BAQ.kz - Қазақстан жаңалықтары USD 338.78 BAQ.kz - Қазақстан жаңалықтары EUR 392.82 BAQ.kz - Қазақстан жаңалықтары RUB 5.35
استانا:

استانا اكىمدىگى كاسىپكەرلەرمەن بىرلەسە اقىلى اۆتوتۇراقتار جوباسىن باستاماق

بۇگىن ەلوردالىق كاسىپكەرلەردىڭ جىل سايىنعى كونفەرەنسياسىندا استانا قالاسىنىڭ اكىمى اسەت يسەكەشەۆ كاسىپكەرلەرمەن بىرلەسە اقىلى اۆتوتۇراقتار جوباسىن جۇزەگە اسىرۋدى قولدايتىنىن ايتتى، دەپ حابارلايدى baq.kz ٴتىلشىسى.

كونفەرەنسيادا بيزنەسمەندەردىڭ ٴبىرى اكىمدىككە كاسىپكەرلەرمەن بىرلەسە استانادا اقىلى اۆتوتۇراقتار قۇرۋ جوباسىن ىسكە اسىرۋدى ۇسىندى. ونىڭ ايتۋىنشا، اباي مەن كەنەسارى كوشەلەرىندەگى جول قوزعالىسى ٴبىر باعىتقا اۋىسقان سوڭ جاعداي ودان سايىن ناشارلاعان.

«بيىل ٴبىز مەملەكەتتىك-جەكەمەنشىك ارىپتەستىك بويىنشا اقىلى اۆتوتۇراقتار جوباسىن باستايمىز. ٴقازىردىڭ وزىندە جوبا اياسىندا سول جاعالاۋداعى كوشەلەر قامتىلدى. كاسىپكەرلەرمەن بىرگە قوسىمشا جوبالاردى ىسكە اسىرۋدى قاراستىرىپ جاتىرمىز. ٴبىز ٴۇشىن پاركينگ ماسەلەسى وتە ماڭىزدى. ٴقازىر قالادا 400 مىڭ كولىك بار. ال، قالانىڭ ەسكى بولىگىندەگى كوشەلەر مۇنداي ۇلكەن كولىك قوزعالىسىنا ساي ەسەپتەلمەگەن. مىسالعا الساق، ٴۋاليحانوۆ كوشەسى كۇنىنە 30 مىڭ كولىككە ەسەپتەلگەن، الايدا ٴقازىر كۇن سايىن بۇل كوشەدەن 100 مىڭنان استام كولىك وتەدى. سول سەبەپتى بۇل وتە ماڭىزدى سۇراق بولىپ وتىر»، - دەدى قالا اكىمى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي