BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

الماتىدا بارلىق بازار جاڭارادى

فوتو: photootchet - LiveJournal

ساۋدانى زاماناۋي فورماتقا كوشىرۋ جانە سالىق ٴتۇسىمىنىڭ اشىقتىعىن قامتاماسىز ەتۋ ماقساتىندا مەگاپوليستىڭ بارلىق بازارلارى جاڭاراتىن بولادى، دەپ حابارلايدى baq.kz اقپارات اگەنتتىگى الماتى اكىمدىگىنىڭ رەسمي سايتىنا سىلتەمە جاساپ.

بۇگىنگى كۇنى ەلىمىزدىڭ ەڭ ٴىرى قالاسىندا 57 بازار جۇمىس ىستەيدى. سوڭعى بەس جىل ىشىندە قالا باسشىلىعى «قىزىل جيەككە» ورنالاسقان، سانيتارلىق نورمالار مەن مەگاپوليستىڭ ارحيتەكتۋرالىق كەلبەتىنە ساي كەلمەيتىن 20-دان استام بازاردى جويدى. قازىرگى كەزدە ولاردىڭ ورنىنا جۇرگىنشى ايماقتارى، قوعامدىق كولىك ٴۇشىن كەڭەيتىلگەن جولدار، جەر ٴۇستى وتپەلى جولدار پايدا بولدى.

دەگەنمەن، قالادا ٴالى دە بولسا ساۋدانىڭ كىشىگىرم تالاپتارىنا جاۋاپ بەرمەيتىن بازارلار بار، ال كاسىپكەرلەر كونتەينەرلەر مەن دۇڭگىرشىكتەردە جۇمىس جاساۋدا. قالانى ودان ٴارى دامىتۋ ٴۇشىن مۇنداي بازارلار الىنۋى ٴتيىس. جۋىردا عانا «كار سيتي» ساۋدا ورتالىعى الدىنداعى 100-دەن استام ساۋدا مەن قوعامدىق تاماقتانۋ نۇكتەلەرى جويىلدى. «راحات» بازارى ماڭىن جالعا بەرۋ مەرزىمى اياقتالىسىمەن ونىڭ اينالاسىنا قالالىقتار ٴۇشىن اللەيا جاساۋ جوسپارلانعان.

«قازىرگى كەزدە 16 بازاردى جاڭارتۋ جۇمىستارى جۇزەگە استى، ولاردىڭ مەنشىك يەلەرى 16 ميللياردتان استام ينۆەستيسيا ٴبولدى. جىل اياعىنا دەيىن تاعى دا التى بازار رەكونسترۋكسيالانادى. بەسەۋى مودەرنيزاسيالانۋدا جانە جاڭارتۋ جۇمىستارى كەلەر جىلى اياقتالادى»، - دەپ حابارلايدى الماتى اكىمدىگىنىڭ ٴباسپاسوز قىزمەتى.

قالا باسشىلىعى بازارلاردى مودەرنيزاسيالاۋدىڭ ٴبىرقاتار ناقتىلى شارتتارىن بەلگىلەدى، ياعني ولاردا ستاسيونارلىق نىسان مىندەتتى تۇردە سالىنۋى، وبكتىلەردىڭ بارلىعى سانيتارلىق -ەپيدەميولوگيالىق نورمالارعا، ٴورت قاۋىپسىزدىگى تالاپتارىنا ساي جانە كولىك تۇراعىنىڭ بولۋى، ەلىمىزدىڭ سالىق زاڭدىلىعى قاتاڭ ساقتالۋى ٴتيىس، سونىمەن قاتار كاسىپكەرلەر تىركەۋدەن ٴوتىپ، pos-تەرمينالدار مەن كاسسالىق اپپاراتتاردىڭ بولعانى ٴجون.

بازارلاردى مودەرنيزاسيالاۋ ٴقازىردىڭ وزىندە ٴتيىمدى بولۋدا. سوڭعى جىلدا كوتەرمە-بولشەك ساۋدا اينالىمى قالادا 3،4%-عا ارتىپ، 12،8 ترلن. تەڭگەنى قۇرادى. بۇعان ساۋدا الاڭىن مەن ساۋدا ورىندارىنىڭ سانىن ۇلعايتۋ جانە كاسىپكەرلەر جۇمىسىنىڭ اشىقتىعىن قامتاماسىز ەتۋ ارقاسىندا قولجەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي