BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

استانا قالاسىندا techstars startup week عالامدىق ستارتاپ اپتالىعى باستالدى

8-14 قازان ارالىعىندا استانا جانە الماتى قالالارىندا تۇڭعىش رەت techstars startup week ستارتاپ اپتالىعى وتەدى، دەپ حابارلايدى baq.kz ٴتىلشىسى.

جاس عالىمدار مەن تەحنولوگتارعا، كاسىپكەلەر مەن ەكونوميستەرگە ارنالعان ۇلكەن جوبا باستالدى. ستارتاپ اپتانىڭ اياسىندا 10 ٴتۇرلى الاڭدا 30-دان استام ٴىس-شارالار جوسپارلانعان. ٴاربىر باعىت بويىنشا وقىتۋ، نەتۆوركينگ، كونكۋرستار جانە باسقا دا ٴىس-شارالار جۇرگىزىلەتىن بولادى. عالامدىق ٴىس-شاراعا قاتىسۋشىلار پىكىرلەستەرىن، سەرىكتەستەرىن، دوستارىن تابۋعا جانە وزدەرى ٴۇشىن جاڭا ماعلۇمات الۋعا مۇمكىندىك بەرەدى.

جەتى كۇن ىشىندە قاتىسۋشىلار 7 باعىتتا ٴبىلىم الىپ، جۇمىس ىستەيتىن بولادى. ولار: قارجىلىق تەحنولوگيالار، ەكولوگيالىق جۇيە، كاسىپكەرلىك، كورپوراتيۆتىك يننوۆاسيالار، اقىلدى قالا، ايەلدەر كاسىپكەرلىگى جانە اقپاراتتى تەحنولوگيا.

«techstars» حالىقارالىق اكسەلەراتور اياسىندا جاھاندىق ٴىس-شارا كاسىپكەرلەردى، ونەر جانە مادەنيەت قايراتكەرلەرى، كوشباسشىلار مەن تالانتتى ادامداردى بىرىكتىرەدى. ستارتاپ اپتاسىنىڭ ماقساتى – بيزنەس وكىلدەرىنىڭ ٴوزارا ارەكەتتىگى ٴۇشىن جاڭا مۇمكىندىكتەر بەرۋ.

«بۇل ٴىس-شارانى قالا اكىمشىلىگى قولداپ وتىر. جوبا اياسىندا كەز-كەلگەن ادام ٴوز باعىن سىناۋعا بولادى. ولار 3-5 ادامنان 30 توپقا بولىنەدى. ولاردىڭ ىشىنەن فينالعا 10 توپ وتەدى. بارلىق قاتىسۋشىلارعا تاپسىرما بەرىلەدى، 48 ساعات ىشىندە جاۋابىن تاپقان 3 توپ ۇزدىك اتانادى. ۇزدىك اتالعان ويىنشىلار 1 000 000 تەڭگەنى تەڭ ٴبولىپ الادى. بۇدان تىس ەگەر ٴسىز ٴوز مۇمكىندىگىڭىزدى كورسەتە الساڭىز جۇمىسپەن، وقۋ گرانتىمەن، شەتەلگە شىعۋ مۇمكىندىگىن يەلەنۋىڭىزگە بولادى. وسى جەكسەنبى كۇنىسىزدەردى وسى ٴىس-شارا كۋاگەرى بولۋعا شاقىرامىن. ٴىس-شارالار ٴتىزىمىن ٴبىزدىڭ سايتتان الۋعا بولادى»،- دەيدى «استانا innovations» يننوۆاسيالىق ەكوجۇيەنى دامىتۋ ورتالىعىنىڭ باسشىسى قالدىبايەۆ نۇرسۇلتان

جوبا ۇيىمداستىرۋشىلارى: بيزنەس-ينكۋباتور most، تەحنولوگيالىق دامۋ جونىندەگى ۇلتتىق اگەنتتىك، astana nub حالىقارالىق تەحنوپارك، استانا قالاسىنىڭ اكىمدىگى، «استانا innovations» اق، beintech بيزنس-ينكۋباتورى جانە zhaina woman بكۇ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي