BAQ.kz - Қазақстан жаңалықтары USD 363.28 BAQ.kz - Қазақстан жаңалықтары EUR 414.25 BAQ.kz - Қазақстан жаңалықтары RUB 5.44
استانا:

استانادا «كەدەرگىسىز قازاقستان» اكسياسى باستالدى

فوتو: astana.gov.kz

ەلىمىزدە العاش رەت «كەدەرگىسىز قازاقستان» اكسياسى باستالدى. ەندىگى تاڭدا ەرەكشە كۇتىمدى قاجەت ەتەتىن بالالار اپتا سايىن ەلىمىزدىڭ ٴىرى كينوتەاترلارىندا تەگىن فيلمدەر كورە الادى، دەپ حابارلايدى baq.kz اقپارات اگەنتتىگى استانا اكىمدىگىنىڭ رەسمي سايتىنا سىلتەمە جاساپ.

بۇگىن استانا اكىمدىگى مەن «kinopark theatres» كينوتەاتر جەلىسى مەن «q group» كومپانياسىنىڭ توبى اراسىندا ٴوزارا ارىپتەستىك تۋرالى مەموراندۋمعا قول قويىلدى. مەملەكەت پەن بيزنەستىڭ ارىپتەستىگى ارقاسىندا بارلىق ەرەكشە كۇتىمدى قاجەت ەتەتىن بالالاردىڭ ەلىمىزدەگى ٴىرى كينوتەاترلاردان اقىسىز تۇردە فيلم كورۋ مۇمكىندىگى پايدا بولدى. كورەرمەن رەتىندە اۋتيستىك سپەكترى بۇزىلعان جانە قالاداعى پسيحولوگيالىق-پەداگوگيكالىق تۇزەتۋ كابينەتىندەگى دسپ اۋىراتىن 150 بالا جانە «قاسيەتتى جول»، «سولنەچنىي مير»، «دار»، «راۆنىە ۆوزموجنوستي» قوعامدىق قايىرىمدىلىق قورى شاقىرىلدى. اتا-انالار – مۇنى ەرەكشە بالالاردىڭ دامۋى مەن بەيىمدەلۋىنە جاسالعان ۇلكەن قادام دەپ ايتىپ جاتىر.

«ٴبىزدىڭ بالالار كادىمگى كينوسەانستارعا كەلە المايدى. ولارعا ەرەكشە جاعداي كەرەك. ولار تۇتاس قاراڭعى جەردى، وقىس دىبىستاردى كوتەرە الماي قورقىپ جىلايدى. سوندىقتان ولارعا لايىقتالىپ جاسالعان كورسەتىلىم تاڭعاجايىپ كينو الەمىنە ەنۋگە مۇمكىندىك بەرەدى. مۇنداي نارسەلەر ولار ٴۇشىن اسا ماڭىزدى، بۇل بالالاردىڭ ەلەستەتۋ، ونەر، قابىلداۋىن دامىتادى. وسى اكسيانىڭ ارقاسنىدا جاي عانا دۇنيەلەر ٴبىزدىڭ بالالار ٴۇشىن قولجەتىمدى بولا باستادى. ٴبىز وتە ريزامىز»، - دەدى «سولنەچنىي مير» ورتالىعىنان كەلگەن بالانىڭ اناسى ەۆگەنيا چەبوتارەۆسكايا.

كينوزالدا تەحنيكا جارىقتى جۇتىپ، دىبىس ەففەكتىلەرىن كىشىرەيتىپ، كينوزالدىڭ ەسىگىن ىڭعايلى بولۋ ٴۇشىن اشىپ قويدى. ودان باسقا، كينوتەاتر قىزمەتكەرلەرى مەن اتا-انالار ەرەكشە بالالارمەن بىرگە دۇرىس ٴىس-قيمىل جاساۋدىڭ ترەنينگىنەن وتكىزىلەدى.

«ٴبىزدىڭ مىندەتىمىز – بالالارىمىز ٴۇشىن ماكسيمالدى كومفورت پەن تەڭ جاعداي جاساۋ. سونىمەن قاتار، بۇل جوبانى ەرەكشە بالالاردى الەۋمەتتەندىرۋ باسپالداعى رەتىندە كورىپ تۇرمىز. ٴبىز بالالاردى شابىتتاندىراتىن فيلمدەر كورسەتەمىز. ويتكەنى ولار ەرەكشە. ولاردىڭ اراسىندا تالانتتار كوپ، ٴبىز بالالاردىڭ قابىلەتىن دامىتىپ، بەيىمدەلىپ، ۇلكەن بيىكتەرگە جەتۋىنە كومەكتەسۋىمىز كەرەك»، - دەدى قوعامدىق دامۋ ىستەرى باسقارماسىنىڭ باسشىسى دانيار ەسين.

ەسكە سالا كەتەيىك، اكسيا ەلىمىزدەگى الەۋمەت ساياساتىن ىسكە اسىرۋ ماقساتىندا مەسەناتتىق ٴپرينسيپتى قوزعالتۋ جانە حالىقتىڭ ازاماتتىق بەلسەندىلىگىن جوعارىلاتۋ، «رۋحاني جاڭعىرۋ» مەملەكەتتىك باعدارلاماسىنىڭ نەگىزگى باعىتتارى بولىپ تابىلادى جانە «كەدەرگىسىز قازاقستان» اكسياسىن ىسكە اسىرۋ بويىنشا وتكىزىلىپ جاتىر. «q group» توبىنىڭ كومپانياسى اكىمدىكتىڭ ۇسىنىسىنا جاۋاپ قاتىپ، اتالمىش يدەيانى جالعاستىراتىنىن ايتا كەتتى.

«وسى تامىز ايى بىزگە بالالارعا قانشا فيلم مەن قانداي مولشەردە فيلم كورسەتۋ كەرەكتىگىن انىقتاۋعا مۇمكىندىك بەرەدى. ياعني بەيىمدەۋ كورسەتىلىمدەرى كوپ مولشەردى قاجەت ەتسە، وندا ٴبىز كوكجيەگىمىزدى سوعان وراي كەڭەيتە تۇسەتىن شارالار قولدانامىز»، - دەدى «q group» كومپانياسى توبىنىڭ وكىلى ساۋلە جۇماجانوۆا.

«kinopark theatres» كينوتەاتر جەلىسى مەن «q group» كومپانياسى توبىنىڭ باسشىلىعى وزدەرىنىڭ ازاماتتىق بەلسەندىلىگىن تانىتىپ، استانا قالاسى اكىمدىگىنىڭ ۇسىنىسىنا جاۋاپ قاتتى. ولار وسىلايشا مەسەناتتىقتىڭ دامۋىنا ۇلكەن ۇلەس قوسىپ، ەلىمىزدەگى بارلىق كينوتەاترلاردى «كەدەرگىسىز قازاقستان» اكسياسىن جىلجىتۋعا قاتىسۋدى جانە دە ەلىمىزدىڭ باسقا قالالارى مەن استاناداعى باسقا كينوتەتار جەلىلەرىنە بالالاردىڭ ويىن-ساۋىق ورنى مەن قايىرىمدىلىق كورسەتىلىمىن ۇيىمداستىرۋعا شاقىردى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي