BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

اسانوۆ: سۋديالارداعى مەنمەندىك مەملەكەتتىك ماسەلەلەردى شەشۋگە كەدەرگى كەلتىرىپ وتىر 

فوتو: Нұржас Жақсыбай

بۇل جونىندە جوعارعى سوتتا سوت تورەلىگىن جۇزەگە اسىرۋدىڭ 2018 جىلدىڭ ٴبىرىنشى جارتىجىلدىعىنداعى جۇمىس قورىتىندىسى بويىنشا رەسپۋبليكا سۋديالارىنىڭ كەڭەيتىلگەن جيىن بارىسىندا قر جوعارعى سوتىنىڭ ٴتوراعاسى جاقىپ اسانوۆ مالىمدەدى، دەپ حابارلايدى baq.kz ٴتىلشىسى.

«ٴبىز پروكۋراتۋرانىڭ ايتقانىنا قۇلاق اسپايمىز. سوت جۇيەسى پروكۋراتۋرانى ەستىمەيدى. مەن باس پروكۋراتۋرانى ايتىپ تۇرمىن. باس پروكۋراتۋرا بۇل ٴىت-باعدارلامانى ازىرلەگەنىنە ەكى جىل بولدى. وتكەن جىلى-اق مۇنى نازارعا الۋ كەرەك ەدى. 550 نارازىلىق جوعارعى سوتپەن قاناعاتتاندىردى. مۇنداي ەشقاشان بولعان ەمەس. بۇل سوڭعى 8-9 جىلدا بولعان كورسەكتىكشە تەڭ. بۇل سوندا كوڭىل اۋدارارلىق دابىل ەمەس پە؟ جوعارعى سوتقا دايىن باعدارلامانى «سىيعا تارتىپ» وتىر. ال ٴبىز ەستىمەيمىز. نەگە؟ سەبەبى، مەنمەندىك بار. سەبەبى، ٴبىز بارلىعىنان جاقسى بىلەمىز، ٴبىزدى ۇيرەتۋدىڭ قاجەتى جوق دەپ سانايمىز. ٴدال وسى مەنمەندىك مەملەكەتتىك ماسەلەلەردى شەشۋگە كەدەرگى كەلتىرىپ وتىر. بۇل كەۋدەمسوقتىقتى جويمايىنشا، جۇمىستا ەشقانداي ىلگەرىلەۋشىلىك بولمايدى. وتكەن جىلى 550، وسى جىلى 200 نارازىلىق قاناعاتتاندىرىلدى. ەڭ جاقسى جىلداردىڭ وزىندە مۇنداي كورسەتكىش 40-تان اسپايتىن. ماسەلە سانىندا ەمەس. ماسەلە ٴار نارازىلىقتىڭ ارتىندا ادامدار، ولاردىڭ مۇددەلەرى تۇرعانىندا. سەبەبى، ٴبىز ول ادامداردىڭ ايتقانىن ەستىمەيمىز، سودان سوڭ ولار پروكۋراتۋراعا بارادى، ال ول جاقتان ٴبىز نارازىلىق الامىز»، - دەدى قر جوعارعى سوتىنىڭ ٴتوراعاسى جاقىپ اسانوۆ قر باس پروكۋرورىنىڭ ورىنباسارى مارات احمەتجانوۆتىڭ بايانداماسىن تىڭداعان سوڭ.

ەسكە سالا كەتسەك، مارات احمەتجانوۆ باس پروكۋراتۋرا سۋديالار مەن مەملەكەتتىك ايىپتاۋشىلاردىڭ جۇمىسىندا كومەكشى بولاتىن ارنايى جۇيە ازىرلەگەنىن مالىمدەگەن بولاتىن. جۇيە ەلدەگى كەي سۋديالاردىڭ ۇكىم شىعارۋداعى ورەسكەل قاتەلىكتەرىن انىقتاپ وتىر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي