BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

استانادا 1717 شاقىرىمدىق ۆەلوجولدار سالىنادى

فوتو: dixinews.kz

استانا اكىمدىگىندە وتكەن اپتا سايىنعى اپپاراتتىق كەڭەستە قالا تىرشىلىگىنە قاتىستى ٴبىرقاتار ماڭىزدى سۇراقتار قارالدى، دەپ حابارلايدى baq.kz اقپارات اگەنتتىگى استانا اكىمدىگىنىڭ رەسمي سايتىنا سىلتەمە جاساپ.

بيىل ەلوردادا جالپى اۋدانى 8،7 گا قۇرايتىن 9 گۇل باعى مەن جەلەك جول سالىندى. بۇدان بولەك، جىل سوڭىنا دەيىن اۋدانى 14،2 گا بولاتىن وزەن جاعاسىنداعى ساياباق پەن اۋدانى 92 گا قۇرايتىن بوتانيكالىق باقتىڭ قۇرىلىسى اياقتالادى.

«وسىلايشا، 2018 جىلى قالاداعى كوگالداندىرىلعان اۋماقتىڭ اۋدانى 115 گا ۇلعايىپ، 15 537 گا قۇرايتىن بولادى. مۇنىمەن قوسا، ەلوردانىڭ بارلىق اۋداندارىنداعى اۋلالاردى اباتتاندىرۋ جۇمىستارى جۇرگىزىلىپ جاتىر. بۇگىنگى تاڭدا استانادا 1،4 مىڭنان استام اۋلا بار. ولاردىڭ 300-گە تارتا اۋلاسى قالپىنا كەلتىرىلەتىن بولادى. اتالمىش جۇمىستاردىڭ ٴبىراز بولىگى اياقتالدى»، – دەپ مالىمدەدى كەڭەس بارىسىندا ٴا. يسەكەشەۆ.

ىڭعايلى ٴارى قولايلى ينفراقۇرىلىمدى قالىپتاستىرۋ ٴۇشىن ەلوردا اكىمدىگى ۆەلوسيپەدتىك كولىك جانە ينفراقۇرىلىمدى دامىتۋ جوسپارى ازىرلەنىپ، بەكىتىلدى. استانا اكىمى ٴا. يسەكەشەۆتىڭ تاپسىرماسى بويىنشا الداعى بىرنەشە جىلدا ەلوردادا قالانىڭ بار اۋماعىن قامتيتىن 1717 شاقىرىمدىق ۆەلوجولدار سالىنادى.

«جىل سوڭىنا دەيىن ۇزىندىعى 34، 08 شاقىرىمدى قۇرايتىن ۆەلوجول پايدالانۋعا بەرىلەدى دەپ جوسپارلانۋدا. ول ەسىل وزەنىنىڭ اۋماعىن قامتيدى. استانانىڭ ورتالىق ساياباعىنان باستالاتىن جول جاسىل بەلدەۋ اۋماعىنداعى ۆەلوجولمەن توعىسادى. بۇل الاڭنىڭ ٴبىر بولىگى بۇگىنگى تاڭدا قولدانىستا. قالا تۇرعىندارى ٴوز يگىلىگىنە جاراتىپ جاتىر»، – دەپ اتاپ ٴوتتى ٴا. يسەكەشەۆ.

جاڭا ينفراقۇرىلىمنىڭ سۇرانىسقا يە ەكەندىگىن ەسكەرە وتىرىپ استانا اكىمى ۆەلوجولدارى بار بارلىق الاڭداردا ارنايى بەلگىلەردى ورناتۋدى جۇكتەدى.

ٴقاۋىپتى جانە وقىس وقيعالاردىڭ الدىن الۋ ماقساتىندا استانا اكىمدىگى ەلوردا تۇرعىندارى مەن قوناقتارىنان بارلىق دەمالىس ورىندارىندا ٴتارتىپتى ساقتاۋدى، جاڭا جولداردى ورىندى پايدالانۋدى سۇرايدى.

ۆەلوسيپەد جۇرگىزۋشىلەرىنە ارنالعان جولدار قىزىل تۇسكە بويالىپ، ارنايى بەلگىلەرمەن تاڭبالاندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي