BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

استانادا 800 وتباسىعا جاڭا فورماتتاعى اتاۋلى الەۋمەتتىك كومەك بەرىلەدى

فوتو: Freepeople.kz

جىل باسىنان بەرى استانادا 776 وتباسىعا اتاۋلى الەۋمەتتىك كومەك بەكىتىلگەن. ودان بولەك 11 مىڭنان استام ادامعا ااك بەرۋ تۋرالى كەڭەس بەرىلگەن، دەپ حابارلايدى baq.kz اقپارات اگەنتتىگى استانا قالاسى اكىمدىگىنىڭ رەسمي سايتىنا سىلتەمە جاساپ.

جۇمىسپەن قامتۋ جانە الەۋمەتتىك قورعاۋ باسقارماسىنىڭ اقپاراتىنشا، جىل باسىنان بەرى جاڭا فورماتتاعى اتاۋلى الەۋمەتتىك كومەك استانادا 776 وتباسىعا نەمەسە 3876 ادامعا بەرىلگەن جانە كەلىسىلگەن اقشالاي كومەكتى 362 وتباسى العان نەمەسە 2136 ادام. ال، شارتسىز اقشالاي كومەكتى 429 وتباسى نەمەسە 1814 ادام الدى.

ەسكە سالا كەتەيىك، جاڭا فورماتتاعى ااك 2018 جىلدىڭ قاڭتارىنان باستاپ ەنگىزىلگەن. ول از قامتىلعان وتباسىلار ٴۇشىن تولەنەتىن قولدانىستاعى ٴۇش الەۋمەتتىك كومەكتىڭ باسىن بىرىكتىردى. ولار ٴتورت جانە ودان دا كوپ بالاسى بار وتباسىلارعا بەرىلەتىن ارنايى مەملەكەتتىك جاردەماقى، 18 جاسقا دەيىنگى بالالارعا جاردەماقى، اتاۋلى الەۋمەتتىك كومەك.

جاڭا فورماتتاعى ااك كورسەتۋدىڭ ٴبىرىڭعاي ولشەمى جان باسىنا شاققانداعى ەڭ تومەنگى كۇنكورىس دەڭگەيىنىڭ (ەڭ تومەنگى كۇنكورىس دەڭگەيى ٴۇشىن 3 توقسان – 32 993 تەڭگە) ايلىق ورتاشا تابىستىڭ 50 %-دان تومەن بولۋى (16 497 تەڭگە، 4-توقسانعا). جاڭا فورماتتى ااك جىكتەلۋى 2 ٴتۇرى بار: شارتسىز جانە كەلىسىلگەن. شارتسىز اقشالاي كومەك وبەكتيۆتى سەبەپتەر بويىنشا قاتىسا المايتىندارعا كورسەتەتىن بولادى:

- از قامتاماسىز ەتىلگەن وتباسىلارعا، بارلىق وتباسى مۇشەلەرى ٴبىرىنشى نەمەسە ەكىنشى توپتاعى مۇگەدەكتەر نەمەسە ەكى اي كولەمىندە ەڭبەككە جارامسىز، جەتى جاسقا دەيىنگى بالاعا كۇتىم جۇرگىزەتىن، مۇگەدەك، ٴبىرىنشى نەمەسە ەكىنشى توپتاعى مۇگەدەك، قارتتارعا، بوگدە ادامنىڭ كۇتىمىنە جانە كومەك كورسەتۋىنە مۇقتاج;

- جالعىزباستى نەمەسە جالعىز تۇراتىن مۇمكىندىكتەرى شەكتەۋلى از قامتىلعان تۇلعالارعا جانە ٴبىرىنشى نەمەسە ەكىنشى توپتاعى مۇگەدەكتىگىنە بايلانىستى جۇمىس جاساۋعا مۇمكىندىگى جوق جاندار;

- جالعىزباستى نەمەسە جالعىز تۇراتىن مۇمكىندىكتەرى شەكتەۋلى از قامتىلعان تۇلعالارعا اۋرۋىنا بايلانىستى ەكى ايدان استام ۋاقىت جۇمىس جاساي المايتىندارعا;

ال كەلىسىلگەن اقشالاي كومەك قۇرامىندا ەڭبەككە قابىلەتتى مۇشەلەرى بار وتباسىلاردىڭ جانە ولارمەن الەۋمەتتىك كەلىسىمشارت جاساسقان جاعدايدا ولاردى مىندەتتى تۇردە جۇمىسپەن قامتۋعا جاردەمدەسۋ. ياعني، ٴاربىر ەڭبەككە جارامدى وتباسى مۇشەسى مەملەكەتتىك كومەكتى الا وتىرىپ، بەيىمدەۋ جاعدايىنا قاتىسۋى نە «جۇمىسپەن ناتيجەلى قامتۋعا جانە 2017 – 2021 جىلدارعا ارنالعان جاپپاي كاسىپكەرلىك» وقىتۋ باعدارلاماسىنا قاتىسا وتىرىپ كەيىننەن جۇمىسقا ورنالاسۋ نەمەسە ميكروكرەديت الىپ كاسىپكەرلىكپەن اينالىسۋ ارقىلى ٴوزىن از قامتىلعان وتباسى قاتارىنان شىعارۋ.

بارلىق سۇراقتار بويىنشا جۇمىسپەن قامتۋ جانە الەۋمەتتىك قورعاۋ باسقارماسىنا حابارلاسىڭىزدار تەل: 55-68-22، 55-68-40، 55-68-45، 55-68-34.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي