BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

الماتىدا ٴىرى ەسىرتكى ديلەرى ۇستالدى

فوتو: Басқарманың баспасөз қызметі

استانا، baq.kz. الماتى قالاسى پوليسيا دەپارتامەنتىنىڭ ەسىرتكى ساۋداسىنا قارسى كۇرەس جونىندەگى باسقارماسىنىڭ قىزمەتكەرلەرى شۇعىل-ىزدەۋ شارالارى بارىسىندا م. ەسىمدى ازاماتتى ۇستادى. ونىڭ ۇيىنەن جارتى كەلىگە جۋىق ەسىرتكى زاتى تابىلدى.

«شۇعىل اقپاراتقا سۇيەنسەك، 1980 جىلى دۇنيەگە كەلگەن م. ەسىمدى ازامات ۇيىندە «گەروين» ساتقان. ول ۇيدە اكەسىمەن بىرگە تۇرادى. ارنايى جانە شۇعىل شارالار اياسىندا كۇدىكتىنىڭ ىسكە قاتىسىن قۇجات جۇزىندە تولتىرۋ مۇمكىن بولمادى. ٴبىراق بىرنەشە كۇن وتكەن سوڭ فيگۋرانت ۇستالدى. الماتىنىڭ تۇركسىب اۋدانىندا ورنالاسقان ۇيىنە ارنايى يتپەن سانكسيالىق ٴتىنتۋ جاسالدى. سول كەزدە 300 گرامعا جۋىق سۇر ٴتۇستى ۇنتاق ٴتارىزدى جانە وسىمدىك ٴتارىزدى 200 گرامم زات تاركىلەندى. سوت-حيميالىق ساراپتاما بۇل زاتتارلى گەروين جانە ماريحۋانا دەپ تانىدى. م. ەسىمدى ازامات ونى ادەيى جاسىرعان»، - دەپ مالىمدەدى باسقارما باستىعىنىڭ مىندەتىن اتقارۋشى ەرلان الماعامبەتوۆ.

شۇعىل بولىمشەنىڭ دەرەكتەرىنە سۇيەنسەك، كۇدىكتىدەن ولىمگە اكەپ سوعاتىن ىشىمدىكتىڭ 1 395 دوزاسى تاركىلەندى.

«38 جاستاعى م. بۇعان دەيىن ەسىرتكى زاتىن ساقتاعانى ٴۇشىن قىلمىستىق جاۋاپقا تارتىلعان. «ەسىرتكىگە تاۋەلدى» رەتىندە ەسەپتە تۇر. ٴقازىر اتالعان فاكتى بويىنشا قىلمىستىق كودەكستىڭ 3-بولىگى 297-بابىنا سايكەس سوتقا دەيىنگى تەرگەۋ ٴجۇرىپ جاتىر»، - دەپ قورىتىندىلادى الماعامبەتوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي