USD 335.71 EUR 357.36 RUB 5.23
استانا:

الماتىدا پوليسەيلەرگە شابۋىل جاساعان لاڭكەسكە قاتىستى سوت تىڭداۋى باستالدى

بۇگىن الماتىداعى تەرگەۋ اباقتىسىندا رۋسلان كۇلىكبايەۆتىڭ ىسىنە قاتىستى سوت تىڭداۋى ٴوتىپ جاتىر، دەپ حابارلادى قازاقپارات ٴتىلشىسى.

كۇلىكبايەۆ بىرنەشە قانقۇيلى توناۋ جانە قاراقشىلىق ارەكەتتەرگە قاتىستى بولىپ وتىر. تەرگەۋ توبى 57 سوت ساراپتاماسى مەن زەرتتەۋلەر جۇرگىزدى جانە بولعان وقيعانىڭ بارلىق جايتتەرىن انىقتاۋ ماقساتىندا 200-دەن استام كۋاگەرلەر مەن وقيعانى كورگەن ادامداردى تەرگەدى. 2016 جىلدىڭ 12 قازانىندا 61 تومنان تۇراتىن قىلمىستىق ٴىستىڭ ماتەريالدارىن زەرتتەۋ ناتيجەسى بويىنشا، سوتقا كۇلەكبايەۆ پەن وزگە دە ازاماتتار جولداندى. ر.كۇلەكبايەۆقا ناتيجەسى 8 قۇقىق قورعاۋ جانە ارنايى ورگانداردىڭ قىزمەتكەرلەرىنىڭ جانە 2 بەيبىت تۇرعىننىڭ ولىمىنە الىپ كەلگەن تەرروريستىك اكت جاسادى دەگەن ايىپ تاعىلدى. سونىمەن قاتار ول 3 بەيىبىت تۇرعىندى ولتىرمەك بولدى دەپ ايىپتالىپ وتىر.

ناقتىراق ايتقاندا، ايىپتالۋشىعا قاتىستى قر قىلمىستىق كودەكسىنىڭ (قر قك) 255-بابى 4-تارماعى (لاڭكەستىك اكت)، 99-بابى 2-تارماعى (ەكى نەمەسە ودان دا كوپ ادامدى ٴولتىرۋ)، 24-بابىنىڭ 3-تارماعى (ٴولتىرۋ ٴۇشىن شابۋىل جاساۋ)، 192-باپ 4-تارماق (توپ ادامعا قاراقشىلىق شابۋىل)، 287-باپ 4-تارماق (زاڭسىز قارۋ تاسىمالداۋ)، 288-باپ 2-تارماق (قارۋدى زاڭسىز جاساۋ)، 291-باپ 4-تارماق (قارۋ ۇرلاۋ)، 200-باپ 4-تارماق (كولىك ۇرلاۋ)، 126-باپ 2-تارماق (ادامدى زاڭسىز باس بوستاندىعىنان ايىرۋ) بويىنشا قىلمىستىق ٴىس قوزعالعان.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي