BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

استانادا ميگراسيالىق حقكو-دا جەمقورلىققا قارسى كوميسسارلار جۇمىس ىستەي باستادى

استانا، baq.kz. ەلورداداعى ميگراسيالىق حقكو-دا سىبايلاس جەمقورلىققا جول بەرمەۋگە باعىتتالعان شارالار قابىلداندى. بۇل تۋرالى استانا اكىمدىگىنىڭ رەسمي سايتى حابارلادى.

وسىنداي تۇجىرىمدار مەملەكەتتىك قىزمەت ىستەرى اگەنتتىگى مەن سىبايلاس جەمقورلىققا قارسى ٴىس-قيمىل اگەنتتىگى تاراپىنان ايتىلدى. ەلورداداعى ميگراسيالىق حقكو-دا جەمقورلىققا قارسى كوميسسارلار جۇمىس ىستەي باستادى.

مونيتورينگ كورسەتكەندەي، شەتەلدىكتەر انىقتامالاردى الۋ ٴۇشىن كۇتۋ زالىندا مينۋت ەمەس، ساعاتتاپ كەزەگىن كۇتەدى. سىبايلاس جەمقورلىققا قارسى ٴىس-قيمىل اگەنتتىگىنىڭ بريفينگىندە «سىبايلاس جەمقورلىققا قارسى ٴبىرىنشى مەديا-ورتالىقتىڭ» ٴتوراعاسى تولەگەن بايعۇلوۆ اتاپ وتكەندەي، داكتيلوسكوپيادان ٴوتۋ، شەتەلدىكتەردىڭ جۇمىس ىستەۋىنە رۇقسات بەرۋ، مەكەن-جاي انىقتاماسى، تۇرعىلىقتى مەكەن-جاي انىقتاماسى، ەلدەن شىعۋ سىندى قىزمەتتەرگە بار-جوعى ەكى مامان عانا جاۋاپ بەرەدى. بۇل تيىسىنشە ۇلكەن كەزەكتەر مەن كليەنتتەردىڭ نارازىلىعىن تۋدىرۋى مۇمكىن.

«بۇل ماسەلە اگەنتتىك باسشىلىعىنىڭ ارالاسۋىنان كەيىن شەشىلدى. قازىرگى ۋاقىتتا بۇل قىزمەتتەرگە التى مامان جاۋاپ بەرەدى. ەندى سىبايلاس جەمقورلىققا يتەرمەلەيتىن كەزەكتەر جوق»، – دەدى ت. بايعۇلوۆ.

ەستەرىڭىزدە بولسا، بۇعان دەيىن ەلىمىز بويىنشا ٴبىر ايدا مىڭنان استام ادامنىڭ كوشى-قون زاڭىن بۇزعاندىعى تۋرالى جازعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي