BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

استانادا سانتەحنيكتەردى وقىتاتىن مەكتەپ پەن دەمالىس بولمەسى اشىلدى

استانادا «دوستار-2» تۇرعىن ٴۇي كەشەنىندە تەحنيكالىق قىزمەتكەرلەرگە ارنالعان بارلىق جاعداي قاراستىرىلعان دەمالىس بولمەسى مەن تەگىن وقىتىلاتىن «سانتەحنيكتەر مەكتەبى» اشىلدى، دەپ حابارلايدى baq.kz ٴتىلشىسى.

استاناداعى تۇرعىن ۇي-كوممۋنالدىق شارۋاشىلىندا بولىپ جاتقان جاڭالىقتارمەن تانىسۋ ماقساتىندا جۋرناليستەر «دوستار» تۇرعىن ٴۇي كەشەنىنە باردى. ەڭ الدىمەن ەكى اي بۇرىن اشىلعان «سانتەحنيكتەر مەكتەبىن» ارالاپ كوردى. وقۋ كورپۋسى ەكى بولمەدەن تۇرادى: بىرىندە پارتا مەن ورىندىقپەن جابدىقتالعان سىنىپ بولسا، ەكىنشى بولمەدە پراكتيكا ارقىلى ۇيرەتۋ ماقساتىندا تەحنيكالىق قۇرال-جابدىقتار قويىلعان. وقۋ كۋرسى تەوريا ٴبىر اپتا، پراكتيكا ٴبىر اپتاعا سوزىلادى.

«كليەنتتەرگە ساپالى قىزمەتپەن قامتاماسىز ەتۋىمىز كەرەك. سول ٴۇشىن سانتەحنيكتەر مەن ەلەكتريكتەر وزدەرىن قالاي ۇستاپ، كليەنتكە قالاي ٴتۇسىندىرۋى ٴتيىس، جاڭا جابدىقتاردى، جارىقديودتى جارىقتاندىرۋ بويىنشا، اۆتوماتيكانى وقىتامىز. مىسالى، سۋ باسقاندا پيك ۇيدەگى سۋدى تۇتاسىمەن ٴوشىرىپ تاستايدى. ال ٴبىزدىڭ تاۋلىك بويى جۇمىس ىستەيتىن قىزمەتكەرلەرىمىز تەك ٴبىر پاتەردىكىن عانا ٴوشىرىپ، قالعان تۇرعىنداردا سۋدىڭ بولۋىن قامتاماسىز ەتەدى. ەڭ الدىمەن ٴوز قىزمەتكەرلەرىمىزدى وقىتامىز. قازىرگە دەيىن شامامەن 47 ادام وقىتىلدى. استاناداعى باسقا مەكەمەلەردەن ەرەكشەلىگىمىز – ولار تەوريانى عانا وقىتسا، ٴبىز تەوريا مەن پراكتيكانى ۇشتاستىرا ۇيرەتەمىز. الداعى ۋاقىتتا ٴبىزدىڭ كومپانيامىزدا جۇمىس ىستەمەيتىن باسقا دا قىزمەتكەرلەردى وقىتامىز»، - دەدى ول.

وسىدان كەيىن جۋرناليستەرگە «دوستار» تۇرعىن ٴۇي كەشەنىنە قىزمەت كورسەتەتىن «استانا جيلسەرۆيس» قىزمەتكەرلەرىنە ارنالعان دەمالىس ورنى تانىستىرىلدى.

«اسج» ديرەكتورى اناتوليي پوستنيكوۆتىڭ ايتۋىنشا، دەمالۋ بولمەسىندە اۋلا سىپىرۋشىلارى مەن ٴۇي پودەزدەرىن تازالاۋشىلارعا دەمالادى.

«بولمە 27 قىزمەتكەرگە ارنالعان. مۇندا قىزمەتكەرلەردىڭ ىڭعايلى جۇمىسى مەن دەمالىسى ٴۇشىن بارلىق جاعداي جاسالعان. اسحانا زوناسىندا قىسقاتولقىندى پەش پەن توڭازىتقىش بار. ال وندىرىستىك جينالىسقا ارنالعان جەكە بولمە نوۋتبۋك جانە پرينتەرمەن قامتاماسىز ەتىلگەن»، - دەدى ول.

نارىقتا 2005 جىلدان بەرى جۇمىس ىستەپ كەلە جاتقان كومپانيا استانادا جىل سايىن كوپ قاباتتى ۇيلەر كوبەيگەن سوڭ جاعدايدى تالداپ، قىزمەتكەرلەر اراسىندا ساۋالناما جۇرگىزگەن.

«دەمالىس بولمەسىن جاساماستان بۇرىن ەڭ الدىمەن تالداۋ جۇرگىزىپ، قىزمەتكەرلەرىمىزگە كيىمدەرىن اۋىستىرىپ، دەمالۋىنا ارنالعان ورىننىڭ قاجەت ەكەنىن تۇسىندىك. ولار قانشاما ۋاقىت ۇيلەرىنە جۇمىس كيىمىمەن شاڭ-شاڭ كۇيىندە، تەرلەپ قايتۋعا ٴماجبۇر بولدى. سول سەبەپتى ەڭ ٴبىرىنشى كەزەكتە سۋعا شومىلاتىن كابينا مەن كىر جۋۋ ماشيناسىن قويدىق. كوپشىلىگى كومپيۋتەر، پرينتەر، جۇمىس كىمدەرىن قويۋ ٴۇشىن ارنايى جاشىكتەر سۇرادى. ولاردىڭ بارلىق قالاۋىن ورىندادىق»، - دەدى پوستنيكوۆ.

ول الداعى ۋاقىتتا استانادا وسىنداي 20 دەمالىس بولمەسىن ۇيىمداستىرۋ جوسپاردا بارىن اتاپ ٴوتتى.

«ەڭ الدىمەن مۇنداي ورىندار ۇلكەن ماسسيۆتەردە ورنالاسادى. وسىنداي ورىندى اشۋعا جوندەۋ جۇمىستارىنا،تەحنيكامەن جانە جيھازبەن جابدىقتاۋ ٴۇشىن ميلليون تەڭگەدەن كوپ قارجى قاجەت. ٴبىراق ٴبىز قىزمەتكەرلەرىمىزدىڭ جاۋاپتىلىعى مەن كاسىبيلىگىنە ٴۇمىت ارتىپ، ولاردىڭ ەڭبەگى لايىقتى باعالانۋى ٴتيىس ەكەنىن ٴتۇسىنىپ، وسىنداي اقشانى جۇمساۋعا دايىنبىز»، - دەپ ٴسوزىن تۇيىندەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي