BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

استانادا مامانداندىرىلعان تۇراققا 53 اۆتوكولىك جەتكىزىلدى

فوتو: Kazinform.kz

ىشكى ىستەر دەپارتامەنتى وسى جىلدىڭ 11-30 ٴساۋىر ارالىعىندا سوت ورىنداۋشىلاردىڭ قاتىسۋىمەن «بورىشكەر-2018» جەدەل-پروفيلاكتيكالىق ٴىس-شاراسىن وتكىزىپ جاتىر، دەپ حابارلايدى baq.kz اقپارات اگەنتتىگى استانا قالاسى اكىمدىگىنىڭ رەسمي سايتىنا سىلتەمە جاساپ.

الدىندا حابارلانعانداي ٴىس-شارا اياسىندا كولىك قۇرالىن باسقارۋعا قۇقىعى جوق تۇلعالار، سونىمەن قاتار جالعان مەملەكەتتىك نومىرلەرمەن جۇرگىزۋشىلەر انىقتالۋدا.

وتكىزىلگەن جپش جاڭاشىلدىقتارىنىڭ ٴبىرى – اۆتوماتتى جۇيەلەردە تىركەلگەن جكە-سىن بۇزعانى ٴۇشىن ايىپپۇل تولەۋ تۋرالى حابارلاما بەرىلەدى جانە اكىمشىلىك ايىپپۇلدى تولەمەگەن جاعدايدا حابارلاما العان ساتتەن باستاپ 5 تاۋلىك ىشىندە كولىك قۇرالىن مامانداندىرىلعان اۆتوتۇراققا قويۋعا، سونداي-اق كقتپ الىپ قويۋعا دەيىنگى ماجبۇرلەپ ورىنداۋ تۇرىندەگى شارا قولدانىلاتىن بولادى.

بۇگىندە مامانداندىرىلعان تۇراققا 53 اۆتوكولىك جەتكىزىلگەن. ىشكى ىستەر دەپارتامەنتى تۇسىنىسپەۋشىلىك بولماۋى ٴۇشىن قالا تۇرعىندارىنان ايىپپۇلدى ۋاقىتىلى تولەۋدى سۇرايدى.

سونىمەن قاتار، اكىمشىلىك پوليسيا باسقارماسى ايىپپۇلداردى كەلەسىدەي ادىستەرمەن تەكسەرۋگە جانە تولەۋگە بولاتىنى تۋرالى اقپاراتتاندىرادى: «egov.kz» ەلەكتروندىق ۇكىمەت پورتالىنىڭ كومەگىمەن ونلاين رەجيمىندە، ەكىنشى دەڭگەيلى بانك بولىمشەلەرىنىڭ ەسەپ ايىرىسۋ-كاسسالارىندا، سونداي-اق ينتەرنەت-سايت ارقىلى qamqor.gov.kz، kaspi.kz، egov.kz، handypay، mypay homebank.kz ٴموبيلدى قوسىمشالاردا ونلاين-تولەمدەر جانە ت.ب.، سونداي-اق تۇبىرتەكتى 8-776-197-23-48 whatsapp ارقىلى جىبەرۋگە بولادى (اقشا قاراجاتى قازىناشىلىق بانك كودىنا تۇسكەننەن كەيىن ايىپپۇل وتەلەدى).

http://qamqor.gov.kz ينتەرنەت سايت ارقىلى ايىپپۇلداردى تەكسەرۋ كەزىندە «ۋزناي و سۆويح شترافاح» بەتبەلگىسىنە كىرەسىز، ودان ٴارى كولىك يەسىنىڭ جسن ەنگىزەسىز جانە فوتو-بەينەتىركەۋ جۇيەسىمەن جازىلعان بۇزۋشىلىقتار بولعان جاعدايدا سول جەردەن اتالعان بۇزۋشىلىقتاردىڭ فوتوسىن شىعارىپ الۋىڭىزعا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي