BAQ.kz - Қазақстан жаңалықтары USD 342.49 BAQ.kz - Қазақстан жаңалықтары EUR 400.85 BAQ.kz - Қазақстан жаңалықтары RUB 5.51
استانا:

ارىستانبەك مۇحامەدي ۇلى «streetworkout» بايقاۋىن قورىتىندىلادى

تۇركىستان وبلىسىنىڭ تۇرعىنى جارتى ميلليون تەڭگەنى مادەنيەت جانە سپورت ٴمينيسترى ارىستانبەك مۇحامەدي ۇلىنىڭ قولىنان الدى. ازامات ساپار تۋرنيكتى ۇرشىقشا يىرەتىنىن كورسەتىپ، 500 مىڭ تەڭگەنى ۇتىپ الدى، دەپ حابارلايدى baq.kz اقپارات اگەنتتىگى.

استانى قالاسىنىڭ 20-جىلدىعىن مەرەكەلەۋ اياسىندا «ەتنواۋىل» ۇلتتىق-مادەني كەشەنىندە ٴساۋىر ايىنىڭ سوڭىندا مينيستر ارىستانبەك مۇحامەدي ۇلى باستاعان challenge street ٴworkoutتىڭ قورىتىندىسى شىعارىلدى. باس-اياعى بايقاۋعا ەلىمىزدىڭ ٴتۇرلى وڭىرلەرىنەن 167 ٴوتىنىم ٴتۇستى. سونىمەن قاتار، اقش، قىتاي مەملەكەتتەرىنەن دە قاتىسۋشىلار بەلسەندىلىك تانىتتى.

قازىلار القاسىنىڭ پىكىرىنشە، بەينەجازبالاردىڭ اۆتورلارى چەللەندجگە اسا جاۋاپكەرشىلىكپەن قاراعان. 167 ٴوتىنىمنىڭ 126-سى قازىلار القاسىنىڭ قاراۋىنان ٴوتتى، الماتى، استانا، تالدىقورعان، قاراعاندى وبلىسىنان ەڭ كوپ ٴوتىنىم كەلىپ تۇسكەن.

قاتىسۋشىلار اراسىندا ەلىمىزگە تانىمال سەرىك ساپيەۆ، ٴادىل احمەتوۆ، قايرات نۇرتاس، دەنيس تەن، گاليب دجافاروۆ، قانات يسلام، جاقسىلىق ۇشكەمپىروۆ، يۋريي مەلنيچەنكو، نۇرباقىت تەڭىزبايەۆ، اسەت يمانبايەۆ، ارداق نازاروۆ، ٴمولدىر اۋەلبەكوۆا، مەلومەن توبى جانە باسقا دا سپورت جانە ونەر قايراتكەرلەرى بار.

ٴوتىنىمدى ٴتىپتى ۇجىم بولىپ جىبەرگەندەر بار، ولاردىڭ اراسىندا ۇلتتىق شتاتتىق كوماندالار رەزەرۆى ديرەكسياسى، جاركەنت اراسان ٴساناتوريى، اقتوبە وبلىسىنىڭ سپورت جانە دەنە شىنىقتىرۋ باسقارماسى، ۇكىمەت وكىلدەرى – ماڭعىستاۋ وبلىسىنىڭ اكىمى ەرالى توعجانوۆ، الماتى وبلىسى اكىمىنىڭ ورىنباسارى جاقسىلىق ومار دا قاتىسقان.

ارىستانبەك مۇحامەدي ۇلى اتالعان چەللەندجدىڭ سالاۋاتتى ٴومىر سالتىن قالىپتاستىرۋدا ماڭىزدىلىعىن اتاپ ٴوتتى.

«وسى چەللەندجدىڭ قاتىسۋشىلارىنا العىس بىلدىرەمىن. بۇل ٴبىزدىڭ سوڭعى اكسيامىز ەمەس، ٴبىز بۇدان ٴارى دە مۇنداي شارالاردى جالعاستىرامىز. ٴبىز جاقىن ارادا اقتاۋ قالاسىندا سپورت الاڭىن سالامىز»، - دەدى ارىستانبەك مۇحامەدي ۇلى.

ەڭ ۇزدىك روليكتىڭ اۆتورى اقتاۋلىق ەلدار ياگيايەۆ. ول 10 مىڭ داۋىس جينادى. ەندى ونىڭ قالاسىندا كاسىبي كوشە الاڭى پايدا بولادى.

اقتوبە قالاسىنىڭ تۇرعىنى، 8 جاستاعى رەكوردشى مۇسا تۋركۋمبايەۆتا ىنتالاندىرۋ سىيلىعىنا يە بولدى. الماتىلىق سايات دۇيسەنبى دە نازاردان تىس قالمادى. قوستاناي قالاسىنىڭ ٴىىم اكادەمياسى «ۇزدىك كوماندالىق بەينەجازبا» اتالىمىندا ۇزدىك شىقتى، «ۇزدىك موتيۆاسيالىق بەينەجازبا» تولاعاي شىنبولاتوۆتىڭ ەنشىسىندە، ال ۇلتتىق شتاتتىق كوماندالار رەزەرۆىنىڭ بەينەجازباسى «ەڭ ساپالى ۆيدەو» اتالىمىندا ۇزدىك اتاندى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي