BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

استانا ساياباقتارىندا ٴۇي جانۋارلارىمەن سەرۋەندەيتىن بولەك ورىندار پايدا بولادى

فوتو: widefon.com

قازىرگى كەزدە ٴتيىستى جۇمىستار جۇرگىزىلىپ جاتىر، دەپ حابارلايدى baq.kz اقپارات اگەنتتىگى استانا قالاسى اكىمدىگىنىڭ ٴباسپاسوز قىزمەتىنە سىلتەمە جاساپ.

استانا اكىمى اسەت يسەكەشەۆتىڭ تاپسىرماسىمەن اپتانىڭ سوڭىنا دەيىن قالا ساياباقتارىندا ٴۇي جانۋارلارىنا ارنالعان ارنايى بولەك ورىندار پايدا بولادى. ٴقازىر وسىعان سايكەس ٴتيىستى جۇمىستار جۇرگىزىلۋدە.

«اپتا ىشىندە تەرريتوريا جابدىقتالاتىن بولادى. ول جەردە ٴۇي جانۋارلارىنا ارنالعان بەلگىلى ەرەجەلەر بار. يتتەردىڭ كەز كەلگەن ٴتۇرىن (قوجايىنىنان ەرەكشە كۇتىم قاجەت ەتەتىن ٴيتتىڭ تۇرلەرى) تىيىم سالىنعان بەلگىلەر جوق جەرگە دەيىن يتپەن تۇمىلدىرىقسىز سەرۋەندەۋگە بولادى. ٴبىراق جانۋاردىڭ يەسى وزىمەن بىرگە تۇمىلدىرىق الىپ ٴجۇرۋى مىندەتتى جانە قاجەت بولعان جاعدايدا ٴيتتىڭ تۇمسىعىنا تەز ارادا تور تۇساۋىن كيگىزۋى ٴتيىس. ەگەر تىيىم سالىنعان بەلگى تۇرسا، وندا سەرۋەندى تۇمىلدىرىقپەن جالعاستىرۋى كەرەك»، - دەلىنگەن حابارلامادا.

يت پەن مىسىقتىڭ يەلەرى تومەندەگىدەي ەرەجەنى ساقتاۋى ٴتيىس:

- يت پەن مىسىقتىڭ مىنەز-قۇلقىنا باس-كوز بولۋعا، اينالاداعىلارعا ٴقاۋىپ تۋدىرىپ، مازاسىن الماس ٴۇشىن قوعامدىق قاۋىپسىزدىك ەرەجەلەرىن بۇزباۋ;

- اۋلا، پودەزد، تەپكىشەك الاڭدارىن، ٴليفتىنى، بالالار الاڭىن، جولداردى، تروتۋارلارى، سكۆەر، ساياباق، دەمالىس ورىندارىن لاستاماۋ. ەگەر يت پەن مىسىق سەرۋەندەپ جۇرگەن جەرگە دارەت سىندىراتىن بولسا قوجايىنى ونى دەرەۋ الىپ تاستاۋى ٴتيىس. ول ٴۇشىن جانۋاردىڭ يەسى وزىمەن بىرگە لاس زاتتاردى جيناپ جۇرەتىن قۇرال (پاكەت) الىپ ٴجۇرۋدى ۇسىنادى.

- ٴيتتى كاسىپورىن، مەكەمە، ۇيىم، باقشا، ازاماتتاردىڭ كوممەرسيالىق ەمەس ساياجايىندا، دەمالىس بازاسىندا، بايلاۋلى كۇيىندە نەمەسە جابىق تەمىر توردا (ۆولەر) ۇستاۋعا بولادى. الايدا ٴيتتىڭ اس پەن سۋعا جەتە الاتىنداي بوس جەرى بولۋى كەرەك، بايلاۋلى تۇرسا دا ٴيتتىڭ دارەت سىندىرۋىنا كەدەرگى بولماۋى كەرەك.

- يتتەر ارنايى ٴبىر ورىندا بولۋى ٴتيىس، ولار قاشىپ كەتەتىندەي جەردە بولماۋى كەرەك، ادامدار مەن باسقا دا جانۋارلاردى قاۋىپ الماۋى قاجەت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي