوجايەۆ.

بۇدان باسقا، قالادا تازالىق پەن ٴتارتىپ جۇمىستارى بەلسەندى جۇرگىزىلۋدە. ٴىىد اقپاراتىنشا اكىمشىلىك جاۋاپكەرشىلىككە 34 شوب باسشىسى تارتىلدى.

سونىمەن قاتار، 1 ٴساۋىر مەن 30 ماۋسىم ارالىعىندا استانادا «ۋچاستوك» جەدەل-الدىن الۋ شاراسى وتكىزىلىپ، سونىڭ شەڭبەرىندە وتكەن اپتادا 1 492 اكىمشىلىك قۇقىق بۇزۋشىلىق انىقتالدى.

قوجايەۆ باس قالادا زاڭسىز كوشى-قوننىڭ جولىن كەسۋ شارالارىن دا قابىلداپ جاتقانىن ايتا كەتتى.

«اكىمشىلىك جاۋاپكەرشىلىككە 195 شەتەلدىك تارتىلدى. سوت تارتىبىمەن ەلدەن 25 ادام شىعارىلدى. رەتسىز ساۋدا ورىندارىن تەكسەرۋ بارىسىندا كوشى-قون زاڭىن بۇزعانى ٴۇشىن 20 شەتەلدىك انىقتالىپ، ولاردىڭ ەلدە بولۋ مەرزىمى قىسقارتىلدى»، – دەپ تۇيىندەدى مارات قوجايەۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي