BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

استانادا expo بيزنەس ورتالىعى اشىلادى

استانا، baq.kz. جاقىن ارادا «ەكسپو-2017» كورمەسىنىڭ اۋلاسىندا اۋدانى 35 مىڭ شارشى مەتر بولاتىن expo business centre اشىلادى.

ورتالىق «ا» كلاستاعى وفيستەرگە قويىلاتىن ساپانىڭ حالىقارالىق ستاندارتتارىنا ساي سالىنعان. كوپتەگەن كومپانيا نىساننىڭ نەگىزگى ارتىقشىلىقتارىن باعالايدى. اتاپ وتسەك، جايلىلىقتىڭ ەڭ جوعارى دەڭگەيى، «استانا» حالىقارالىق قارجى ورتالىعى، «نۇر الەم» سفەراسى جانە ەكسپو كونگرەسس-ورتالىعىنا جاقىن ورنالاسۋى – ورتالىقتىڭ ەرەكشە ينفراقۇرىلىمى.

سونىمەن قاتار، 2019 جىلى قازاقستانداعى ەڭ ٴىرى كورمە ورتالىعى اشىلادى. ول حالىقارالىق جانە ۇلتتىق كورمەلەردى، كونگرەسس شارالارى مەن اتاۋلى ماڭىزدى وقيعالاردى ۇيىمداستىرۋعا قولايلى ورىن بولماق. مۋلتيفۋنكسيونالدى پاۆيلوندارى مەن زالدارى بار ورتالىقتىڭ جالپى اۋدانى 20 مىڭ شارشى مەتر. كورمە ورتالىعىنىڭ ساۋلەتى مەن جارىقتاندىرۋى زاماناۋي مۋلتيمەديالىق جابدىقتارمەن جاسالعان. ول دەگەنىڭىز، كەز كەلگەن كولەمدەگى جانە ٴىرى دەڭگەيدەگى شارالاردى وتكىزۋگە مۇمكىندىك بەرەدى.

بۇدان باسقا، ەكسپو تەرريتورياسىندا مەملەكەت باسشىسىنىڭ باستاماسىمەن 4 جاھاندىق جوبا ىسكە اسىرىلىپ جاتىر.

ال «استانا» حالىقارالىق قارجى ورتالىعى (احقو) 100 كومپانيانى – رەزيدەنتتەردى تارتتى جانە اstana international exchange (aix) بيرجاسىندا ساۋدا باستالىپ كەتتى. احقو الداعى ٴۇش جىلدا الەمدەگى 50 حالىقارالىق قارجى ورتالىعىنىڭ تىزىمىنە كىرۋدى جوسپارلاپ وتىر.

امەريكالىق كرەمنيي دالاسىنىڭ قازاقستاندىق انالوگى - «astana hub» ٴىت-ستارتاپتاردىڭ حالىقارالىق تەحنوپاركى بيزنەس-ينكۋباتور بولادى. ول جاڭادان باستاپ كەلە جاتقان ٴىت-ستارتاپتاردى قولداۋدى قامتاماسىز ەتەدى.

مۇندا يننوۆاسيالىق تەحنولوگيالار مەن «made in kazakhstan» برەندىمەن شىعاتىن ستارتاپتاردىڭ دامۋى ٴۇشىن قولايلى جاعداي جاسالعان.

it-ۋنيۆەرسيتەت – سيفرلاندىرۋ الەمىنە ٴبىزدىڭ ەلىمىزدى تارتاتىن تاعى ٴبىر مىقتى درايۆەر. ول «carnegie-mellon» جانە «singularity university» سەكىلدى الەمدەگى جەتەكشى تەحنولوگيالىق ۋنيۆەرسيتەتتەرمەن ىنتىماقتاستىق ارقىلى قۇرىلىپ جاتىر.

قازاقستاننىڭ سيفرلاندىرۋ سالاسىنا جوعارى ساناتتاعى مامانداردى دايارلاۋ يننوۆاسيالىق، جىلدامداتىلعان باعدارلامالار ارقىلى جۇزەگە اسىرىلادى.

«حالىقارالىق جاسىل تەحنولوگيالار جانە يننوۆاسيالىق جوبالار ورتالىعى» «استانا ەكسپو-2017» كورمەسىنىڭ يدەولوگيالىق جالعاسى رەتىندە بولادى. ول قازاقستاندى «جاسىل» ەكونوميكاعا تەزدەتىپ كوشۋگە جانە كەيىن ورتالىق ازيا ەلدەرىنىڭ كوشۋىنە ىقپال ەتەتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي