BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

استانادا 300-گە جۋىق وتباسى باسپانالى بولدى

بۇگىن استانا اكىمى اسەت يسەكەشەۆ قوشقاربايەۆ داڭعىلى، 39 مەكەن-جايى بويىنشا ورنالاسقان جاڭا ٴۇيدىڭ تۇرعىندارىنا 292 پاتەردىڭ كىلتىن تابىس ەتتى، دەپ حابارلايدى baq.kz اقپارات اگەنتتىگى اكىمدىكتىڭ رەسمي سايتىنا سىلتەمە جاساپ.

جاڭا باسپانا يەلەرىنىڭ 146-سى – ٴۇي كەزەگىندە تۇرعان حالىقتىڭ الەۋمەتتىك جاعىنان ٴالجۋاز توپتارى ساناتىنا جاتاتىن ازاماتتار، بيۋدجەتتىك ۇيىمداردىڭ قىزمەتكەرلەرى، دەپ حابارلايدى استانا اكىمدىگىنىڭ رەسمي سايتى.

قونىس تويى يەلەرىن قۇتتىقتاي وتىرىپ، اسەت يسەكەشەۆ ەلورداداعى باسپانانىڭ قولجەتىمدىلىگى حالىقتىڭ بارلىق ساناتتارى ٴۇشىن جىلدان جىلعا ارتىپ كەلە جاتقاندىعىن اتاپ ٴوتتى.

«قاسيەتتى رامازان ايىنىڭ العاشقى كۇنى سىزدەر ٴۇشىن قۋانىشتى حاباردان باستالدى. اكىمدىكتىڭ قۇرىلىمىن وزگەرتۋ اياسىندا قازىرگى تاڭدا ازاماتتاردى كەزەككە قويۋمەن، باسپانانى ۇسىنۋمەن اينالىساتىن ارنايى مەكەمە جۇمىس ىستەيدى. جۇمىستىڭ جاڭا فورماتى مەملەكەتتىك قىزمەتتەردى كورسەتۋدىڭ اشىقتىعىن قامتاماسىز ەتۋگە مۇمكىندىك بەرەدى. بيىل مىڭنان استام پاتەرى بار 6 تك پايدالانۋعا بەرىلەدى دەپ جوسپارلانۋدا. ولاردىڭ جالپى اۋدانى 60، 58 مىڭ شارشى مەتردى قۇراماق. سول سەبەپتى ٴبىزدى كۇتىپ تۇرعان قۋانىشتى جاڭالىقتار از ەمەس. بارلىعىڭىزدى قونىس تويلارىڭىزبەن شىن جۇرەكتەن قۇتتىقتايمىن!»، – دەدى قالا اكىمى.

ٴۇي تۇرعىندارى اتىنان دينا قاپاشەۆا ٴسوز سويلەدى. كوپ جىلدىق تاجىريبەسى بار ٴمۇعالىم بۇل جاڭالىقتى 8 جىل كۇتكەنىن ايتادى.

«مەن 2010 جىلدان بەرى بيۋدجەتتىك ۇيىمنىڭ قىزمەتكەرى رەتىندە ٴۇي كەزەگىندە تۇردىم. شىنىمدى ايتسام، ۋاقىت مەن ٴۇشىن وتە باياۋ ٴوتتى. ال، بۇگىن مۇنىڭ ٴبارى بولماعان سياقتى. ەندى مەنىڭ ٴۇش بولمەلى پاتەرىم بار. مۇندا ۇلىم ەكەۋمىز تۇرامىز. شاڭىراعىمىز جانعا تولىپ، كەلىنىمىزبەن، نەمەرەلەرىمىزبەن وسىندا ٴتاتۋ-تاتتى تۇراتىن بولامىز»، – دەدى ول.

شارانىڭ سالتاناتتى ٴبولىمى اياقتالعان سوڭ اسەت يسەكەشەۆ بىرنەشە پاتەردى ارالاپ، ولاردىڭ تۇرعىندارىن جەكە قۇتتىقتادى.

ايتا كەتەيىك، 292 پاتەرى بار جاڭا تۇرعىن ٴۇي كەشەنى «نۇرلى جەر» باعدارلاماسىن ىسكە اسىرۋ اياسىندا قالا اكىمدىگىنىڭ تاپسىرىسى بويىنشا سالىنىپ، پايدالانۋعا بەرىلدى.

ول ناجىمەدەنوۆ داڭعىلى مەن بايتۇرسىنوۆ كوشەسى ارقىلى استانانىڭ سول جاق جاعالاۋىنا شىعاتىن ىڭعايلى كولىك ايىرىعىمەن قامتاماسىز ەتىلگەن. ٴۇيدىڭ جانىندا ازىرەت سۇلتان مەشىتى، ۇلتتىق مۋزەي، بەيبىتشىلىك جانە كەلىسىم سارايى سياقتى مادەني نىساندار ورنالاسقان. سونداي-اق، اتالمىش ٴۇي ورنالاسقان اۋداننان «استانا نۇرلى جول» تەمىرجول ۆوكزالىنا تىكەلەي جەتۋگە بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي