BAQ.kz - Қазақстан жаңалықтары USD 361.66 BAQ.kz - Қазақстан жаңалықтары EUR 409.51 BAQ.kz - Қазақстан жаңалықтары RUB 5.41
استانا:

استانا كينوتەاترلارىندا بالالارعا ارنالعان قايىرىمدىلىق كورسەتىلىمدەر ۇيىمداستىرىلادى

فوتو: astana.gov.kz

ەلدىڭ الەۋمەتتىك ساياساتىن جۇزەگە اسىرۋ، حالىق اراسىندا مەسەناتتىقتى ناسيحاتتاۋ، سونداي-اق مادەنيەتتى جوعارىلاتۋ مەن الەۋمەتتىك بەيىمدەندىرۋگە قولداۋ كورسەتۋ ماقساتىندا بۇگىن «sos بالالار اۋىلى» مەن «بالا اسىراپ الۋدى قولداۋ ورتالىعىنىڭ» 176 تاربيەلەنۋشىسى ٴۇشىن «مونسترى نا كانيكۋلاح 3» ٴمۋلتفيلمىنىڭ قايىرىمدىلىق كورسەتىلىمى ٴوتتى. شارا باستاماشىسى – استانا اكىمدىگى، ەلوردا كينوتەاترلارىنىڭ جەلىسى مەن «q-group» كومپانياسى، دەپ حابارلايدى baq.kz اقپارات اگەنتتىگى استانا اكىمدىگىنىڭ رەسمي سايتىنا سىلتەمە جاساپ.

استانادا «رۋحاني جاڭعىرۋ» باعدارلاماسىنىڭ اياسىندا العاش رەت «كەدەرگىسىز قازاقستان» جوباسى باستاۋ الدى. ونىڭ اياسىندا ەلوردا كينوتەاترلارىندا ٴبىر اي كولەمىندە ٴار سارسەنبى سايىن جەتىم بالالار، اتا-اناسىنىڭ قامقورلىعىنسىز قالعان جانە اۋتيزم اۋرۋىنا شالدىققان بالالار ٴۇشىن مۋلتفيلمدەردىڭ تەگىن كورسەتىلىمى ۇيىمداستىرىلاتىن بولادى. جوبانىڭ باستى ماقساتتارىنىڭ ٴبىرى – الەۋمەتتىك بەيىمدەۋگە قولداۋ كورسەتۋ.

«باستاۋىن بۇگىن العان جوبا استانا قالاسىنىڭ جاستارىن، اۋتيزمگە شالدىققان بالالاردى الەۋمەتتەندىرۋگە باعىتتالعان. ونىڭ ارقاسىندا بالالار وزدەرىنىڭ سۇيىكتى مۋلتفيلمدەرىن كينوتەاترلاردا تەگىن تاماشالاي الادى. وسىلايشا ٴبىز قوعام نازارىن اتا-اناسىنىڭ قامقورلىعىنسىز قالعان بالالاردىڭ تاعدىرىنا اۋدارتقىمىز، ولاردىڭ جاقسىلىققا دەگەن سەنىمىنە، قوعام تاراپىنان ماحابباتتى، قولداۋ مەن قامقورلىقتى سەزىنۋىنە مۇمكىندىك بەرگىمىز كەلەدى»، - دەدى قوعامدىق دامۋ ىستەرى باسقارماسىنىڭ باسشىسى دانيار ەسين.

ايتا كەتەيىك، قازىرگى تاڭدا استانا اكىمدىگى مەن «kinopark theatres» كينوتەاترلار جەلىلەرى اراسىندا ٴوزارا ىنتىماقتاستىق جونىندەگى مەموراندۋمدى بەكىتۋگە قاتىستى ماسەلە شەشىلىپ جاتىر. بۇل ٴوز كەزەگىندە مۋلتفيلمدەردىڭ قايىرىمدىلىق جانە ەرەكشە كۇتىمگە مۇقتاج بالالار ٴۇشىن بەيىمدەندىرىلگەن كورسەتىلىمىن تۇراقتى تۇردە ۇيىمداستىرۋعا مۇمكىندىك بەرەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي