BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

الماتىدا ٴۇش جىل ىشىندە 1300-دەن استام اۋلا جوندەلدى

الماتى اكىمى باۋىرجان بايبەك كۇن سايىنعى جۇمىس ساپارى بارىسىندا قالا اۋلالارىن رەكونسترۋكسيالاۋ قارقىنىن تەكسەردى. ەگەر مەگاپوليستە 2016 جىلى 300 اۋلا كورىكتەندىرىلسە، 2017 جىلى 400-تەن استام اۋلا جوندەلدى، ال بيىلعى جىلى 600-دەن استام اۋلا كۇردەلى جوندەۋدەن وتۋدە. سوڭعى ٴۇش جىلدا 3787 الماتىلىق اۋلانىڭ ٴ1338-ى اباتتاندىرىلدى، دەپ حابارلايدى baq.kz اقپارات اگەنتتىگى الماتى قالاسى اكىمدىگىنىڭ ٴباسپاسوز قىزمەتىنە سىلتەمە جاساپ.

اۋلالاردا جاڭا سپورت جانە بالالار الاڭدارى جاسالۋدا، بالدىرعانداردىڭ سپورتپەن شۇعىلدانۋى ٴۇشىن ترەناجەرلەر، ويىن كەشەندەرى ورناتىلۋدا. اسفالتتى جانە رەزينكالى ەدەندەر قايتا جاسالىپ، ورىندىقتار، ۋرنالار مەن مافتار قويىلۋدا، جاسىل جەلەك كوبەيۋدە.

«ٴقاۋىپسىز قالا» باعىتىندا جاڭا جارىق كوزدەرى ورناتىلۋدا. كەيبىر اۋلالاردا پيلوتتى رەجيمدە جارىق كوزدەرى كۇن ەنەرگياسىمەن جۇمىس ىستەۋدە. بولاشاقتا وزگە اۋلالاردى جوندەۋ بارىسىندا ونى كەڭىنەن قولدانۋ مۇمكىندىگى قاراستىرىلۋدا.

قالا باسشىسى جۇمىس ساپارى كەزىندە «وربيتا-1» ىقشام اۋدانىنداعى №16، 17، 18، 19، 2، 21 ۇيلەر تۇرعىندارىمەن كەزدەستى، مۇندا جاڭا حوككەي، فۋتبول الاڭدارى پايدا بولعان، كەدەرگىسىز ينكليۋزيۆتى ويىن الاڭى جاسالعان.

«ٴبىز اۋلالاردى كوپ جوندەگەن سايىن نەگە ٴبىزدىڭ اۋلامىزدى جوندەمەيسىزدەر دەگەن وتىنىمدەر ٴجيى تۇسۋدە. مەن ٴاربىر الماتىلىق اۋلانىڭ جوندەۋدەن وتەتىنىنە ۋادە بەرەمىن. ول ٴۇشىن ٴبىز بولەك باعدارلاما قابىلدادىق جانە ٴۇش جىل ىشىندە 700 مىڭ ادامدى قامتىعان اۋلالاردىڭ 35%-ىن جاڭارتتىق. ٴبىز ٴۇشىن بۇل ماڭىزدى، قالالىقتار ٴۇشىن قاۋىپسىزدىك پەن جايلىلىق. ٴبىزدىڭ اۋلالارىمىز جارىق كوزدەرى، سپورت جانە بالالار الاڭدارى بار تارتىمدى اۋلا بولۋى ٴتيىس، مۇندا بالالار سپورتپەن شۇعىلدانىپ، اشىق اسپان استىندا ويناي الادى»، - دەپ اتاپ ٴوتتى باۋىرجان بايبەك.

بۇلاردان وزگە، جىل اياعىنا دەيىن تۇك مودەرنيزاسيالاۋ اياسىندا تاعىدا 174 ٴۇيدىڭ سىرتى، شاتىرى، پودەزدەرى جوندەلەدى، 226 ليفت اۋىستىرىلادى.

جالپى، الماتىدا سوڭعى ٴۇش جىل ىشىندە ۇزىندىعى 500 كم بولاتىن 524 كوشە جوندەلدى. تەك سوڭعى جىلى عانا 800 كم ينجەنەرلىك جەلىلەر سالىندى جانە قايتا جاسالدى.

قالانىڭ تاريحي ورتالىعىن جاڭعىرتۋ جالعاسۋدا. ەگەر وتكەن جىلى پانفيلوۆ، جىبەك جولى، گوگول، قابانباي باتىر، تولەبايەۆ، بايسەيىتوۆا كوشەلەرى مەن «استانا» الاڭى قايتا جاسالسا، بيىلعى جىلى اباي، ابىلاي حان، دوستىق، نازاربايەۆ، جەلتوقسان داڭعىلدارى، «الماتى 2» تەمىرجول ۆوكزالىنىڭ الاڭى جانە رەسپۋبليكا سارايىنىڭ الدى جاڭارۋ ۇستىندە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي