BAQ.kz - Қазақстан жаңалықтары USD 372.49 BAQ.kz - Қазақстан жаңалықтары EUR 424.15 BAQ.kz - Қазақстан жаңалықтары RUB 5.54
استانا:

الماتىدا شەرحان مۇرتازامەن قوشتاسۋ ٴراسىمى وتەدى

الماتىدا حالىق جازۋشىسى، قوعام قايراتكەرى شەرحان مۇرتازامەن قوشتاسۋ ٴراسىمى وتەدى. بۇل تۋرالى الماتى قالالىق اكىمدىكتىڭ ىشكى ساياسات باسقارماسىنداعىلار حابارلادى، دەپ جازادى tengrinews.kz.

قازاقستاندىق جازۋشىمەن قوشتاسۋ ٴراسىمى ەرتەڭ، 11 قازاندا مۇحتار اۋەزوۆ اتىنداعى اتىنداعى قازاق مەملەكەتتىك اكادەميالىق دراما تەاترىندا ساعات 10.00-دە وتەدى. شەرحان مۇرتازا 86 جاستا بولعان ەدى.

شەرحان مۇرتازا 1932 جىلى 28 قىركۇيەكتە جامبىل وبلىسى جۋالى اۋدانى مىڭبۇلاق اۋىلىندا دۇنيەگە كەلگەن. 1955 جىلى م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىن ٴتامامداعان.

«لەنينشىل جاس» (قازىرگى «جاس الاش») گازەتىنىڭ، «سوسياليستىك قازاقستان» (قازىرگى «ەگەمەن قازاقستان») گازەتىنىڭ ٴتىلشىسى، ادەبي قىزمەتكەرى بولدى. 1963-1970 جىلدارى «لەنينشىل جاس» گازەتىنىڭ رەداكتورى.

سودان كەيىنگى ۋاقىتتا «جازۋشى» باسپاسىنىڭ، «جالىن» الماناحىنىڭ، «جۇلدىز» جۋرنالىنىڭ باس رەداكتورى، قازاقستان جازۋشىلار وداعى باسقارماسىنىڭ ەكىنشى حاتشىسى، «قازاق ادەبيەتى» گازەتىنىڭ باس رەداكتورى ٴارى قازاقستان جازۋشىلار وداعى باسقارماسىنىڭ حاتشىسى.

1989-1992 جىلدارى «ەگەمەن قازاقستان» گازەتىنىڭ باس رەداكتورى، 1992–1994 جىلدارى قازاقستان رەسپۋبليكاسى مەملەكەتتىك تەلەراديو كومپانياسىنىڭ ٴتوراعاسى بولىپ ىستەدى. قر پارلامەنتىنىڭ ٴماجىلىس دەپۋتاتى بولعان.

جازۋشىنىڭ ٴار جىلدارى «تابىلعان تەڭىز» (1963)، "بەلگىسىز سولداتتىڭ بالاسى" (1969)، «احمەتجاننىڭ انتى» (1973)، «مىلتىقسىز مايدان» (1977) پوۆەستەرى، «41-جىلعى كەلىنشەك» (1972)، "ينتەرنات نانى" (1974) اڭگىمەلەرى، «قارا مارجان» (1977)، بەس كىتاپتان تۇراتىن «قىزىل جەبە»، «اي مەن ايشا» (1999) روماندارى، شىعارمالارىنىڭ ٴتورت تومدىعى (1990-2000)، شىعارمالارىنىڭ 6 تومدىعى، تاڭدامالى شىعارمالارىنىڭ 7 تومدىعى، «ەلىم، ساعان ايتام، ەلباسى، سەن دە تىڭدا» (ك. سمايىلوۆپەن بىرگە) (1998)، «ٴبىر كەم دۇنيە» (2008) كىتاپتارى جارىق كورگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي