BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

استانادا media-2020 كونفەرەنسياسى وتۋدە

فوتو: Нұржас Жақсыбай

بۇگىن ەلوردادا استانانىڭ 20 جىلدىق مەرەيتويى اياسىندا media-2020 كونفەرەنسياسى ٴوتىپ جاتىر. اتالعان كونفەرەنسيا «ازيا مەديا ديالوگى» اتتى ازيا-تىنىق مۇحيتتىق حابار تاراتۋ وداعىنىڭ شاراسى شەڭبەرىندە وتكىزىلىپ وتىر، دەپ حابارلايدى baq.kz ٴتىلشىسى.

«media-2020» كونفەرەنسياسى ازيا-تىنىق مۇحيتى ٴوڭىرى ارقىلى حابار تاراتۋشىلار ٴۇشىن جاڭا ٴتيىمدى كوممۋنيكاسيا جولدارىن اشتى. بىزدەر بولاشاققا باعدار جاساۋ ٴۇشىن بارلىعىمىزدى بىرىكتىرەتىن مۇمكىندىكتەر، الەۋەتتى ارتتىرۋ كونفەرەنسيانىڭ نەگىزگى جەتىستىكتەرىنىڭ ٴبىرى بولىپ تابىلادى. بارلىعىمىز دا ساياسي وزگەرىستەرگە بىردەي بەيىمدەلە ٴبىلۋ كەرەكپىز. «media-2020» شاراسى ديالوگ قۇرىپ، ەركىن وي-پىكىر بىلدىرە الاتىن پايدالى الاڭ. مۇندا ەۋروپا، ازيا جانە اۆستراليادان كەلگەن ساراپشىلار بار. رۋمىنيا راديوسى ٴۇشىن اتالعان كونفەرەنسيانىڭ ماڭىزدىلىعى جوعارى»، - دەدى «راديو رۋمىنيا» پرەزيدەنتى گەورگە سەۆەرين.

ول اتالعان شارانى جوعارى دەڭگەيدە ۇيىمداستىرعانى ٴۇشىن «قازمەديا» ورتالىعىنىڭ ۇجىمىنا العىس ٴبىلدىرىپ، ەلوردانىڭ 20 جىلدىق مەرەيتويىمەن قۇتتىقتادى.

«بۇگىن ٴبىز «ازيا مەديا ديالوگى» اتتى ٴىرى شارانى اياقتايمىز جانە ونى ۇلكەن ناتيجەلەرمەن اياقتاپ وتىرمىز دەپ سەنەمىن. وسى وتكەن ٴتورت كۇن ىشىندە تابىستى كونفەرەنسيالار، سەمينارلار مەن كەلىسسوزدەر جۇرگىزىلدى. بۇگىنگى كۇنى ٴبىزدىڭ بارلىعىمىزدى مەديا سالاسىنداعى پروبلەمالاردى شەشۋ ٴۇشىن ارىپتەستىككە ۇمتىلۋ بىرىكتىرىپ وتىر. بۇل ىستە ازيا مەديا ديالوگى ٴوز ميسسياسىن ٴساتتى ورىندادى دەپ بىلەمىن»، - دەدى قر اقپارات جانە كوممۋنيكاسيالار ۆيسە-مينيسترى نۇرگۇل ماۋبەرلينوۆا.

ەسكە سالا كەتسەك، شىلدەنىڭ 10-12 ارالىعىندا ەلوردادا العاش رەت ازيا-تىنىق مۇحيتى حابار تاراتۋ وداعىمەن (abu) بىرلەسىپ اۋقىمدى شارالار ۇيىمداستىرىلۋدا. ايتا كەتۋ كەرەك، ازيا-تىنىق مۇحيتى حابار تاراتۋ وداعى كوممەرسيالىق ەمەس ٴىرى كاسىبي قاۋىمداستىق جانە ول 69 ەلدەگى 292 حابار تاراتۋ ۇيىمىنىڭ باسىن بىرىكتىرىپ وتىر. ونىڭ الەۋەتتى اۋديتورياسى شامامەن 3 ملرد ادامدى قۇرايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي