BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

الماتىدا كىتاپحانا ٴتۇنى شاراسى وتەدى

قازاننىڭ 12 كۇنى الماتىدا س.بەگالين اتىنداعى ورتالىق قالالىق بالالار كىتاپحاناسىندا «كىتاپتار سيقىرى» اتتى كىتاپحانا ٴتۇنى بولادى، دەپ حابارلايدى baq.kz اقپارات اگەنتتىگى.

اتالعان شارا «رۋحاني جاڭعىرۋ» باعدارلاماسى اياسىندا ۇلتتىق ۆاليۋتامىزدىڭ 25 جىلدىعى جانە الماتى قالاسى كىتاپحاناشىلارىنىڭ كۇنىنە وراي ۇيىمداستىرىلىپ وتىر.

كىتاپحاناداعىلار بۇل ٴىس-شارانىڭ بيىل ون ٴۇشىنشى رەت وتكىزىلەتىندىگىن جانە جىل سايىن «ٴتۇن» تاقىرىبى جاس وقىرماندارعا قىزىقتى بولۋىن قاراستىراتىندىقتارىن جەتكىزدى. ايتۋلارىنشا، بيىلعى جىلى بالالار قىزىقتى ەرتەگىلەر ەلىنە ساياحات جاسايدى.

«2018 جىلدىڭ 12 قازاننان 13-نە قاراعان ٴتۇنى وقىرماندار مەن قوناقتاردى كىتاپحانا بۇرىشتارىندا قيلى وقيعالى ساياحات، توسىن سىيلار مەن قىزىقتى ولجالار كۇتىپ تۇر. ساياحاتشىلار سيقىرشىنىڭ ۇڭگىرىندە بولىپ، قازىنا ىزدەۋگە شىعادى. ىزدەۋ بارىسىندا سيقىرلى اقشالى بانككە تاپ بولادى. سوڭىندا كىتاپحانا كۆەستىندە بالالار قۇپيالى ارالدا زەرتتەۋ جۇمىستارىن جۇرگىزەدى. ماگيالى جانە سيقىرلى ەرتەگىلەرگە ساياحات باستالاردا قاتىسۋشىلار 4 كومانداعا بولىنەدى. ولار شارا سوڭىندا ٴار بەكەتتىڭ بەرگەن تاپسىرمالارىنىڭ ٴبارىن ورىنداپ، وزدەرىنىڭ قىزىقتى دا، كرەاتيۆتى ساياحاتتارىن اڭگىمەلەيدى»، - دەيدى ۇيىمداستىرۋشىلار.

ەسكەرتە كەتەيىك، «كىتاپحاناداعى ٴتۇن» ٴىس-شاراسىنا قاتىسۋ تەك شاقىرۋ بيلەتىمەن كىرگىزىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي