BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

استانادا مەملەكەتتىك باعدارلاما بويىنشا 6 كوپقاباتتى ٴۇي سالىنادى

فوتو: vladtime.ru

جىل سوڭىنا دەيىن مەملەكەتتىك باعدارلاما بويىنشا 1477 پاتەردەن تۇراتىن 6 كوپقاباتتى تۇرعىن ٴۇي كەشەنى سالىنادى. بۇل تۋرالى استانا اكىمى اسەت يسەكەشەۆ مالىمدەدى، دەپ حابارلايدى baq.kz اقپارات اگەنتتىگى elorda.info سايتىنا سىلتەمە جاساپ.

«مەملەكەت باسشىسى اتاپ وتكەندەي، تۇرعىن ٴۇي سالاسى الەۋمەتتىك ماڭىزعا يە باستى ماسەلەنىڭ ٴبىرى. 2018 جىلى مەملەكەتتىك تۇرعىن ٴۇي باعدارلاماسىن جۇزەگە اسىرۋ ماقساتىندا جالپى اۋدانى 78،3 مىڭ شارشى مەتر بولاتىن 1477 پاتەرلىك تۇراتىن 6 كوپقاباتتى تۇرعىن ٴۇي كەشەنىن پايدالانۋعا بەرۋ جوسپارلانىپ وتىر. وسىلايشا، «نۇرلى جەر» باعدارلاماسى ارقىلى كوممۋنالدىق تۇرعىن ٴۇي قورىنىڭ كەزەگىندە تۇرعان شامامەن 1500 ادامدى باسپانامەن قامتۋ كوزدەلىپ وتىر»، - دەدى استانا اكىمى.

بۇگىندە مەملەكەتتىك تۇرعىن ٴۇي باعاسى شارشى مەترىنە 180 مىڭ تەڭگەدەن اسپايدى، بۇل جەكەمەنشىك قۇرىلىسشىلاردىڭ باعاسىنان الدەقايدا ارزان.

اسەت يسەكەشەۆ 2017 جىلى تۇرعىن ٴۇي قۇرىلىسىنىڭ رەكوردتىق كورسەتكىشى – 2،36 ملن شارشى مەتردىڭ پايدالانۋعا بەرىلگەنىن، ونىڭ ىشىندە 7 تۇرعىن ٴۇي كەشەنى استانا اكىمدىگىنىڭ مەملەكەتتىك ەسەبىنەن سالىنعانىن ايتتى. بۇل 1062 وتباسىنى باسپانامەن قامتاماسىز ەتۋگە مۇمكىندىك بەردى.

«ٴبىز ٴقازىر قولجەتىمدى باسپانامەن قامتاماسىز ەتۋدىڭ مەملەكتتىك-قالالىق باعدارلاماسى اياسىندا جۇمىس ىستەپ جاتىرمىز جانە الداعى بەس جىلدا 5 ملن شارشى مەتر تۇرعىن ٴۇيدى ەنگىزۋ جوسپارلانىپ وتىر. شامامەن 90 % جەكە ينۆەستورلاردىڭ ەسەبىنەن سالىنادى. باسپانانىڭ قولجەتىمدىلىگى وتە ماڭىزدى ماسەلە. كوممۋنيكاسيانى جۇرگىزۋ ەسەبىنەن ٴبىز تۇرعىن ٴۇي قۇنىن ارزانداتامىز. سوڭعى جىلى باعاسى ٴبىراز تومەندەدى»، - دەدى اسەت يسەكەشەۆ.

سونداي-اق، ول جاڭا «7-20-50» الەۋمەتتىك باعدارلاماسى باسپانا يپوتەكاسىنىڭ قولجەتىمدىلىگىن ارتتىلىپ، تۇرعىن ٴۇي سەكتورىنداعى جۇكتەمەنى ازايتاتىنىن ايتتى.

«ەندى ەلوردانىڭ ٴاربىر جۇمىس ىستەيتىن تۇرعىنى جەڭىلدەتىلگەن شارتپەن يپوتەكالىق نەسيە الا الادى. بۇل تەك بانك سەكتورىن عانا ەمەس، سونىمەن بىرگە تۇرعىن ٴۇي قۇرىلىسى نارىعىن بەلسەندى دامىتۋدا ۇلكەن كۇشكە اينالىپ، ونەركاسىپتىڭ دامۋىنا سەرپىن بەرەدى. سول سەبەپتى جاڭا جۇمىس ورىندارىنىڭ اشىلۋىن كۇتۋ كەرەك»، - دەدى يسەكەشەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي