BAQ.kz - Қазақстан жаңалықтары USD 360.71 BAQ.kz - Қазақстан жаңалықтары EUR 411.53 BAQ.kz - Қазақстан жаңалықтары RUB 5.38
استانا:

استانادا كاسىپوداق كوشباسشىلىعى مەكتەبى اشىلدى

بۇگىن، 14 ماۋسىمدا استانادا كاسىپوداق كوشباسشىلىعى مەكتەبى اشىلدى. اشىلۋ سالتاناتىنا قر كاسىپوداقتار فەدەراسياسىنىڭ ٴتوراعاسى باقىتجان ٴابدىرايىم مەن «سامۇرىق-قازىنا» اق باسقارما ٴتوراعاسىنىڭ ورىنباسارى اليك ايداربايەۆ قاتىستى، دەپ حابارلايدى baq.kz اقپارات اگەنتتىگى.

كاسىپوداق قىزمەتكەرلەرىنىڭ جاڭا سيپاتىن قالىپتاستىرۋ ماقساتىندا قازاقستاندا العاش رەت قولعا الىنعان كەشەندى ٴبىلىم بەرۋ جوباسىنىڭ ماقساتى - ەڭبەك ۇجىمدارىنداعى وڭتايلى قارىم-قاتىناستىڭ قازىرگى زامانعى تاسىلدەرىنە ۇيرەتۋ. جوبانى قر كاسىپوداقتار فەدەراسياسى مەن «سامۇرىق-قازىنا» قورى الەۋمەتتىك ٴوزارا ىقپالداستىق جانە كوممۋنيكاسيا ورتالىعى بىرلەسە قولعا العان. ونىڭ بارىسىندا كاسىپوداقتىق مەنەدجمەنت، الەۋمەتتىك-ەڭبەك قاتىناستارىن رەتتەۋ، كوممۋنيكاسيا، قارجى جانە زاڭي ساۋاتتىلىق، قىزمەتكەرلەردى باسقارۋ، داۋ-دامايلاردى شەشۋ سالاسىنداعى وزەكتى ماسەلەلەر تالدانادى.

«كاسىپوداق كوشباسشىلىعى مەكتەبىنىڭ ٴبىلىم بەرۋ كۋرسى كاسىپوداق باسشىلارىنا جان-جاقتى كاسىبي داعدىلار مەن قازىرگى زامانعى جۇمىستىڭ وزىق تەحنولوگيالارىن وقىتادى. الەۋمەتتىك سەرىكتەستىكتى جوعارى دارەجەدە ۇستاپ تۇرۋ ٴۇشىن ەڭ ٴبىرىنشى كەزەكتە، ساۋاتتى مامانداردىڭ كەرەكتىگىن ايتقىم كەلەدى. قاراپايىم ەڭبەك ادامدارىنىڭ قۇقىعىن قورعاۋدى جاقسارتۋعا ەرەكشە نازار اۋدارامىز. وسى ورايدا «سامۇرىق-قازىنا» قورى باسشىلىعىنا اتالعان ماسەلەنىڭ ماڭىزدىلىعىن ٴتۇسىنىپ، قور كومپانيالارى توبىندا الەۋمەتتىك سەرىكتەستىك پەن كاسىپوداق قوزعالىسىن دامىتۋعا قولداۋ تانىتقانىنا العىسىمدى بىلدىرەمىن»، - دەدى قر كاسىپوداقتار فەدەراسياسىنىڭ ٴتوراعاسى باقىتجان ٴابدىرايىم.

وسىلايشا ماڭعىستاۋ وبلىسىنداعى جاڭاوزەن قالاسى مەن پاۆلودار وبلىسىنىڭ پاۆلودار، ەكىباستۇز قالالارىنان جينالعان 30 كاسىپوداق ۇيىمىنىڭ باسشىسىنىڭ قاتىسۋىمەن العاشقى وقۋ ساباعى باستالدى. 28 مامىر كۇنى ماڭعىستاۋ وبلىسىندا پيلوتتىق توپ جۇمىسى تابىستى وتكىزىلدى. جىل اياعىنا دەيىن مۇنداي وقۋعا قازاقستاننىڭ بارلىق وڭىرىنەن كاسىپوداق كوشباسشىلارى قاتىساتىن بولادى.

«ٴبىز دە ٴوز تاراپىمىزدان بۇل قادامنىڭ ماڭىزدى ٴارى پايدالى ەكەنىنە قوسىلامىز. بۇگىنگى وزگەرىستەر ٴسات سايىن ورىن الىپ جاتقان ۋاقىتتا بىلىكتىلىك پەن داعدىنى ۇنەمى جەتىلدىرىپ وتىرۋ قاجەت. بۇل جەردە جاقىندا عانا «سامۇرىق-قازىنا» قورىنىڭ جاڭا دامۋ ستراتەگياسى قابىلدانعانىن، وندا قاراماعىمىزداعى كومپانيالاردىڭ قىزمەت تيىمدىلىگىن كوتەرۋ كوزدەلگەنىن جەتكىزگىم كەلەدى. ەلباسى العا قويعان مىندەتتەردى ورىنداۋدا كاسىپورىندار كىرىسكە جۇمىس ىستەپ، وتانداستارىمىز ەرتەڭگى كۇنگە سەنىممەن قاراۋى ٴتيىس. بۇل باعىتتا الەۋمەتتىك سەرىكتەستىكتەن تىس، ٴوندىرىستىڭ ورلەۋى دە ناقتى ۇجىمدارداعى كاسىپوداق كوشباسشىلارىنىڭ بىلىكتىلىگىنە بايلانىستى دەپ سانايمىز. كاسىپوداق باسشىلارى ادامدارعا بيىك مۇددە توڭىرەگىندە توپتاسىپ، جاڭا زامانعا بەيىمدەلۋگە كومەكتەسكەنى ابزال»، - دەدى «سامۇرىق-قازىنا» اق باسقارما ٴتوراعاسىنىڭ ورىنباسارى اليك ايداربايەۆ.

كاسىپوداق كوشباسشىلىعى مەكتەبى التى وقۋ مودۋلىنەن تۇرادى: «كاسىپوداق كوشباسشىلىعى»، «قارجى مەنەدجمەنتى»، «قۇقىقتىق ساۋاتتىلىق جانە جاۋاپكەرشىلىك»، «مەدياسيا مەن كيكىلجىڭدەردى باسقارۋ»، «پەرسونالدى باسقارۋ» جانە «ٴتيىمدى كوممۋنيكاسيا». ساباقتار قورىتىندىسىندا قاتىسۋشىلار ارنايى سىناق تاپسىرىپ، ولارعا سەرتيفيكاتتار بەرىلەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي