BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

الماتىدا بوي كوتەرگەن الىپ ٴتيىننىڭ ٴمۇسىنى قازاقستان رەكوردتار كىتابىنا ەنەدى

فوتو: Автор

بۇل جايىندا اتالعان ٴمۇسىننىڭ اشىلۋى بارىسىندا قازاقستان رەكوردتارىن تىركەيتىن دەپارتامەنتتىڭ ديرەكتورى جانە «عالىم» باسپاسىنىڭ باس رەداكتورى باقىتجان تاستۇلەكوۆ مالىمدەدى، دەپ حابارلايدى baq.kz اقپارات اگەنتتىگىنىڭ ٴتىلشىسى.

بيىكتىگى 12 مەتردەن اساتىن الىپ ٴتيىننىڭ ٴمۇسىنى الماتىداعى «اتاكەنت» كورمە ورتالىعىنىڭ الدىندا بوي كوتەرگەن. كادىمگى ساباننان تۇرعىزىلعان بۇل ٴمۇسىندى جاساۋ ٴۇشىن شەتەلدىك سۋرەتشىلەر مەن مۇسىنشىلەر شاقىرتىلعان.

«ٴبىز قالامىزداعى جانە ەلدە بولىپ جاتقان ماڭىزدى وقيعالاردى ٴجىتى قاداعالاپ وتىرامىز. قازاقستان رەكوردتار كىتابىنا ەنگىزۋ ٴۇشىن ولاردىڭ ىشىندەگى ەڭ ماڭىزدى ٴارى رەكوردتى دەگەنىن تىركەپ وتىرامىز. بۇگىنگى ٴتيىن ٴمۇسىنىنىڭ اشىلۋى قالامىز ٴۇشىن ەلەۋلى وقيعا. بۇل وتە ۇلكەن نىسان، سوندىقتان ول قازاقستان رەكوردتار كىتابىنا ەنۋگە لايىقتى دەپ تاپتىق»، - دەدى باقىتجان تاستۇلەكوۆ.

سونىمەن قاتار ول، وسى ٴمۇسىندى تۇرعىزۋعا اتسالىسقان شىعارماشىلىق توپ مۇشەلەرىنە رەكوردتار كىتابىنا ەنگەندىگى جونىندە سەرتيفيكاتتار تابىستادى.

ۇلىبريتانيادان كەلگەن سۋرەتشى ٴارى جوبانىڭ جەتەكشىسى الەكس رينسلەر اپتاپ ىستىقتا جۇمىس ىستەۋ وڭايعا سوقپاعاندىعىن ايتادى.

«بۇل ٴتيىن وتە ۇلكەن جوبا، ونى تۇرعىزۋ ٴۇشىن كوپتەگەن ادام جۇمىلدىرىلدى. كوپتەگەن قالادا ٴتۇرلى جانۋارلاردىڭ ينستاللياسياسىن جاسادىم. بۇل ٴتيىن قاراپايىم ادامدارعا ارنالعان. ينستاللياسيا 9 ايدا عانا تۇرادى جانە ۋاقىت وتە كەلە ول وزگەرىپ وتىرادى. مىنا جەردى نەلىكتەن تاڭدالدى دەسەڭىزدەر؟ بۇل قالانىڭ قاق ورتاسى. سۋرەتتەن كورگەن ادامدار مۇنىڭ الماتى قالاسىندا تۇرعانىن بىردەن تانيدى»، -دەيدى سۋرەتشى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي