BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

اسانوۆ: سوت جۇيەسىندەگى ەڭ ۇلكەن پروبلەما – بۇل ٴانومالدى جۇكتەمە

فوتو: Нұржас Жақсыбай

ٴانومالدى جۇكتەمە سوت جۇيەسىندەگى ەڭ ۇلكەن پروبلەماعا اينالىپ وتىر. بۇل جونىندە جوعارعى سوتتا سوت تورەلىگىن جۇزەگە اسىرۋدىڭ 2018 جىلدىڭ ٴبىرىنشى جارتىجىلدىعىنداعى جۇمىس قورىتىندىسى بويىنشا رەسپۋبليكا سۋديالارىنىڭ كەڭەيتىلگەن جيىنى بارىسىندا جوعارعى سوت ٴتوراعاسى جاقىپ اسانوۆ مالىمدەدى، دەپ حابارلايدى baq.kz ٴتىلشىسى.

«بۇگىنگى كۇنى سوت جۇيەسىندەگى ەڭ ۇلكەن پروبلەما – بۇل ٴانومالدى جۇكتەمە. مەن تاعى قايتالاپ ايتامىن، ٴانومالدى جۇكتەمە. ەڭ قىزىعى، جىل سايىن بىزدەرگە، سوت ورگاندارىنا باسقا مەملەكەتتىك ورگاندار ٴوز قىزمەتتەرىن تاپسىرىپ وتىر. بۇل وسىمەن نەشىنشى جىل جالعاسىپ وتىر. سول سياقتى، مەملەكەتتىك ورگانداردا قىزمەتتەرى قىسقارىپ جاتقانىمەن، شتاتتارى ٴباز-باياعى كۇيىندە قالۋدا. ال، سۋديالار سانى ارتپايدى، ٴبىراق، جۇمىس كولەمى ەسەلەپ ٴوسىپ وتىر. سوڭعى بەس جىل ىشىندە جۇمىس كولەمى 2 ەسە ارتقان. ىستەر مەن ماتەريالدار 1،4 ملن بولسا، ٴقازىر 2،7 ملن جەتىپ وتىر. بۇل دۇرىس ەمەس. مۇنداي ۇلكەن جۇكتەمە كەزىندە ٴبىز قالايشا جۇمىستىڭ ساپالى بولۋىن تالاپ ەتە الامىز؟ استانا مەن الماتىدا سۋديالار جىلارمان بولىپ وتىر. ولار كۇنىنە 15-20 سوت شەشىمىن شىعارىپ وتىرعاندارىن ايتۋدا. بۇل 2017 جىلعى كورسەتكىش. وسى جىلعى ٴوسىم 30 پروسەنتكە جەتتى. ەڭ الدىمەن، بۇل سۋديالاردا جانە سوتتاردا ٴادىل سوتتى ورىنداۋعا ەش قاتىسى جوق ارتىق جۇمىس كوپ. مەملەكەتكە دە، قوعامعا دا پايداسى جوق وسى ارتىق جۇمىستاردان سوتتاردى بوساتۋ ٴۇشىن نە جاساۋ كەرەك؟ ولاردى شەشۋ ٴۇشىن ٴبىز ٴبىرقاتار پيلوتتىق جوبالاردى جۇزەگە اسىرىپ وتىرمىز. سوت بيۋروكراتياسىنان باستايىق. استانا قالاسىنداعى سارىارقا اۋدانىندىق سوتىندا جۇمىس پروسەستەرىن وڭتايلى ەتىپ رەتكە كەلتىردىك»، - دەپ ٴبولىستى جاقىپوۆ.

ەسكە سالا كەتسەك، كەڭەيتىلگەن جيىن بارىسىندا جاقىپ اسانوۆ جوعارعى سوتتىڭ باس پروكۋراتۋرانىڭ ايتقانىنا قۇلاق اسپايتىنىن، سونىڭ سالدارىنان، نارازىلىقتار جولدانىپ وتىرعانىن ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي