BAQ.kz - Қазақстан жаңалықтары USD 326.17 BAQ.kz - Қазақстан жаңалықтары EUR 401.25 BAQ.kz - Қазақстан жаңалықтары RUB 5.31
استانا:

استانا جەرىنەن ۆولگوگرادقا ەستەلىككە ٴبىر شوكىم توپىراق اكەتىپ بارا جاتىر

بۇگىن باۋىرجان مومىش ۇلى ەسكەرتكىشى الاڭىندا تۋعان جەردىڭ توپىراعىن ۆولگوگراد قالاسىنا جونەلتۋ ٴراسىمى بولدى. بۇل شارا ەكىنشى دۇنيەجۇزىلىك سوعىسىندا ەڭ ٴىرى – ستالينگراد شايقاسىنداعى جەڭىستىڭ 75 جىلدىعىنا وراي ۇيىمداستىرىلعان، دەپ حابارلايدى استانا قالاسى اكىمدىگىنىڭ رەسمي سايتى ٴىىد ٴباسپاسوز قىزمەتىنە سىلتەمە جاساپ.

وسى شايقاسقا اقمولا اۋماعىندا قۇرىلعان قازاقستاندىق 459 جانە ٴ387-شى اتقىشتار ديۆيزياسى قاتىسىپ، ستالينگراد قالاسىن ەرلىكپەن قورعاعانى تاريحتان بەلگىلى.

تۋعان جەردىڭ توپىراعى ارنايى سالىنعان كاپسۋلانى جونەلتۋ راسىمىنە استانا قالاسىنىڭ ٴىىد-نىڭ قىزمەتكەرلەرى، ەكىنشى دۇنيەجۇزىلىك سوعىسىنىڭ ارداگەرلەرى مەن ولاردىڭ تۋىسقاندارى، جاۋىنگەر-ينتەرناسيوناليستەر، ىشكى ىستەر ورگاندارى مەن ۇلتتىق ۇلان ارداگەرلەرىنىڭ قازاقستاندىق ۇيىمى، استانا قالاسىنىڭ اكىمدىگى، «نۇر وتان» پارتياسى «جاس وتان» جاستار قاناتىنىڭ وكىلدەرى قاتىستى.

قر قارۋلى كۇشتەرى «ارداگەرلەر وداعى» ٴتوراعاسىنىڭ ورىنباسارى گەنەرال-مايور مارات ناعۇمانوۆ « ۇلى وتان سوعىسى تاريحىنىنىڭ بەتتەرىن پاراقتاعان ادام جەڭىس ساعاتىن سوقتىرۋعا قازاقستاننىڭ قوسقان ۇلەسى تەلەگەي تەڭىز ەكەنىن بايقار ەدى. ادىلەتسىز ارپالىسقا قازاقستاننان 2 ميلليونعا جۋىق ادام اسكەر قاتارىنا شاقىرىلدى. سۇراپىل سوعىستاعى اسا ٴىرى شايقاستاردىڭ ٴبىرى ستالينگراد تۇبىندەگى شايقاس، ول ەكىنشى دۇنيەجۇزىلىك سوعىستى تۇبىرىنەن وزگەرتىپ كەڭەس وداعى اسكەرلەرىنىڭ فاشيستىك گەرمانيانى جەڭۋدەگى العاشقى قادامدارى بولىپ تاريحتا قالدى. سول ستالينگراد تۇبىندەگى شايقاسقا قازىرگى استانا كەزىندەگى اقمولا قالاسىندا اتقىشتار ديۆيزيالارى قۇرىلىپ مايدانعا اتتانعان بولاتىن».

ستالينگراد ٴۇشىن شايقاسقان باتىرلاردىڭ تۋىستارى دا قاتىسقان. سولاردىڭ ٴبىرى تالعات كەنجەبەك ۇلى يسماگۋلوۆ.

تاياۋدا «گەنەرالدار كەڭەسى» رەسپۋبليكالىق قوعامدىق بىرلەستىگى 27 ساۋىردە رەسەيدە ستالينگراد قورعاۋشىلارى – قازاقستاننان بارعان جاۋىنگەرلەرگە ارنالعان گرانيتتەن جاسالعان ەسكەرتكىشتىڭ اشىلۋ سالتاناتىنا شاقىرۋ العان بولاتىن.

«گەنەرالدار كەڭەسى» رقب دەلەگاسياسى تۋعان جەردىڭ توپىراعىن رەسەي فەدەراسياسىنىڭ ۆولگوگراد قالاسىنداعى «مامايەۆ قورعانى» مەموريالىنا ورناتىلعان ەسكەرتكىشكە قويۋدى جوسپارلاپ وتىر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي