BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

«استانا كلۋبىنىڭ» 4-وتىرىسىندا «2019 جىلعى ەۋرازياداعى جاھاندىق سىن-قاتەرلەردىڭ  رەيتينگىسى» حالىقارالىق زەرتتەۋى تانىستىرىلادى

«استانا كلۋب» حالىقارالىق پىكىرتالاس الاڭىنىڭ بيىلعى جۇمىسىنىڭ باستى قورىتىندىسى “2019 جىلعى ەۋرازياداعى جاھاندىق سىن-قاتەرلەردىڭ رەيتينگىسى” حالىقارالىق زەرتتەۋى بولماق. زەرتتەۋدىڭ ماقساتى ەۋرازيا ايماعى مەن بۇكىل الەمدەگى وزەكتى گەوساياسي جانە گەوەكونوميكالىق ۇدەرىستەردى باعالاۋ، دەپ حابارلايدى ۆaq.kz اقپارات اگەنتتىگى.

جالپى، زەرتتەۋگە 60 مەملەكەتتىڭ 1000-نان استام ساراپشىسى قاتىستى.وعان قوسا مەملەكەت باسشىلارىنا، حالىقارالىق ۇيىمدار مەن ٴىرى بۇقارالىق اقپارات قۇرالدارىنا ٴسوزى ٴوتىمدى 30-دان اسا بەدەلدى ساياساتكەرلەر مەن ساراپشىلار سىن-قاتەرلەرگە قاتىستى كولەمدى تۇردە پىكىر ٴبىلدىردى.

زەرتتەۋ اۆتورلارى قاتارىندا نوبەل سىيلىعىنىڭ لاۋرەاتتارى مەن ٴوز سالاسىنىڭ مىقتى مايتالمان ماماندارى بار:

  • مەتيۋ روجانسكي – ۆۋدرو ۆيلسون اتىنداعى حالىقارالىق عىلىمي ورتالىق جانىنداعى كەننان ينستيتۋتىنىڭ ديرەكتورى;
  • دەن سميت – الەم ماسەلەلەرىن زەرتتەيتىن ستوكگولم حالىقارالىق ينستيتۋتىنىڭ (sipri) ديرەكتورى;
  • مەتيۋ بارروۋز – اقش اتلانتيكا كەڭەسىنىڭ ستراتەگيالىق بولجاۋ باستاماسىنىڭ ديرەكتورى;
  • ۆلاديمير ياكۋنين – «ديالوگ سيۆيليزاسيي» زەرتتەۋ ينستيتۋتىنىڭ قاداعالاۋ كەڭەسىنىڭ ٴتوراعاسى;
  • رادجەندرا پاچاۋري – الەمنىڭ نوبەل سىيلىعىنىڭ لاۋرەاتى، pop (protect our planet) حالىقارالىق قوزعالىسىنىڭ باس مەنتورى جانە تۇراقتى دامۋ جونىندەگى دۇنيەجۇزىلىك فورۋمنىڭ پرەزيدەنتى.

قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورى جانىنداعى الەمدىك ەكونوميكا جانە ساياسات ينستيتۋتىنىڭ ديرەكتورى ەرجان سالتىبايەۆ دۇنيەجۇزىلىك رەيتينگتى جاساۋ يدەياسى مەن العىشارتتارىنا قاتىستى تۇسىنىكتەمە بەردى:

“تاريحي تۇرعىدان العاندا بارلىق اۋقىمدى جاھاندىق ۇدەرىس ەۋرازيادا بولادى، الجاھاندىق ٴوزارا بايلانىس داۋىرىندە كەز كەلگەن شيەلەنىس نەمەسە گەوساياسي ۇدەرىس وڭىردەگى بارلىق ەلدەردىڭ تۇراقتىلىعىنا اسەر ەتۋدە. بۇگىنگى كۇنى ساۋدا-ساتتىق جانە سانكسيالىق سوعىستار، ۇلعايىپ كەلە جاتقان سوعىسقۇمارلىق جاعدايىندا داۋلاردى شەشەتىن بارلىق اسا ماڭىزدى حالىقارالىق ينستيتۋتتارعا، سونىڭ ىشىندە بۇۇ مەن دسۇ ٴقاۋىپ ٴتونىپ تۇر. يران مەن ۋكرايناعا قاتىستى داعدارىستار دا شەشىمىن تاپقان جوق. بارلىق اتالعان ۇدەرىس جاھاندىق قاۋىپسىزدىك جۇيەسىنىڭ داعدارىسى ارتىپ كەلە جاتقانىن كۋالاندىرادى، بۇل الەم ٴۇشىن ەڭ ٴقاۋىپتى سالدار تۋدىرۋى ىقتيمال.

سونىمەن قاتار، وڭ ۇدەرىستەر دە جوق ەمەس. جاڭا وڭىرلىك ۇيىمدار دامىپ جاتىر، مىسالى، شۇى، ەاەك كەڭەيگەنىبايقالادى، “بەلدەۋ جانە جول” ستراتەگياسى قارقىندى دامۋدا. وسىنىڭ بارلىعى ەۋرازيا ەلدەرىنىڭ وڭىرلىك ىنتىماقتاستىققا جانە ورتاق ەرەجەلەر بويىنشا جاھانداندىرۋدى دامىتۋعا قىزىعۋشىلىعىنىڭ ارتقانىن كورسەتەدى.

وسى ورايدا ەۋرازيا قاتەرلى كەزەڭگە تاياندى دەۋگە بولادى. ول نە بىرىگۋى، نە جاھاندىق شيەلەنىستىڭ الاڭىنا اينالۋى مۇمكىن. بۇل ديلەممانىڭ شەشىلۋى الداعى جىلداردىڭ ەنشىسىندە. ەۋرازياداعى بارلىق ۇدەرىستەردىڭ ەپيسەنترىندە ورنالاسقان قازاقستان ٴۇشىن بارلىق قاراما-قايشىلىقتاردىڭ بەيبىت تۇردە، ٴارى ورتاق كەلىسىممەن شەشىلگەنى ماڭىزدى. سوندىقتان ەۋرازيانىڭ جەتەكشى ەلدەرى اراسىندا ٴتيىمدى ديالوگتى قۇرۋ قازاقستاننىڭ سىرتقى ساياساتىنىڭ اسا ماڭىزدى ماقساتتارىنىڭ ٴبىرى بولىپ تابىلادى. بۇل ورايدا ٴبىز دايىنداعان رەيتينگ وسى ديالوگ بارىسىندا تالقىلاناتىن ماسەلەلەر جيىنتىعىن انىقتاۋعا باعىتتالعان”.

جىل سايىنعى “استانا كلۋبىنىڭ” ٴ4-شى وتىرىسى قازاقستاننىڭ باس قالاسىندا 12-13 قاراشا كۇندەرى “نازاربايەۆ ورتالىعىندا” وتەدى.

“استانا كلۋبىنىڭ” باستى ميسسياسى - جاھاندىق بەتالىستاردى تالقىلاۋ جانە دۇنيەجۇزى مەن ەۋرازيا ايماعىنا اسەر ەتەتىن ەڭ ماڭىزدى ماسەلەلەردىڭ شەشىمىن ىزدەۋ، سونداي-اق الەمدىك ساياسي-ساراپشىلىق اۋديتورياعا قازاقستاننىڭ رەسمي ۇستانىمىن تانىستىرۋ.

بيىلعى “استانا كلۋبىنىڭ” جۇمىسىنا الەمنىڭ 30 ەلىنەن، سونىڭ ىشىندە اۆستريا، اۋعانستان، بەلگيا، مىسىر، يتاليا، قىرعىزستان، پاكىستان، پولشا، پورتۋگاليا، ۇلىبريتانيا، ٴۇندىستان، يندونەزيا، يران، يسپانيا، قىتاي، نورۆەگيا، رەسەي، سەربيا، سلوۆەنيا، حورۆاتيا، اقش، شۆەسيا جانە جاپونيا سياقتى ەلدەردەن 50-دەن استام سپيكەر قاتىسادى.

فورۋم قوناقتارى اراسىندا ٴبىرقاتار مەملەكەت جانە ۇكىمەتتىڭ بۇرىنعى جانە قازىرگى باسشىلارى، بەدەلدى ديپلوماتتار، بىلىكتى عىلىمي ورتالىق جەتەكشىلەرى جانە الەمگە تانىمال ساراپشىلار بار.

ٴىس-شاراعا 10-نان اسا بۇرىنعى مەملەكەت جانە ۇكىمەت باسشىلارى، نوبەل سىيلىعىنىڭ لاۋرەاتتارى، بۇۇ باس اسسامبلەياسىنىڭ ٴ67-شى پرەزيدەنتى، گەوساياسات بويىنشا الەمدىك بەستسەللەردىڭ 7 اۆتورى، حالىقارالىق قاتىناستار، گەوساياسات، ەكونوميكا بويىنشا 21 بەدەلدى ساراپشى كەلەدى.

ولاردىڭ قاتارىندا پولشا مەملەكەتىنىڭ ەكس-پرەزيدەنتى برونيسلاۆ كوموروۆسكيي، اۋعانستان يسلام رەسپۋبليكاسىنىڭ ەكس-پرەزيدەنتى حاميد كارزاي، سلوۆەنيانىڭ ەكس-پرەزيدەنتى دانيلو تيۋرك، پاكىستاننىڭ پرەمەر-مينيسترى شاۋكات ازيز، اۆستريانىڭ بۇرىنعى سىرتقى ىستەر ٴمينيسترى جانە ەۋرووداقتىڭ سىرتقى بايلانىس پەن كورشىلەس ەۋروپالىق ساياسات بويىنشا كوميسسارى بەنيتا فەررەرو-ۆالدنەر، يتاليانىڭ بۇرىنعى سىرتقى ىستەر ٴمينيسترى فرانكو فراتتيني جانە ت.ب. بار.

كلۋبتىڭ ٴ4-شى وتىرىسى اياسىندا ساراپشىلار “ۇلكەن ەۋرازياعا اپارار جول: ورتاق بولاشاقتى قالاي قۇرۋعا بولادى؟” دەگەن تاقىرىپ توڭىرەگىندە تالقىلايتىن بولادى. تاقىرىپ ساۋدا-ساتتىق جانە سانكسيالىق سوعىستار، جاھاندىق قاۋىپسىزدىككە تونگەن جاڭا قاۋىپ-قاتەرلەرمەن بايلانىستى الەمدەگى جانە ەۋروپا وڭىرىندەگى جاھاندىق ۇدەرىستەرگە قاتىستى تاڭدالدى.

ساراپشىلار جاڭا گەوساياسي شىنايىلىلىقتىڭ وبەكتىلەرى ەمەس، سۋبەكتىلەرى بولىپ تابىلاتىن ورتا دەڭگەيلى دەرجاۆالاردىڭ كۇشەيۋى مەن قالىپتاسۋ جاعدايىنداعى كوپپوليارلى ەۋرازيانىڭ جاڭا ستراتەگيالىق ارحيتەكتۋراسىنىڭ بولاشاعىنا اسا نازار اۋداراتىن بولادى.

كلۋبتىڭ پانەلدى سەسسيالارىنىڭ بارىسىندا ۇلكەن ەۋرازيا بولاشاعىنىڭ ٴتۇرلى سسەنارييلەرى، ەۋرازيالىق ەكونوميكالىق وداقتىڭ “بەلدەۋ جانە جول” باستاماسىنىڭ دامۋ پەرسپەكتيۆاسى، سونداي-اق ورتالىق ازياداعى ترانسفورماسيانىڭ زاماناۋي ۇدەرىستەرى قاراستىرىلاتىن بولادى.

كلۋبتى ۇيىمداستىرۋشىلارى - قر تۇڭعىش پرەزيدەنتى – ەلباسى قورى جانە قر تۇڭعىش پرەزيدەنتى – ەلباسى قورى جانىنداعى الەمدىك ەكونوميكا جانە ساياسات ينستيتۋتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي