BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

الماتىدا دەنيس تەنگە ەسكەرتكىش قويىلادى

الماتى، baq.kz ٴتىلشىسى. ٴقازىر سپورتشىنىڭ اناسىمەن بىرگە بولاشاق ٴمۇسىننىڭ ەسكيزىن جاساپ جاتىرمىز. بۇل تۋرالى الماتى قالاسى اكىمىنىڭ ورىنباسارى ارمان قىرىقبايەۆ سپورتشىنىڭ ۇيىنە مەموريالدىق تاقتا ورناتۋ كەزىندە ايتتى.
اكىم ورىنباسارى مايتالمان سپورتشىنى ەسكە الۋ ٴۇشىن ٴبىرقاتار شارالار وتكىزىلەتىنىن جانە الداعى ۋاقىتتا ەسكەرتكىش بوي كوتەرەتىنىن ايتىپ ٴوتتى.

«دەنيستىڭ ەلىمىز بەن سپورت ٴۇشىن اتقارعان ەڭبەگى وراسان. ول تەك مانەرلەپ سىرعاناۋمەن اينالىسىپ قانا قويعان جوق، ەلىمىزدىڭ كوك تۋىن جەلبىرەتىپ ميلليونداعان وتانداسىمىزدىڭ كوكەيىنە ماقتانىش سەزىمىن ۇيالاتا ٴبىلدى. ونى ەستە ساقتاۋ ٴۇشىن ٴتۇرلى شارالار وتكىزەمىز. بۇگىن دەنيس تەن اتىنداعى قور اشىلادى، ونىڭ ٴوفيسى «حالىق ارەنا» سپورت كەشەنىندە ورنالاسادى. سونداي-اق الداعى ۋاقىتتا سپورتشىعا ارناپ ەسكەرتكىش تۇرعىزامىز. ٴقازىر سپورتشىنىڭ اناسىمەن بىرگە بولاشاق ٴمۇسىننىڭ ەسكيزىن جاساپ جاتىرمىز. ول الداعى جىلدىڭ كوكتەمىندە دايىن بولىپ قالادى»، -دەيدى اكىم ورىنباسارى.

سونداي-اق ول قالا اكىمدىگى جىل سايىنعى دەنيس تەن اتىنداعى حالىقارالىق ٴتۋرنيردى جوسپارلاپ، بيۋدجەتكە ەنگىزگەنىن جەتكىزدى.

ەستەرىڭىزگە سالا كەتەيىك، بۇگىن الماتىدا دەنيس تەن تۇرعان ۇيگە مەموريالدىق تاقتا قويىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي