BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

اسكەردەگى قىلمىستار 28% تومەندەتىلگەن

فوتو: prokuror.gov.kz

قازاقستاننىڭ قارۋلى كۇشتەرى سالاسىنداعى قىلمىستار سانى 28% ازايتىلدى. بۇل جونىندە قر باس پروكۋرورى قايرات قوجامجاروۆ باس پروكۋراتۋرانىڭ القا وتىرىسىندا مالىمدەدى، دەپ حابارلايدى baq.kz ٴتىلشىسى.

«باس پروكۋراتۋرانىڭ نارازىلىعى ناتيجەسىنە جوعارعى سوت 269 سوت ۇكىمىنە وزگەرىس ەنگىزدى. ناتيجەسىندە 12 ادام اقتالدى. بۇل 12 ازاماتتىڭ ۇشەۋى 1 جىلدان 7 جىلعا دەيىن اباقتىدا وتىرعاندار. سونداي-اق، 223 سوتتالعان ازاماتتىڭ جازاسى جەڭىلدەتىلدى»، - دەدى باس پروكۋرور.

سونداي-اق، قوجامجاروۆ ەلىمىزدە اسكەر قاتارىنداعى قىلمىستىڭ ازايعانى تۋرالى مالىمدەدى.

«پروكۋرورلار جۇرگىزگەن تەكسەرۋ ناتيجەسىندە قارۋلى كۇشتەردەگى قىلمىس سانى 28%، اكىمشىلىك قۇقىق بۇزۋشىلىقتار 45%، اسكەريلەردىڭ ٴولىمى 24%، جاراقاتتانۋ 16% تومەندەتىلدى. قاداعالاۋ اكتىلەرى ارقىلى وتەماقى، تۇرعىن ٴۇي جانە كوممۋنالدىق قامتاماسىز ەتۋگە قاتىستى 7 مىڭ اسكەري قىزمەتشىنىڭ الەۋمەتتىك قۇقىعى قالپىنا كەلتىرىلدى. بۇل باعىت ستراتەگيالىق ماڭىزدى بولىپ تابىلادى. سەبەبى، زاڭدىلىقتىڭ جاي-كۇيى مەملەكەتتىڭ اسكەري قاۋىپسىزدىگى مەن قورعانىسىنا بايلانىستى»، - دەدى ەلىمىزدىڭ باس پروكۋرورى.

القا وتىرىسىندا قوجامجاروۆ باس اسكەري پروكۋرور داستان سارتايەۆقا اسكەري مۇلىكتى ساتىپ الۋ بارىسىندا جىمقىرۋ فاكتىسىنە جول بەرمەۋگە، بەكىتىلمەگەن قارىم-قاتىناستاردى بولدىرماۋعا جانە ٴوز قاتارىندا ادىلدىكتى ساقتاۋعا قاتىستى ٴبىرقاتار تاپسىرما جۇكتەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي