BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

استانادا حالىقارالىق ساۋلەتشىلەر كونگرەسى وتەدى

استانادا 16 شىلدەدە حالىقارالىق ساۋلەتشىلەر كونگرەسى رەسمي تۇردە اشىلادى. بۇگىندە ونىڭ جۇمىسى 18 شىلدەگە دەيىن سوزىلادى دەپ كۇتىلۋدە. اۋقىمدى شارانى قر مادەنيەت جانە سپورت مينيسترلىگى، استانا قالاسىنىڭ اكىمدىگى مەن قر ساۋلەتشىلەر وداعى بىرلەسىپ وتكىزبەكشى، دەپ حابارلايدى baq.kz اقپارات اگەنتتىگى.

«تاۋەلسىز قازاقستان تاريحىندا 2018 جىل ونىڭ استاناسىنىڭ 20 جىلدىق مەرەيتويى مەن ەرەكشەلەنەدى. بۇگىندە ەلوردانىڭ الەۋەتى، ونىڭ ساياسي، الەۋمەتتىك-مادەني ٴومىرىنىڭ قارقىنى، بەيبىتشىلىك جانە كەلىسىم ورتالىعى مارتەبەسى استاناعا تۇرعىنداردىڭ ٴارتۇرلى توپتارى مەن الەم ەلدەرىنىڭ كاسىبي جانە ساياسي قاۋىم وكىلدەرىنىڭ نازارىن اۋدارتۋدا. حالىقارالىق ساۋلەتشىلەر كونگرەسىن قازاقستان رەپۋبليكاسىنىڭ ەلورداسىندا وتكىزۋ استانا قالاسىنىڭ 20 جىلدىعىن مەرەكەلەۋ اياسىندا ورايلاستىرىلدى. زاماناۋي دۇنيەجۇزىلىك ساۋلەت ونەرىنىڭ الەمدىك ترەندتەرى،ونىڭ ارحيتەكتۋرالىق كەلبەتى ەلوردانىڭ ايشىقتى ەرەكشەلىگى بولىپ تابىلادى، بۇل ٴوز كەزەگىندە سەرپىندى دامىپ جاتقان قالانىڭ قايتالانباس اتموسفەراسىن قۇرايدى. البەتتە، بۇل الەمگە ايگىلى ساۋلەتشىلەر مەن ساۋلەت ونەرىنىڭ وتاندىق مايتالماندارىنىڭ شىعارماشىلىعىنداعى ۇندەستىك ناتيجەسى»، - دەيدى ۇيىمداستىرۋشىلار.

كونگرەسستىڭ ماقساتى - كاسىبي تاجىريبە الماسۋ، الەمدىك ساۋلەت ونەرىنىڭ دامۋىنىڭ كونسەپتۋالدىق-تەوريالىق باعىتتارىمەن جانە ونىڭ نەگىزگى تەندەنسيالارىمەن تانىسۋ; قازاقستاندىق جانە شەتەلدىك جەتەكشى ساۋلەتشىلەرمەن شىعارماشىلىق بايلانىستار ورناتۋ; قوعامداعى سانانىڭ اشىقتىعىن قالىپتاستىرۋ–ساۋلەت ونەرىندەگى ۇلتتىق مادەنيەتتىڭ ۇزدىك داستۇرلەرىن ساقتاي وتىرىپ، پروگرەسسيۆتى الەمدىك تاجىريبە مەن ٴبىلىمدى قابىلداۋ قابىلەتتىلىگىن قالىپتاستىرۋ ارقىلى زاماناۋي وتاندىق ساۋلەت ونەرىن دامىتۋ.

كونگرەسس اياسىندا «قالالىق ورتا: ٴداستۇرى مەن كەلەشەگى» تاقىرىبىندا حالىقارالىق عىلىمي-پراكتيكالىق كونفەرەنسيا وتەدى.

سونىمەن قاتار، كونگرەسس جۇمىسى شەڭبەرىندە «قۇندىلىقتاردى سينتەزدەۋ. جاھاندىق كونتەكستەگى لوكالدىق سايكەستىك» تاقىرىبىندا «دوڭگەلەك ۇستەل» وتىرىسى وتكىزىلمەك.

ال، جاس ساۋلەتشىلەر، سونىمەن بىرگە ستۋدەنتتەر ستارتاپ ۋيكەند فورماتىندا وتكىزىلەتىن «قالالىق ورتا: «اقىلدى» اۋدان» بايقاۋىنا قاتىسا الادى.

بۇدان باسقا، كونگرەسس اياسىندا شەبەرلىك ساباقتارى، شەتەلدىك تانىمال ساۋلەتشىلەردىڭ دارىستەرى، «ورتانى قالىپتاستىراتىن كىم؟» تاقىرىبىندا ديالوگ الاڭىن وتكىزۋ جوسپارلانعان.

ايتا كەتەيىك، اتالعان باس قوسۋعا الىس جانە جاقىن شەتەل ساۋلەتشىلەرى; ۇكىمەت پەن بيزنەس وكىلدەرى; ەلىمىزدىڭ بارلىق وبلىستارى مەن رەسپۋبليكالىق ماڭىزى بار قالالارىنان (استانا، الماتى، شىمكەنت) وتاندىق ساۋلەتشىلەر; دەۆەلوپەرلەر، تەحنولوگيالىق كومپانيالار، جوبالاۋ بيۋرولارى، ينجەنەر-جوبالاۋشىلار; جوعارى وقۋ ورىندارىنىڭ ساۋلەت ونەرى فاكۋلتەتىنىڭ ستۋدەنتتەرى; قالا بەلسەندىلەرى، ۋربانيستەر، قازىرگى زامانعى سۋرەتشىلەر; باق وكىلدەرى قاتىسادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي