BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

الماتىدا تۇركى الەمىنىڭ زەرتتەۋلەرىنە ارنالعان حالىقارالىق سيمپوزيۋم وتەدى

فوتو: newsroom.kz

11 قازان كۇنى وتەتىن بۇل شاراعا تۇركيا، قازاقستان، ٴازىربايجان، قىرعىزستان، وزبەكستان، تاتارستان مەن باشقۇرتستاننان 300-دەن استام عالىم مەن ساراپشى قاتىسادى، دەپ حابارلايدى baq.kz اقپارات اگەنتتىگى.

قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ وكىلى جاندار اساننىڭ ايتۋىنشا، سيمپوزيۋم ٴتۇبى ٴبىر تۇركى حالىقتارىنىڭ ٴوزارا ىنتىماقتاستىعىنىڭ نىعايۋىن، الەمدە بەيبىتشىلىك پەن تىنىشتىقتىڭ قامتاماسىز ەتىلۋىن كوزدەيدى.

«سيمپوزيۋمنىڭ باستى ماقساتى – الەمدەگى عىلىم، ٴبىلىم سالاسىندا تۇركى الەمىنە قاتىستى زەرتتەۋ جاساپ جۇرگەن عالىمداردىڭ باسىن قوسىپ، عىلىمي باعىتتا پىكىر الماسۋدى قامتاماسىز ەتۋ، جاڭا عىلىمي زەرتتەۋلەرگە جول اشىپ، تۇركى الەمى ادەبيەتى مەن مادەنيەتىنىڭ كەڭەيۋىنە ىقپال جاساۋ»، – دەيدى جاندار اسان.

جيىندا عالىمدار پەداگوگيكا، ٴتىل، ادەبيەت، تاريح، مادەنيەت، ونەر، حالىقارالىق قاتىناستار، ەكونوميكا، فيلوسوفيا، الەۋمەتتانۋ، گەندەرلىك ت.ب. ماسەلەلەر جايىندا جانە جاراتىلىستانۋ عىلىمدارى سالاسىندا پىكىر الماسىپ، بولاشاقتا تۇركى الەمىندە ورتاق عىلىمي جوبالاردى جۇزەگە اسىرۋ تۋراسىندا ۋاعدالاسپاق.

القالى جيىن «جاھاندىق باسەكەگە قابىلەتتى فيلولوگ مامان دايارلاۋدىڭ قازاقستاندىق جانە الەمدىك تاجىريبەسى»، «رۋحاني جاڭعىرۋ: ادەبيەت ارقىلى ۇلتتىق سانانى كەمەلدەندىرۋ»، «جاھاندىق ٴبىلىم بەرۋ جۇيەسى: الەۋمەتتىك-گۋمانيتارلىق پاندەردى جاڭاشا وقىتۋ ادىستەمەسى»، «لاتىن گرافيكاسى: تاريحى، تەورياسى جانە وقىتۋ ادىستەمەسى»، «تۇركى قاۋىمى: تاريحى مەن مادەنيەتى»، «قازىرگى زامانداعى ٴبىلىم بەرۋ ٴۇردىسىنىڭ ۇلتتىق جانە حالىقارالىق دامۋ تەندەنسياسى» جانە «تۇركى تىلدەس مەملەكەتتەردەگى گەندەرلىك ٴبىلىم بەرۋدىڭ وزەكتى ماسەلەلەرى» باعىتتارى بويىنشا وتكىزىلمەك. سيمپوزيۋمنىڭ رەسمي ٴتىلى – تۇركى تىلدەرى.

جيىنعا قر ٴبىلىم جانە عىلىم مينيسترلىگىنىڭ وكىلدەرى، حالىقارالىق تۇركى اكادەمياسىنىڭ پرەزيدەنتى دارحان ٴقىدىرالى، قازاقستانداعى تۇركيا رەسپۋبليكاسىنىڭ باس كونسۋلى كاگان يلماز، ومەر حاليسدەمير ۋنيۆەرسيتەتىنىڭ رەكتورى مۋحسين كارمەن، باكۋ ەۋرازيا ۋنيۆەرسيتەتىنىڭ رەكتورى نازىم حيۋسەينل، شەتەلدىك جانە وتاندىق جوعارى وقۋ ورىندارى مەن عىلىمي ورتالىقتاردىڭ وكىلدەرى قاتىسادى.

ايتا كەتەيىك، تۇركيانىڭ نييدە ومەر حاليسدەمير ۋنيۆەرسيتەتى، قازاق مەملەكەتتىك قىزدار پەداگوگيكالىق ۋنيۆەرسيتەتى، باكۋ ەۋرازيا ۋنيۆەرسيتەتى جانە م. اكمۋللا باشقۇرت مەملەكەتتىك پەداگوگيكالىق ۋنيۆەرسيتەتىنىڭ ۇيىتقى بولۋىمەن حالىقارالىق تۇركى الەمى زەرتتەۋلەرى سيمپوزيۋمى العاش رەت تۇركيانىڭ ومەر حاليسدەمير ۋنيۆەرسيتەتىندە 2014 جىلدىڭ 18-21 ناۋرىز كۇندەرى ارالىعىندا وتكەن بولاتىن. سونىمەن قاتار، شارا اياسىندا اتالعان جوعارى وقۋ ورىندارىنىڭ ستۋدەنتتەرىنىڭ قاتىسۋىمەن «ٴتۇبىمىز ٴبىر تۇرىكپىز» فەستيۆالى دا تۇراقتى تۇردە ۇيىمداستىرىلىپ كەلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي