BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

الماتىدا كولىك رەفورماسى اياسىندا تاعى 500-دەن استام جاڭا اۆتوبۋس ساتىپ الىنادى

الماتى اكىمى باۋىرجان بايبەك جۇمىس ساپارى بارىسىندا جاڭا №19 باعىتى بويىنشا جولعا شىققان جاڭا اۆتوبۋستاردى كوردى، دەپ حابارلايدى baq.kz اقپارات اگەنتتىگى.

قالا تۇرعىندارىنىڭ ٴوتىنىمى بويىنشا اشىلعان جاڭا باعىت جاروكوۆ، روزىباكيەۆ، رىسقۇلوۆ سياقتى ماگيسترالدى كوشەلەردى جانە «قازاحفيلم»، «العاباس» ەلدى مەكەندەرىن قامتيدى. بۇلارعا 20 تومەن ەدەندى سىيىمدىلىعى ۇلكەن اۆتوبۋستار قىزمەت كورسەتەدى، قوزعالىس ينتەرۆالى 6-7 مينۋت.

جالپى، كولىك رەفورماسىنىڭ كەزەڭ ارالىق قورىتىندىسى سوڭعى ەكى جىل ىشىندە قالانىڭ باعىت جەلىلەرىنە 500 جاڭا اۆتوبۋستىڭ شىعارىلعانىن كورسەتتى. كولىكتى جاڭارتۋدىڭ ارقاسىندا 18 باعىت بويىنشا اۆتوبۋستاردىڭ قوزعالىس ينتەرۆالى 3 ەسە قىسقارىپ، 9 مينۋت بولىپ، جولاۋشىلاردىڭ كۇندەلىكتى لەگى ورتاشا 46%-عا ارتقان. بۇلاردان وزگە، 14 جاڭا باعىت جاسالدى ٴارى اشىلدى. قالالىق اۆتوپاركتەگى قولدانىلعانى 3 جىلعا دەيىنگى اۆتوبۋستار ۇلەسى ٴقازىردىڭ وزىندە 44 %-دى قۇرايدى.

الماتى اكىمى باۋىرجان بايبەك وسەر ستاندارتتارىنا ساي جولاۋشىلار كولىگىن تۇراقتى قالىپتاستىرۋ ٴۇشىن قالانىڭ اۆتوبۋس پاركىن جاڭارتۋ جانە كەڭەيتۋ قاجەتتىگىن اتاپ ٴوتتى.

بيىلعى جىلى «الماتىەلەكتروترانس» جشس ۇنەمدەلگەن قاردى جانە الىنعان پايدا ەسەبىنەن لياز جانە iveco ماركالى 199 اۆتوبۋس الۋدى جوسپارلاعان. «green bus company» جشس گازبەن جۇرەتىن 200 اۆتوبۋس الاتىن بولادى. تەك تاسىمالداۋشىلار تاعى دا 131 اۆتوبۋس ساتىپ الۋدى قاراستىرعان. وسىلايشا، 2018 جىلى الماتىنىڭ اۆتوبۋس پاركى تاعى دا 30%-عا جاڭارادى.

بۇلاردان وزگە قالادا مەترو جەلىسى جانە ونىڭ ەكى بەكەتى سالىنۋدا، brt جانە lrt جوبالارىن جۇزەگە اسىرۋ قولعا الىنۋدا. جىل اياعىنا دەيىن قازاقستاندىق - نەمىس كومپانياسى ٴۇشىنشى كەزەڭدەگى ەلەكترواۆتوبۋستار شىعاراتىن زاۋىتتىڭ قۇرىلىسىن باستايدى.

ايتا كەتەرلىگى، الماتىدا №12، 22، 50، 56، 57، 65، 69، 70، 86، 95، 103، 112، 115، 124، 126، 127، 131، 137 باعىتتارى بويىنشا جاڭا اۆتوبۋستار جولعا شىعىپ، №77 جانە № 98 باعىتتارى قايتا جاڭارىپ، №1 باعىت پەن №201 ماگيسترالدى باعىتى اشىلعان ەدى. كورشى وبلىستان قالاعا قوسىلعان ەلدى مەكەندەردى كولىكپەن تولىق قامتۋ ٴۇشىن 10 باعىت اشىلعان بولاتىن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي