BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

الماتىدا ازاماتتىق قوعام دامۋىنداعى ۋنيۆەرسيتەتتىڭ ٴرولى تالقىلانۋدا

الماتى، baq.kz ٴتىلشىسى. الماتىدا «ازاماتتىق قوعامنىڭ دامۋىنداعى ۋنيۆەرسيتەتتەردىڭ ٴرولى» اتتى حالىقارالىق كونفەرەنسيا ٴوتىپ جاتىر.

جيىن بارىسىندا قازاقستان ازاماتتىق اليانسىنىڭ پرەزيدەنتى اسىلبەك قوجاحمەتوۆ بيىل بۇل ۇيىمنىڭ قۇرىلعانىنا 15 جىل تولىپ وتىرعانىن ايتا كەلە، وسى ۋاقىت ارالىعىندا ۋنيۆەرسيتەتتەردىڭ بەلسەندى ٴرولىن بايقالماعانىن جەتكىزدى.

«رەسپۋبليكانىڭ بارلىق ايماعىنداعى ٴار سالادا جۇمىس ىستەپ جاتقان 500-دەن اسا ۇەۇ قازاقستان ازاماتتىق اليانسى توڭىرەگىندە بىرىگۋدە. دەگەنمەن ٴبىز ۋاقىت ارالىعىندا ۋنيۆەرسيتەتتەردىڭ بەلسەندى ٴرولىن بايقاي المادىق، الايدا ۋنيۆەرسيتەتتىڭ ينتەلەكتۋالدى الەۋەتى جوعارى بولىپ كەلەدى»، - دەيدى ول.

سونداي-اق ول، قازاقستان ازاماتتىق اليانسىنىڭ جۇمىسىن جەتىلدىرىپ، ۇكىمەتتىك ەمەس سەكتورلار، بيزنەس قاۋىمداستىق جانە مەملەكەت اراسىندا ٴوزارا ارەكەتتەستىكتى نىعايتاتىنىن جەتكىزدى.

«ٴبىزدىڭ ماقساتىمىز - بىرەۋ عانا، ول - قازاقستاندا مىقتى ازاماتتىق قوعام قۇرۋ. مىقتى ازاماتتىق قوعام قۇرماي، ناعىز كۇشتى، ويلى مەملەكەتتى قۇرۋ مۇمكىن ەمەس»، - دەيدى قوجاحمەتوۆ.

ٴسوز اراسىندا ول 27-28 قاراشا كۇندەرى استانا قالاسىندا vii ازاماتتىق فورۋم وتەتىنىن جانە وعان 850-گە جۋىق ادام مەن ەلباسى قاتىسۋى مۇمكىن ەكەنىن ايتىپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي