BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

استانادا پاتريوتتار فورۋمى ٴوتتى

فوتو: Бауыржан Жуасбаев

استانا، baq.kz. قر مادەنيەت جانە سپورت مينيسترلىگىنىڭ ۇيىمداستىرۋىمەن استانادا ٴداستۇرلى رەسپۋبليكالىق پاتريوتتار فورۋمى ٴوتتى.

فورۋمعا قازاقستان رەسپۋبليكاسى مادەنيەت جانە سپورت ٴمينيسترى ارىستانبەك مۇحامەدي ۇلى ارنايى قاتىستى.

«مەملەكەتتىك رامىزدەر مەملەكەتىمىزدىڭ ەڭ ٴقادىرلى، ەڭ قاستەرلى سيمۆولدارى بولىپ تابىلادى. اسپان تۇستەس بايراعىمىزدىڭ، ەلتاڭبامىزدىڭ جانە گيمنىمىزدىڭ ٴاربىر ەلەمەنتىندە ەلباسىنىڭ، سونىمەن قاتار وسى ىسكە اتسالىسقان ٴاربىر ازاماتتىڭ وتانعا دەگەن ماحابباتى مەن ارمان-مۇراتتارى جاتىر»، - دەدى مينيستر.

سالتاناتتى شاراعا قازاقستاننىڭ بارلىق وڭىرىنەن 200 دەلەگات قاتىستى. سونداي-اق ٴماجىلىس دەپۋتاتتارى، ورتالىق مەملەكەتتىك ورگانداردىڭ وكىلدەرى، ۇيىم باسشىلارى، ەتنو-مادەني ورتالىقتاردىڭ جەتەكشىلەرى، ۇكىمەتتىك ەمەس جانە جاستار ۇيىمدارىنىڭ جەتەكشىلەرى، ەڭبەك ارداگەرلەرى مەن زيالى قاۋىم جانە بۇقارالىق اقپارات قۇرالدارىنىڭ وكىلدەرى بار.

فورۋم بارىسىندا قاتىسۋشىلار وزدەرىنىڭ جەتىستىكتەرى جايلى ايتىپ، مەملەكەتتىك رامىزدەر سالاسىندا اتقارىپ جاتقان قىزمەتتەرى تۋرالى ٴوزارا پىكىر الماستى.

سونىمەن قاتار، مەملەكەت باسشىسىنىڭ «قازاق ٴتىلى ٴالىپبيىن كيريلليسادان لاتىن گرافيكاسىنا كوشىرۋ تۋرالى» جارلىعىنىڭ اياسىندا اعىمداعى جىلى مەملەكەتتىك ەلتاڭبامىزداعى «قازاقستان» ٴسوزىن لاتىن گرافيكاسىندا جازۋ تۋرالى «قازاقستان رەسپۋبليكاسىنىڭ مەملەكەتتىك رامىزدەرى تۋرالى» كونستيتۋسيالىق زاڭىنا وزگەرىس ەنگىزۋ بويىنشا ٴتيىستى جۇمىستار جۇرگىزىلىپ، ەلباسى تاريحي شەشىمگە قول قويعاندىعى قاتىسۋشىلار تاراپىنان اتالىپ ٴوتىلدى.

فورۋمدا ٴتۇرلى سالادا ەسەلى قىزمەت ەتىپ، كۇندەلىكتى ەڭبەگىمەن جانە ۇلگىلى ىسىمەن حالىقتىڭ ىقىلاسىنا بولەنگەن، مەملەكەتتىك رامىزدەردى ناسيحاتتاۋدا شىنايى سۇيىسپەنشىلىگىن كورسەتكەن ەلىمىزدىڭ 17 ٴوڭىرىنىڭ ازاماتتارى الماتى قالاسىنان قاسىموۆ ەربولات، اقمولا وبلىسىنان ايتكۋجينوۆا الما، شىمكەنت قالاسىنان قاليەۆا مەرۋەرت، اقتوبە وبلىسىنان كۇسپانوۆ مەربول، الماتى وبلىسىنان سادۋاقاس بەكارىس، اتىراۋ وبلىسىنان يزماعانبەتوۆ بەرىك، باتىس قازاقستان وبلىسىنان شۋدابايەۆ سەرىكقالي، جامبىل وبلىسىنان ساۋرىقوۆ ەربولات، قاراعاندى وبلىسىنان داتكين ەركانات، ەگەنوۆ جاسۋلان، قوستاناي وبلىسىنان جاكىپ كالكامان، قىزىلوردا وبلىسىنان بايماحانوۆ قايراددين، ماڭعىستاۋ وبلىسىنان اپباسوۆ انۋاربەك، پاۆلودار وبلىسىنان مولدابەكوۆ جەنيس، سولتۇستىك قازاقستان وبلىسىنان ازىمبايەۆا راحات، تۇركىستان وبلىسىنان قوزىبايەۆ الديار، شىعىس قازاقستان وبلىسىنان اۋباكىروۆا الما، قازاقستان حالقى اسسامبلەياسىنان كيم ۆياچەسلاۆ جانە باتىرحان قۋانتبەكتى مادەنيەت جانە سپورت ٴمينيسترى ارىستانبەك مۇحامەدي ۇلى «جىل پاتريوتى» نوميناسياسىمەن ماراپاتتاپ، ولارعا باعالى سىيلىقتار تابىستادى. ٴىس-شارا پاتريوتتىق كونسەرتپەن اياقتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي