BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

استانادا ماحاتما گانديگە ەسكەرتكىش قويىلۋى مۇمكىن

فوتو: nawafedh.org

استانا، baq.kz. ٴۇندى ەلشىسى ەلوردا كوشەلەرىنىڭ بىرىنە نەمەسە مەكتەپتەردىڭ بىرىنە گاندي ەسىمىن بەرۋ نەمەسە ونىڭ قۇرمەتىنە ەسكەرتكىش ورناتۋ تۋرالى ۇسىنىس ٴبىلدىردى. بۇل تۋرالى استانا اكىمدىگىنىڭ رەسمي سايتى جازدى.

استانا اكىمى باقىت سۇلتانوۆ پەن قازاقستان رەسپۋبليكاسىنداعى ٴۇندىستاننىڭ توتەنشە جانە وكىلەتتى ەلشىسى پرابحات كۋمار ەلوردادا ٴۇندىستاننىڭ كورنەكتى ساياسي جانە قوعام قايراتكەرى ماحاتما گانديدىڭ ەسىمىن ماڭگىگە قالدىرۋعا قاتىستى ماسەلەنى تالقىلادى.

«وسى جىلى ٴبىز 2020 جىلدىڭ 2 قازانىنا دەيىن جالعاساتىن ماحاتما گانديدىڭ 150 جىلدىعىن مەرەكەلەۋگە ارنالعان شارالار سيكلىن اشپاقپىز. الماتى قالاسىندا ونىڭ قۇرمەتىنە قويىلعان كوشە مەن ەسكەرتكىش بار. ەگەر استانا اكىمدىگى دە الەم تاريحىندا ٴوزىنىڭ تەرەڭ ٴىزىن قالدىرعان گانديدىڭ ەسىمىن ماڭگىلىك ەتۋ يدەيامىزدى قازاقستان استاناسىندا دا قولداسا، قۋانار ەدىك»، - دەدى پ. كۋمار.

ەلشى استانا كوشەلەرىنىڭ نەمەسە مەكتەپتەرىنىڭ بىرىنە گانديدىڭ ەسىمىن بەرۋدى نەمەسە ونىڭ قۇرمەتىنە ەسكەرتكىش ورناتۋدى ۇسىندى. ەسكەرتكىش ورناتىلعان جاعدايدا پ. كۋمار ونىڭ دايىندالۋى مەن جەتكىزىلۋى ٴۇندىستاندىق تاراپتان جۇزەگە اسىرىلاتىنىن ايتا كەتتى.

استانا اكىمى ەلشىنىڭ ايتقان ۇسىنىسىنا قىزىعۋشىلىق ٴبىلدىرىپ، الداعى ۋاقىتتا وسى جانە وزگە دە جوبالار بويىنشا بىرلەسىپ جۇمىس ىستەۋگە دايىن ەكەندىگىن جەتكىزدى.

تاراپتار استانادا ٴۇندى ساۋدا-ىسكەر ورتالىعىنىڭ قۇرىلىسىن سالۋ مۇمكىندىگى، سونداي-اق مادەني شارالاردى بىرلەسىپ ۇيىمداستىرۋدى جالعاستىرۋ سياقتى ماسەلەلەردى تالقىلادى.

بۇدان بولەك، ب. سۇلتانوۆ حالىقارالىق قارجى ورتالىعىنىڭ اشىلۋىنا بايلانىستى بيزنەس جۇرگىزۋدىڭ جاڭا پەرسپەكتيۆاسى بارىن ايتىپ، ٴۇندى كاسىپكەرلەرىن استانانىڭ يننوۆاسيا، اقپاراتتىق تەحنولوگيا، ٴبىلىم جانە دەنساۋلىق سياقتى سالالارىنا ينۆەستيسيا قۇيۋعا شاقىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي