BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

استانادا ٴبىرىڭعاي بايلانىس ورتالىعى قۇرىلادى

استانا، baq.kz. «استانا – ٴقاۋىپسىز قالا» باعدارلاماسىنىڭ شەڭبەرىندە ەلوردا اكىمدىگى بارلىق شۇعىل ارەكەت ەتۋ سۇراقتارى بويىنشا «112 ٴبىرىڭعاي بايلانىس ورتالىعىن» قۇرۋعا قاتىستى جۇمىستاردى جۇرگىزىپ جاتىر. بۇل تۋرالى قالالىق اكىمدىكتىڭ رەسمي سايتى حابارلادى.

ikomek قالالىق مونيتورينگ جانە جەدەل ارەكەت ەتۋ ورتالىعىنىڭ مالىمەتىنشە، 112 ٴبىرىڭعاي بايلانىس ورتالىعى جەدەل جاردەم، پوليسيا جانە ٴورت قىزمەتى سۇراقتارىن/ماسەلەلەرىن بىرىكتىرەدى.

تۇجىرىمدامانىڭ نەگىزىنە اقش-تاعى 911 شۇعىل قىزمەتتىڭ تاجىريبەسى الىندى، وندا جەدەل ارەكەت ەتۋدىڭ ناقتى ۇلگىسى قالانعان. اتالعان جاڭا قىزمەتتىڭ ٴتۇرىن قۇرۋ تۋرالى ماسەلەنى استانا اكىمى باقىت سۇلتانوۆ ەلوردالىق جەدەل جاردەم ستانسياسىنىڭ بازاسىن ارالاۋ ساپارىندا تالقىلادى. جۇمىس توبىنا استانا اكىمدىگىنىڭ، «جەدەل جاردەم» مكك، پوليسيا دەپارتامەنتى، تج بويىنشا دەپارتامەنتى جانە (ikomek) «قالالىق مونيتورينگ جانە جەدەل ارەكەت ەتۋ ورتالىعى» مكك وكىلدەرى كىردى. كوميسسيا وكىلدەرى 103 قىزمەتىنىڭ ديسپەتچەرلىك ٴبولىمىنىڭ جۇمىسىمەن تانىسىپ، شۇعىل قىزمەتتىڭ نومەرلەرىن بىرىكتىرۋدە نەنى ەسەپكە الۋ قاجەتتىگى تۋرالى ماسەلەنى تالقىلادى.

«112 ٴبىرىڭعاي بايلانىس ورتالىعى جۇمىستىڭ تيىمدىلىگىن جوعارىلاتىپ، شاقىرتۋعا جەدەل ارەكەت ەتۋى ٴتيىس، ياعني 911 شۇعىل قىزمەتىنىڭ ۇزدىك تاجىريبەسىن قولدانۋى ٴتيىس»، - دەدى ەلوردا اكىمى باقىت سۇلتانوۆ.

ەسكە سالا كەتەيىك، استانا بۇعان دەيىن اقش-تىڭ 109 قالالىق شۇعىل ەمەس سۇراقتار بويىنشا ٴبىرىڭعاي نومەرىن قۇرۋداعى تاجىريبەسىن قولدانعان بولاتىن. بۇگىن 109 نومەرى كوممۋنالدىق قىزمەتتەر، قوعامدىق كولىك، بەو جانە اكىمدىكتەگى باسقارمالاردىڭ بارلىق سۇراقتارىن بىرىكتىرەدى. 11 ايدىڭ ىشىندە ikomek ورتالىعىنا 870 مىڭ ٴوتىنىش كەلىپ تۇسسە، ولاردىڭ 99 % قالالىق كوممۋنالدىق قىزمەتتەرمەن وڭدەلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي