BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

التايەۆ: ەلەكتروندى ەڭبەك بيرجاسىنىڭ كومەگىمەن 112 مىڭ ادام جۇمىسقا ورنالاستى 

2018 جىلدىڭ باسىنان ەلەكتروندى ەڭبەك بيرجاسى ارقىلى 112 مىڭ ادام جۇمىس تاپتى. بۇل تۋرالى وكق-دە وتكەن بريفينگتە قر ەڭبەك جانە حالىقتى الەۋمەتتىك قورعاۋ ۆيسە-مينيسترى نۇرجان التايەۆ مالىمدەدى، دەپ حابارلايدى baq.kz ٴتىلشىسى.

«ەڭبەك جانە حالىقتى الەۋمەتتىك قورعاۋ مينيسترلىگىنىڭ باستاماسىمەن ەلەكتروندى ەڭبەك بيرجاسى www.enbek.kz اتتى جۇمىسقا ورنالاسۋدىڭ ٴبىرىڭعاي سيفرلى الاڭى ىسكە قوسىلدى. بۇل الاڭ – وتە قولايلى. سەبەبى، اتالعان بيرجانىڭ مۇمكىندىگىن جۇمىس بەرۋشى كاسىپورىندار، جۇمىس ىزدەۋشى ازاماتتار جانە جەكە اگەنتتىكتەر پايدالانادى. جىل باسىنان بەرى 35 مىڭنان استام بوس جۇمىس ورنى وسى پورتالدا ورنالاستىرىلعان. 70 مىڭ قازاقستاندىق ازامات ٴوز رەزيۋمەلەرىن ەلەكتروندى بيرجاعا ەنگىزدى. بيىل 112 مىڭ ازامات وسى ەلەكتروندى ەڭبەك بيرجاسىنىڭ كومەگىمەن جۇمىسقا ورنالاستى»، - دەدى ۆيسە-مينيستر.

ونىڭ ايتۋىنشا، بۇگىندە ەلەكتروندى ەڭبەك بيرجاسىنا 5 ينتەرنەت پورتال قوسىلىپتى.

«سونىمەن قاتار استانا، الماتى قالالارى مەن باسقا وبلىس ورتالىقتارىنداعى «ينفومەديا»، «رابوتا دليا ۆسەح»، «بيرجا ترۋدا»، «ترۋدوۋسترويستۆو ۋچەنيە» سىندى گازەتتەر مەن انىقتاما قىزمەتتەرى اتالعان ەلەكتروندى ەڭبەك بيرجاسى ارقىلى جۇمىس ىزدەپ وتىر. بۇگىندە ەلەكتروندى ەڭبەك بيرجاسىنا ايىنا 141 مىڭ ادام كىرىپ، بوس جۇمىس ورىندارىن قارايدى. جالپى جىل باسىنان بەرى بيرجاعا 2،5 ملن ادام كىرگەن»، - دەپ تۇيىندەدى ٴسوزىن ۆيسە-مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي