BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

الماتىدا ەڭ ۇزىن قۇراق كورپە تىگىلەدى

فوتو: El.kz

الماتىدا «ناۋرىز – 2018» مەيرامى اياسىندا ەڭ ۇزىن قۇراق كورپە تىگىلەدى. مەگاپوليستە «گينەسستىڭ رەكوردتار كىتابىنىڭ» جاڭا رەكوردى جاسالماقشى. قۇراق كورپەنىڭ ۇزىندىعى 25 500 شارشى مەتر بولادى. ۇيىمداستىرۋشىلاردىڭ ايتۋىنشا، رەكورد جاسالىپ، سەرتيفيكات الىنعان سوڭ قۇراق كورپە ٴتۇرلى كورمەلەرگە قويىلادى، دەپ حابارلايدى baq.kz اقپارات اگەنتتىگى.

قۇراق كورپەنى تىگۋ جونىندەگى شەبەرلىك سىنىبىنا قاتىسۋعا نيەت بىلدىرۋشىلەردىڭ بارلىعى 10 ناۋرىزدا www.nauryzfest2018.kz. سايتىنا تىركەلۋلەرى ٴتيىس. اتاۋلى شارا «ناۋرىز – 2018» اتتى ناۋرىز مەرەكەسىنە وراي 22 ناۋرىزدا باستالىپ، الماتىنىڭ قالا كۇنى اتالىپ وتەتىن قىركۇيەك ايىندا اياقتالادى. جوبانى جۇزەگە اسىرۋ ٴۇشىن قالانىڭ 25 كىتاپحاناسىندا كورپە ەلەمەنتتەرى قابىلدانادى.

ايتا كەتەرلىگى، مۇنىڭ الدىنداعى رەكورد 2000 جىلى پورتۋگاليانىڭ پورتو قالاسىندا ۇزىندىعى 25100 شارشى مەتر «manta da cultura» كورپەسىن تىگۋمەن جاسالعان بولاتىن.

قۇراق كورپەنىڭ ٴار بولشەگى وتانىمىزدىڭ سان الۋاندىعىن: ونىڭ دالاسىن، تاۋى مەن وزەنىن كورسەتەدى، ال باستى سيمۆول – حالىقتىڭ بىرلىگى. قازاقستان رەسپۋبليكاسىندا 130-دان استام ۇلت وكىلى تۇرادى. كورپەنىڭ قۇراقتارى تۇتاس جامىلعىعا اينالىپ، ەلىمىزدىڭ تۇتاستىعىن پاش ەتەدى»، - دەگەن تۇسىنىك بەردى الماتى قالاسى مادەنيەت جانە مۇراعاتتار باسقارماسى ماماندارى.

ەسكە سالساق، «ناۋرىز – 2018» مەرەكەسى 21 - 25 ناۋرىز ارالىعىندا تاڭعى ساعات 10:00 مەن كەشكى ساعات 21:00-گە دەيىن مەگاپوليستىڭ ٴتۇرلى الاڭدارىندا وتەدى. ال 22 ناۋرىزدا استانا الاڭىندا ۇلكەن كونسەرت، ۇلتتىق اس ٴمازىرى فەستيۆالى جانە باسقالارى ۇيىمداستىرىلادى.

مەرەكەلىك شارالار پانفيلوۆ، جىبەك جولى كوشەلەرىندە 22 – 25 ناۋرىز ارالىعىندا 10:00-22:00 ساعات ارالىعىندا وتەدى. شاراعا 120 000-نان استام ادام كەلەدى دەپ كۇتىلۋدە. الماتىدا 12 ەل وكىلدەرى بولادى، ولار يران، قازاقستان، ٴازىربايجان، وزبەكستان، قىرعىزستان، تۇركيا، ٴۇندىستان، پاكىستان، اۋعانستان، يراك، تۇركمەنستان جانە باسقالارى.

بۇدان وزگە، كوكتەم مەرەكەسى جۇرگەنوۆ اكادەمياسى ماڭىنداعى ساحنادا، اتلەتتەر اۋىلىندا، «almaty arena» جانىندا دا ۇيىمداستىرىلادى. «ناۋرىز-2018» مەرەكەسى ٴبىر اي بويىنا، ياعني ناۋرىز بەن ٴساۋىر ايلارىندا اتاپ وتىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي