USD 334.31 EUR 355.17 RUB 5.31
استانا:

استانا ەڭ تازا قالا تىزىمىنە كىرمەي قالدى

كۇندەلىكتى كۇيبەڭ تىرشىلىكتەن قول بوساعان ۋاقىتتا تازا اۋامەن تىنىستاپ، ساياباقتا سەرۋەندەگەنگە نە جەتسىن. اسىرەسە، ٴبىر اپتانىڭ كەم دەگەندە بەس كۇنىن جۇمىستا وتكىزەتىن قالا تۇرعىندارى ٴۇشىن سەرۋەننىڭ ماڭىزى زور. الايدا، كوپ جاعدايدا ادامداردىڭ قالا كوشەلەرى مەن دەمالىس ورىندارىنداعى تازالىققا كوڭىلى تولماي جاتادى. ٴوندىرىس وشاقتارىنان اۋاعا تارايتىن زياندى زاتتار تاعى بار. جاقىندا olx سەرۆيسى جۇرگىزگەن زەرتتەۋ ناتيجەسىندە قازاقستاننىڭ ەڭ تازا جانە ەڭ لاس قالالارى انىقتالدى، دەپ حابارلايدى baq.kz.

«ٴمىنسىز قالا» جوباسى اياسىندا قازاقستاندىقتار اراسىندا ەڭ تازا قالانى انىقتاۋ ماقساتىندا ساۋالناما جۇرگىزىلدى. تۇرعىندار قالاداعى تازالىققا 1-دەن 7-گە دەيىنگى شكالا بويىنشا باعا بەرگەن. زەرتتەۋدە كوشەلەردەگى تازالىق پەن ٴتارتىپ، اۋانىڭ تازالىعى جانە كوممۋنالدىق قىزمەتتەردىڭ نازارعا الىندى. بۇل جولعى زەرتتەۋدىڭ وزگەلەردەن ٴبىر ايىرماشىلىعى – رەيتينگتە ساراپشىلاردىڭ ەمەس، قالا تۇرعىندارىنىڭ پىكىرى ەسكەرىلگەن.

ساۋالناماعا سايكەس، ەلىمىزدىڭ ەڭ ٴىرى 20 شاھارىنىڭ ىشىندە قوستاناي ەڭ تازا قالا اتاندى. جالپى رەيتينگتە ول 21 بالدىڭ 13،ٴ8-ىن جيناعان. اسىرەسە، قوستانايلىقتاردىڭ اۋانىڭ تازالىعىنا كوڭىلى تولادى ەكەن. كوممۋنالدىق قىزمەتتەردىڭ جۇمىسىن 3،7 بالعا باعالاعان. تازالىق جاعىنان ەكىنشى ورىن ەلدىڭ باتىسىندا ورىن تەپكەن ورال قالاسىنا بۇيىردى. جالپى ۇپاي – 13،7. ۇزدىك ۇشتىك قاتارىن 13،6 بالدىق كورسەتكىشپەن تالدىقورعان تۇيىقتاعان.

ٴبىر قىزىعى، ەلىمىزدىڭ باس قالاسى – استانا ۇزدىك بەستىككە دە كىرە المادى. ەلوردامىز كوكشەتاۋمەن بىرگە التىنشى ورىندى بولىسكەن. قوس قالانىڭ قورجىنىندا 13،1 بالدان بار. 13، 5 جانە 13،3 بالمەن شىمكەنت پەن پەتروپاۆل بۇلاردىڭ الدىن وراعان. ەڭ تازا 10 قالانىڭ ىشىنە تاراز (12،6)، اقتاۋ (11،9)، پاۆلودار (11،7) جانە رۋدنىي (11،6 بالل) كىرگەن.

تازالىقتىڭ جالپى رەيتينگىندە ەڭ تومەن بالل جيناعان قالالار قاتارىندا سەمەي (9،5) مەن تەمىرتاۋ (7،5) بار. قاراعاندى مەن وسكەمەن دە (ەكەۋىندە دە –9،6 بالدان) وزگەلەرمەن سالىستىرعاندا، ەداۋىر لاس بولىپ شىقتى.

ال ەل اراسىندا قازاقستاننىڭ وڭتۇستىك استاناسى اتانىپ كەتكەن الماتى ۇزدىك وندىققا ەنە المادى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي