BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

اشىق دەرەكتەر پورتالى ارقىلى ازاماتتار 2800 دەرەكتى ەركىن پايدالانا الادى

فوتو: Нұржас Жақсыбай

قر اقپارات جانە كوممۋنيكاسيالار ٴمينيسترى داۋرەن ابايەۆ حالىق الدىندا ەسەپ بەرۋ جيىنىندا «اشىق ۇكىمەت» جوباسىنا ەرەكشە نازار اۋداراتىنىن ايتتى، دەپ حابارلايدى baq.kz ٴتىلشىسى.

«اشىق دەرەكتەر پورتالى ارقىلى ەل ازاماتتارى 2800-گە جۋىق دەرەككە قول جەتكىزۋگە مۇمكىندىك الادى. الداعى ۋاقىتتا بۇل كورسەتكىش ارتا تۇسەدى. وسى پورتالدا 25000 نورماتيۆتىك قۇقىقتىق اكت پەن ٴدال سونداي كولەمدەگى بيۋدجەتتىك باعدارلامالاردىڭ جوبالارى ورنالاسادى. كەز كەلگەن ازامات مەملەكەتتىك ورگاندارىنىڭ ٴبىرىنشى جەتەكشىلەرىنىڭ بلوگپلاتفورماسى ارقىلى ٴوزىن قىزىقتىرعان سۇراقتارعا جاۋاپ تاۋىپ، اشىق ديالوگ پورتالى ارقىلى ينتەرنەت-كونفەرەنسيالارعا قاتىسا الادى. بۇل قۇرالداردىڭ بارلىعى ەل تۇرعىندارى مەن مەملەكەت اراسىنداعى كوپىردى نىعايتۋ ٴۇشىن قولعا الىنىپ وتىر»، - دەدى ول.

ول ەلىمىزدىڭ اقپاراتتىق نارىعىن ىنتالاندىرۋ ماقساتىندا قانداي يميدجدىك ٴىس-شارالار وتكىزىلىپ وتىرعانىن اتاپ ٴوتتى.

«بيىل تەلەۆيزياداعى جۋرناليستەر اياسىندا «تۇمار» بايقاۋى ەكىنشى رەت ٴوتتى. بۇل شارا قازاق تەلەۆيزياسىنىڭ 60 جىلدىعى اياسىندا ۇيىمداستىرىلدى. وسى جىلدىڭ ماۋسىم ايىندا، ياعني باق قىزمەتكەرلەرىنىڭ كاسىبي مەرەكەسى قارساڭىندا «ۇركەر» پرەمياسى سالتاناتتى تۇردە تابىستالادى. سونىمەن قاتار، قازاقستاندىق باق ٴۇشىن astana media week اپتاسىن وتكىزۋ داستۇرگە اينالدى. «رۋحاني جاڭعىرۋ» باعدارلاماسى اياسىندا مينيسترلىك «قازاقستاننىڭ 100 جاڭا ەسىمىن» جۇزەگە اسىرۋدا. اشىق داۋىس بەرۋ ناتيجەسىندە ٴوز ەڭبەكتەرىمەن ۇلكەن الەۋمەتتىك تابىسقا جەتكەن ەلىمىزدىڭ جاڭا ەسىمدەرى بەلگىلى بولدى. وتكەن جىلدىڭ 1 جەلتوقسانىندا ولار ەلباسىمەن كەزدەستى. «100 جاڭا ەسىمنىڭ» قوعامعا پايدالى جوبالارى مەملەكەتتىڭ قولداۋىنا يە بولاتىنىن اتاپ وتكىم كەلەدى»، - دەدى ابايەۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي