BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

استانا كوشەلەرىندە بىرەگەي مەكەنجاي تاقتايشالارى پايدا بولدى

فوتو: astana.gov.kz

استانا قالاسىنىڭ 15 كوشەسىندە ساۋلە جارىعىمەن جارىقتاندىرىلعان جاڭا تاقتايشالار پايدا بولۋدا. جارىق جيناعىش انشلاگتار ٴداستۇرلى تاقتايشالاردى الماستىرۋدا، دەپ حابارلايدى baq.kz اقپارات اگەنتتىگى استانا قالاسى اكىمدىگىنىڭ رەسمي سايتىنا سىلتەمە جاساپ.

ٴۇيدىڭ مەكەنجايىن كورسەتەتىن ەرەكشە جارىق جيناعىش تاقتايشالار فوتوليۋمينەسسەنتتىك قابىقشادان جاسالعان، بۇل تۇندە ساۋلە شىعارۋ مۇمكىندىگى بار ماتەريال ٴتۇرى.

«ساۋلە شىعارۋ ماتەريال قۇرامىندا ليۋمينوفور اتالاتىن قابىقشاسىنىڭ بولۋىنا بايلانىستى. بۇل زاتتەكتىڭ قۇرامىنداعى بولشەكتەر قاينار كوزدەن ەنەرگيانى جىلدام جيناقتاپ، سودان كەيىن ەلەكتر قۋاتىن پايدالانباي تۇندە ۇزاق ۋاقىت بويى جارىق بەرە الادى»، - دەيدى «بايقوڭىر» اۋدانىنىڭ اكىمى ەرلان كاناليموۆ.

جاڭا تاقتايشالارداعى جارىقتىڭ اسەر ەتۋ ۇزاقتىعىنا بايلانىستى ساۋلە تاراتۋ ۋاقىتى 4 ساعاتتان 12 ساعاتقا دەيىن. ە. كاناليموۆتىڭ ايتۋىنشا، قازىرگى تاڭدا «بايقوڭىر» اۋدانىنداعى كوشەلەردىڭ اتاۋى مەن ۇيلەردىڭ رەتتىك ٴنومىرى جازىلعان انشلاگتاردى ورناتۋ جۇمىستارى جۇرگىزىلۋدە.

جۇمىستار كەلەسى مەكەنجايلاردا اتقارىلۋدا: ج. تاشەنوۆ كوش.، ا. بارايەۆ كوش.، رەسپۋبليكا داڭع.، ا. يمانوۆ كوش.، كەنەسارى كوش.، اباي داڭع.، ج. دوسمۇحامەد ۇلى كوش.، اسان قايعى كوش.، ا. يانۋشكەۆيچ كوش.، ا. پۋشكين كوش.، ا. كراۆسوۆ كوش.، سەمبينوۆ كوش.، ا. جۇبانوۆ كوش.، م. عابدۋللين كوش.، ش. ۋاليحانوۆ كوش. قازىرگى ۋاقىتتا بارلىعى 360-تان استام جارىق جيناعىش قاباتى بار انشلاگ ورناتىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي